R U I N E D (MarriageSeries#2) -COMPLETED

KABANATA 2

Nagising ako sa mabigat na pakiramdam, nananakit ang sensitibong parte ko. Marahan akong nagmulat at ganun nalang ang panlalamig ko nang maalala ang lahat.

Hindi pa sumisikat ang araw, sinilip ko ang aking katabi na mahimbing na natutulog. Nag-init ang mukha ko nang mapagtantong nandito parin kami sa sofa. Ni hindi man lang ako inilipat ng lalaki na ito.

Shet Ayesha. Shete ka talaga.

Buong pag-iingat akong kumilos upang makaalis sa tabi niya. Agad kong hinanap ang damit na suot ko kagabi, hindi naman ako nahirapan sapagkat nakatupi na iyon sa isang tabi. Mabilis akong nagbihis kahit pa kumikirot ang ibaba ko.

Nang tuluyan na nga akong nakadamit ay mga gamit ko naman ang kinuha ko at tuluyang naglakad palayo sa kanya.

We should not meet again. Isip ko nang sandaling tapunan ko siya ng huling tingin bago tuluyang nilisan ang lugar.

Agad akong naghanap ng sasakyan pagkalabas at nagpahatid sa bahay.

"San ka galing? Bakit hindi ka umuwi kagabi?" salubong sa akin ni Mommy saka pinasadahan ng tingin ang kabuuan ko.

Napalunok naman ako at napaiwas ng tingin. "N-nkatulog na po ako sa bahay ng kaibigan ko" I mumbled.

Kita ko sa gilid ng aking paningin ang pagtaas ng kilay ni Mommy. Sinong hindi magtataka?Kahit gaano ako kalasing noon ay umuuwi ako, ngayon lang hindi.

Kung hindi ka ba naman sinumpong ng kalibugan Ayesha edi hindi ka mamomroblema sa pagdadahilan.

Namaalam ako kay Mommy at umaakyat sa silid ko. Pabagsak akong humiga sa kama ko at napatitig nalang sa kisame, inalala lahat ng katangahang ginawa ko.

Mabuti na lang at hindi ko sinabi ang pangalan ko, hindi naman sa nag-eexpect akong susundan niya ako pero mabuti parin  yung nakapag-ingat.

Well hindi niya naman siguro gagawing bigdeal iyon. He's a playboy for petes sake.

Tinanggal ko lahat ng ideya at isiping namumuo sa utak ko at napagdesisyunang matulog nalang ulit. Ganun nalang ang asar ko nang hindi pa man ako nakakaidlip ay tumunog ang aking telepono.

Isa lang ang alam kong tumatawag sa akin maliban sa pamilya ko, si Cassandra. Kinapa ko ang aking cellphone kung saan ito tumutunog, nang mapagtagumpayan ko iyong makuha ay basta ko nalang itong sinagot.

"Can you come into my office?" she said with her serious tone.

I let out a sighed. "Give me a minute. I'm going." simpleng sagot ko at pinatay ang tawag.

Bumangon ako at naligo kahit pa tamad na tamad ang katawan ko. Nag-ayos ako saglit at tuluyan na ngang pumunta sa opisina niya.

Tulad ng inaasahan ko ay problemado na naman siya sa set up nila ng asawa niya. Hindi ko talaga maintindihan kung bakit, kung bakit may jowa ang asawa niya kahit kitang-kita sa mga mata nito ang pagmamahal sa kaibigan ko.

Hangga'g maaari ay ayokong makialam sa damdamin nila kaya ang tanging nagagawa ko nalang ay ang ipaisip sa kanya ang feelings niya. Gusto ko ring siyang sakalin sapagkat kahit hindi niya isatinig ay mababa ang tingin niya sa kanyang sarili, mababa upang piliin. Nasa kalagitnaan kami ng pag-uusap nang tumawag ang sekretarya nito para iimpormang may naghahanap sa kanya kaya naman namaalam na ako sa pag-iisip na isa iyong negosyante. Bukod doon ay talagang antok na antok na ako kaya naman nagmadali akong umuwi at walang bihis-bihis na natulog agad.

Gabi na nang nagising ako sa muling pag-iingay ng cellphone ko.

"Argh! Ano na naman kayang kailangan nito?" bulong ko sa sarili at sinagot ang telepono.