حب وهمي

بداية الانتقام

منه وعمر في الجامعه
عمر /منه معكيش رقم وكاله ناسا
منه/ايه ده ليه
عمر /يجوا يشوفوا القمر اللي قاعد قدامي ده
منه ضحكت وكان صوت ضحكتها حلو اوي وعمر بيحب يسمعها
عمر /ايوه كده الوش ده مخلوق عشان يضحك ويبقي سعيد دايما اوعي ف مره اشوفك زعلانه بجد انا بتضايق اوي لما بتزعلي وخصوصا لو كان بسببي بحس بأن انا ازاي عايش وشايف القمر زعلان بسببي
منه بأبتسامه وخدودها احمرت /طب بس يا عمر بطل دلع فيا علشان الناس بتبص علينا في الكافيتريا
عمر /وايه يعني مايبصوا ملناش عندهم حاجه
عمر ومنه قعدوا يهزروا وفجأه آيه دخلت لقيتهم سوا طبعا اتغاظت اوي وكانت عايزه تقتل منه من كتر الغيظ والغل
آيه راحت لأسامه واعتذرتله وقالتله /عامل ايه يا اسامه
اسامه طبعا مستني تجيله لأنه بيحبها بس هيا اللي اختارت تبعد /انا الحمدلله انتي عامله
آيه /عايزاك ترجعلي
أسامه ف صدمه وفرحه /ايه بتقولي ايه
آيه /ايوه انا بحبك مش عارفه ازاي قدرت اسيبك ها موافق
أسامه /ماشي
آيه /بس بشرط يأما ......لسه مكملتش
آسامه /لا يأما لا قولي عايزه ايه وانا تحت امرك
آيه /منه ...تترفد
آسامه استغرب جدا من الطلب مكنش متوقع انها بتكره منه اوي كده
آيه /ها قررت تعمل ايه
أسامه /موافق بس مش دلوقتي شويه كده عشان متحسش ان انتي ليكي دخل
آيه /وهتعرف ازاي اصلا
أسامه سكت وبصلها
آيه /اه عشان موضوع عمر ...تمام موافقه
أسامه /ايه مش هنخرج بقي
آيه مكنتش ف دماغها انه يخرجها هيا اصلا مش عايزاه بس كوسيله عشان تتخلص من منه وخلاص
آيه /معلش يا أسامه انا اسفه خالص بس صاحبتي مامتها اتوفت ف هتضطر اروح بقي العزا وكده
أسامه /اه اه تمام ولا يهمك
منه شافت آيه باصلهم جرت علي عمر ومسكت ايديه وباسته من خده وقالتله يلا يا حبي بقي عشان نخرج زي ما وعدتني
عمر /من عينيا الأتنين بس كده يلا روحي البسي واجهزي ولما تخلصي اتصلي عليا وانا ثواني وابقي تحت البيت
آيه مكنتش قادرة وكانت متغاظه وده اللي كانت عايزاه منه
منه بصتلها وراحتلها رافعه راسها وقربت علي ودنها وقالتلها/ لو فاكره ان موقف امبارح هيخليني ابعد عن عمر تبقي بتحلمي انا وعمر واحد وواثقه فيه ياريت تبعدي وتتقي شري علشان منشوفش وش تاني يفاجأنا احنا الأتنين
ومشت منه بتتضحك وآيه كان باين عليها الغيظ
آيه ف سرها مبقاش انا آيه لو مخلتكيش فرجه للكليه ومرفدتكيش واخدت منك عمر
عدت الأيام ومنه وعمر حددوا معاد الخطوبه وفعلا واتعزم كل اصحابهم في الكليه وآيه اولهم بس محضرتش شافتهم من بعيد ومشت وكانوا فرحانين اوي والأمتحان جه بتاع الكليه وامتحنت وذاكرت كويس اوي عشان منحه وفي يوم النتيجه منه راحت تشوف النتيجه بس كانت مصدومه .....