الحب و الصاعقه

البارت الثاني

،،،،،،الحب و الصاعقه،،،،

،،،،،البارت الثاني،،،،،،

أنه بيوم شفتك كلبي راح وياك ❤

لتكول شعجب وشلون هاويني

هيه نضرت عشك خطرت بلحظات

خلت خط وصل مابينك وبيني

ومامجبور أحبك والدروب هواي

بس دربك ضوى ودلاني بسنيني

والك شايل صبر أيوب تدريني

،،،،،،الحاضر،،،

تغريد:-كمت من الجربايه و الوجع يزيد لازمه بطني و أحس مصاريني تتكطع و سائل من بين رجليه يمكن هاي الالام الولاده اخخ يا رب الوجع يذبح متحملت كعدت بالكاع عبالك راح يوكع الطفل و أعيط بعلو صوتي يا رب سهل ولادتي يا الله يا ربييييي راح اموووووت أحمد الحكلي راح أولد انفتحت الباب و طب أحمد يركض مفزوع

أحمد:-جيتج كولي يا الله تاتسهل ولادتج يول يا الله هساع شسوي اني شمعرفني بسوالف النسوان

تغريد:-خابر على امك عفيه راح يروح أبني

-لا تخافين ....لا تخافين هاي راح اخابره"""

-أباوع عليه يحجي ويه أمه و اني بعد ما أتحمل

-حدري افوتج للحمام تغسلين بين ما توصل أمي شلون تطلعين هيج

-كوا كومني من الكاع و رجليه أتربطت أخاف اتحرك لا يوكع الجاهل بجيت بشهكه"أخاف امشي"

-بس عيني نفسج عجل تريدين تبقين هيج ملوصه روحج و كل المستشفى ادحك بيج

-مو وكت غيرتك مدتشوفني داموت و كل الي ديصير بيه بسببك'انفتح الباب و طبت عمتي عطت'عمه الحكيلي راح اجيب الوجع ياكل بيه.....

الماضي....

بعد وفاة أخويه كلشي صار أسود بعيني و خايفه من خوالي رغم ما شايفتهم لأن أمي دوم تحجي عليهم أباوع على المرايه شلون وجهي ضعفان و عيوني طابه ليجوه و تحتهه سواد قوي و حتى جسمي صرت جلد و عظم أكلي قليل و عايشه على المي و بس القهر و البجي متوقعت نفسي هلكد أحب أخويه صح طفله و ما أفهم شنو معنى الاخ بحياة البنيه بس اني اعرفه من زمان لما جانت أمي تكول أذا صار شي على رامي معناتهه أضيع و انتو تضيعون وراي گلبهه جان حاس و يعلم أن رامي يموت اووف الله يرحمك رجعت كعدت و بلشت أقرأ ذبيت جهدي بالدراسه حتى بلكت انشغل شويه كملت طلعت من الغرفه لكيت أمي على كعدتهه و دموعهه تنزل بـ سكته ردت أكعد جان تندك الباب طلعت فتحت الباب أجت جيرانه ام جاسم""شلونج يمه"
هلا خاله تفضلي ليش واكفه""زاد فضلج بنيتي امج موجوده"اي خاله موجوده لعد وين تروح الله يخليج حاولي تهدئيهه بلكت تسكت شويه عيونهه راحن من البجي و ضغطهه معلك ما يرضى ينزل""يمه لا تخافين انه يمهه و هسه احاجيهه و ان شاء الله تهدئ ""اي والله يا ريت.....