وإن سألوني يوما عن ماهو جميل في حياتي
أشرت الى أمي ومثل كل يوم جنت راجعه من المدرسه ودخلت الصاله وشوف امي كبالي ركضت الها واخاف اذيها رميت روحي بحظنها وابوس وأشم بريحتها اخ ياامي هستوني حسيت بامان لكيت اخوي هم جاي وخلتنه بحظنها وكساع تتلمس بينه وتبوس يله ماما خل نرجع البيت كالت خالتي لا ساره امج راح تبقه هنا لان هناك محد يكدر يداريها كتلها اني اشيلها بعيوني كالت لا ماتكدرين الها وهيه هسه وضعها بعده مامستقر ضجت حيل لان اني مارتاح بيت خالتي بقيت يم امي يومين وبعدين ضليت اروح وارجع الها مررن عل عمليه ماما اسبوعين وخالتي كالت خل اطهر ابني طبعا خالتي كبيره بس هذا اخر واحد جابته وعمرها ٤٠سنه وقررو يسون حفله طبعا همه اقل شي يسون حفله ويجيبون مطربين لان حالتهم الماديه فوق العال كانت هيه مرات تساعد ماما ونطنيها بس شي بسيط وطبعا ماما تحاول ماتخلينه محتاجين شي ومثل كل عاده رجعت من المدرسه والكيت بيت خالتي مخبوطين ويحظرون سئلت ماما شكو كالت اليوم الحفله مال الطهور كتلها لعد اني اروح لان ملابسي مال المدرسه وهسه يجون اقاربهم حايرات شنومسويات واكيد ملابسهن من العالي والغالي كالت هسه اخلي وحده من بنات خالتج تنطيج فستان تلبسي لان اخاف عليج ترحين واني ماكدر اروح وياج عمليتي تاذيني ولازم بعد يومين ارجع البغداد فابقي الخاطري اشوف بنات خالتي شلبسن من بدلات وذهب واني كاعده يم امي ملابس المدرسه ختنكت امي صاحت وحده من بنات خالتي اسمها ناهده جانت جايبه فساتين وياها تبدل بيهن وزوج ناهده جان تاجر ذهب وملابس جان تكل لامي اهو هيه غير تجيب ملابس وياها كالتلها ماما اني مريضه وماكدرت اطلع اشتري لها وهيه اصلا ماعدها جان تكول اني وصيت زوجي يجبلي بعد فساتين وراح انطيها واحد من هذني جبتهن وياي بس اذا ماجاب انزعج كدام العالم وأخذ الفستان جان اني اكلها ماريده ملابسي مابها شي واصلا عندي امتحان باجر راح اشوف مكان وروح ادرس بي بهل اثناء طبت هيام وجانت مبدله ونازكه حيل جان تجرني من يدي وتاخذني الغرفه وجانت جابيتلي وياها فستان كلش حلووو كالت رحت شتريت واحد الي واحد الج وكون يعجبج وحضنتني وكالت يله بدلي واني راح انتظرج وريد اشوفج اول وحده طبعا اخذت الفستان ولبسته وسويت شعري تسريحه بسيطه بس اني بدي دقيقه مابقه بهاذا المكان بس اخاطر امي بقيت طلعت وجانت لانظار كلها عليه وحتى ناهده اجت كالت هذا مين جبتي اني فساتيني كله من الغالي ومحد باوعلى وانتي كلها تحجي وتكول هاي منين ماجوبتها خلصت الحفله وكلمن راح عل بيته واني كلت إلماماً راح ارجع ويه هيام البيت طبعا هيام بيتها بصف البيت مالتنه ماما ماقلبت كالت ادري بيج مقهوره بس الخاطري ابقي فعلا بقيت وستمرت اروح وارجع وماما كالت باجر اروح البغداد وهاي حصلت وجبات هاج هذني فلوس نطيهن ساهره اخذتهن منها وكتلها من ارجع من العمليه ارجعهن الج وجان المبلغ هواي اخذتهم وضميتهن وامي راحت واجه زوج هيام ياخذني مثل كل يوم وصلت البيت اريد اطلع المبلغ من الجنطه علمود اودي الساهره طبعا ساهره صديقه ماما وتفاجا ت المبلغ ماكو كمت ادور طشرت الجنطه ماكو ياربي دخيلك امي اذا سمعت اكيد راح تتاذه ومين تجيب بعد ظليت أدك والطم اجت هيام تواسي بيه وتكول الله موجود ماراح يعوف عبده بس اني ضليت ابجي وقطعت لأكل وحتى من اروح المدرسه مالي خلك ومستواي صار موزين بدراسه وسمعت امي باجر ترجع من بغداد متت خوف شنو راح اكلها وهيه متئمله منى اني نطيت الفلوس الساهره ثاني يوم رجعت من المدرسه البيت خالتي وجانت امي راجعه سلمت عليها بس جان مبين عليه بيه شي وره ساعه كالت ماما ساره فدوه الج الفلوس بنات خالتج سولفلي شبكتها وضليت ابجي ماما والله مادري وين راحن كالت ميخالف اعتبرهن دفعت بله لاتنقهرين فرحت وبنفس الوقت مقهوره مين امي راح تحصل فلوس وتنطي الدين مالتها
مع تحياتي ويارب تعجبكم هذني اول كتاباتي وصاحبت القصه موجوده ويانا وتابع تعليقاتكم اتنمى تنال عجابكم تحياتي الكاتبه سرور الخزرجي
