كالت نادين تخبلت وراحت البيتهم ماما كالت خلى نروح البيت تعبت طلعتنه من بيت خالتي ورجعنه البيت مر اليوم عادي بين بيت وتنظيف ودراسه رجعت البيت لكيت خالتي موجوده جاي تراضي امي وامي كلبها طيب تصالحن العصر كالت خالتي خل نروح البيت سامر نبارك اله ونفتهم شسوت ناديه البارحه سئلتها ماما ناديه شنو سوت من شافت مريم كالتها ماعرف ماحجت وكالت بعدين تعرفون صار العصر ومثل العاده شفت هذاك الشاب لي اخذ عقلي وكان هوكن كان منتظرني ينظر الي بلهفه وعيونه تلمع دخلنه سلمنه وباركنا المريم لي كانت ملمحه مبينه ضايجه ماما عرفتها بيها شي ومريم الحت اله نبقه اني وماما كالتلها عندي موضوع وياج اريد احجي فعلا بقينه اجه وداد كلتلي ساره اجو خطابه الج كتلها منو كالت جوارينه واليوم تجي امه تحجي وياه عمتي اني الفرحه ماسايعتني تبهت عليه وداد كالت ها شو فرحتى اكو نظرت متبادله ضحكت وكتلها من اول يوم تعلقت بي واحسب يوم يوم نجيكم واشوفه ضحكت كالت ربي يفرحج ويعوضج راحت خالتي واجت مريم كامت تبجي كالت نادين اجت البارحه وتبوس بيدي ورجليه خل سامر يزوجني واني ماحجيت وتبوس برجلين سامر بس زوجني انته حب طفولتي بس اني ماسكتت كتلها اليش ماخذتي اليش من شفتي كون بيت وعائله اجيتي تخربين عليه وسامر كالها ميخالف ازوجج وهسه اني خايفه ماما ضلت صافنه وماتعرف شنو تسوي والليل اجت مره جبيره وياها بنتها ظلت تبوس بيه وتكله فدوه الجنتنه الحلوه طبعا امي خزرتني ماخلتني اكعد يمهن وره نص ساعه اجت وداد ضايجه كتلها ها بشري كالت عمتي ماقبلت ورفضتهم وكالتلهم بعدها صغير اني تخبلت ضليت افرفح وابجي كالت لاتخافين ماراح يعوفج لان هو خابص اهله بيج وحتى اخواته من كثر مايحبج هنه حبنج وحتى امه مره فقير واجه سامر كيف لان احنا موجودين وكال إلماماً راح اتزوج ناديه واجر بيت قريب من بيتي بنفس المنطقه امي ماحجت اكتفت بالسكوت وفعلا خلال ١٠ايام كمل كلشي وتزوج ناديه وكام يوم يم مريم ويوم واني كل ماروح اكتفي بالنظرات لي تاخذ روحي ويوم عن يوم كمت احبه حب جنون لحد مايوم اجت وداد كالت باجر تعاي النه كتلها شكو كالت هيج تعاي يمنه وفعلا صار ثاني يوم ورحت جان تجي وداد كالت محمود يريد يحجي وياج بالبدايه خفت وبعدين تجرات ورحت قابلته كدام امه وخواته وفرحن وامه تندعي امي توافق ونكون مع بعض وكل يوم لي التقى ويه محمود عندي عيد وكان انسان خلوق وكلامه كله بادب وتتكرت خطبه الي اكثر من مره ودز ناس السامرلان هو كان ولي امري اجه سامر وخبر ماما بالموضوع ماما تخبلت ومنعتني اروح البيت سامر بس اني جنت اموت مليون موته وضلت فقط الرسائل ورجع وتقدم وامي قافله ماتقبل وكالت لو يموت ماقبل ظليت ابجي وقطعت لاكل وشرب ضليت فقط روح وياهو لي يشوفني يكول شنو صاير بيج وبطلت من المدرسه اجت جوارينه تخيط عند ماما كل ماتشوفني ضل صافنه وتسائل بيه لاان يوم سمعتها تحجي وياه امي تكلها اريد ساره لابن حماتي وهو شاغول وخوش والد اني سمعت هيج تخبلت ضليت ادك والطم امي كالتلها لا ساره مازوجها هسه رتاحيت سويه بس خفت ترجع وامي توافق ضليت فقط رسايل ويه محمود تاخذهن وداد وتجيبلي منه رسايل وكل يوم أتعلق بي اكثر وكمت اروح لبيت سامر لكن امي ماتعوفني بحجه اروح الناديه امر عل بيت محمود ويستقبلوني اهله بكل فرح واتمنه امي تواقف وأصير بنصهم محمود جان كل مايشوفني يضل يشاقه ويضحك وحتى حامد اخو محمود جان يسولفلي شلون من يجبون سيرتي ومحمود شنو يصير بي ونظحك ونسولف واني كاعده يمهم انسه روحي وناديه جانت تعرف صار سنه بعلقتي محمودوبهاي السنه محمود يوميه يدز ناس ويدز اهله وامي قافله وحتى شكت بيه اني اريده وهم مره سنه عل جوارينه من خطبتني الابن حماتها وفديوم كاعده اغسل بالطارمه وجان شهر ثالث الصبح واني اغسل نتدكت الباب فتحتها وجانت جوارينه ومره جبيره وياها كالت المره لي وياها هيه هاي كالتلها ام رافد ايي هيه شوفيها شلون حلوه وصغيره ضليت صافنه وكلبي لجمنى كتلها سئلن امج وين كتلها بالسوك كالت ام رافد احنه اجينه عليج وراحن كالت شويه ونجي طلعن واني تخبلت
مع اجمل تحياتي سرور الخزرجي
