حب وهمي

ورا بعض

منة مصدومة ايه الدرجات دي انا كنت طالعة مبسوطه من الامتحانات وراجعت مع الدكتور دي اكيد مش درجاتي يعني ايه كل درجاتي علي النص كدا
آية بتبص علي درجاتها بكل فخر وبصت لمنة : معلش بقا يامنة تتعوض وضحكت
سنام جمبها : منة مش مهم بقا متزعليش بقا انتي عملتي الي عليكي
آية بصتلهم راحت شده ايد من جامد : بصي بقا انتي اكيد فهمتي اني اقدر اخليكي تنجحي واقدر برضوا اسقطك انا أسامة خطيبي ابن صاحب الكلية
منة : طيب منتي مخطوبة اهو عايزه منى ايه بقا سبيني فحالي
آية : ملكيش دعوة مخطوبه ولا لأ الي ليكي فيه انك تتصرفى وتسيبى عمر
منة : لا طبعا ايه الي بتقوليه ده
آيه : منة درجاتك دي كانت قرصه ودن كدا وانتي لو مسبتيش عمر انا حطردك من الكليه وحخليكي كمان تبقي  تجيبي درجات معفنة شبهك واسقطك ومنحتك الي انتي جايه بيها دي تتلغي فاهمة ومشت

منة : سنام اعمل ايه دلوقتي
سنام : مش عارفة يامنة بجد انا احترت مامتك لو عرفت حاجه زي كدا حتتعب جامد
منة : اه منا مش عارفة حقولها علي موضوع الدرجات دي ازاي اصلا
سنام : حتسيبي عمر !؟
منة : انتي شايفة حل تانى بتقولك حتطردني ماما وبابا حيبقوا عاملين ازاي ساعتها لو عرفوا اني اطردت  انا بحب عمر اوي بحبه اكتر حاجه فحياتى بس ده مستقبلي ودي عيلتي مقدرش اعمل فيهم كدا سنام انا تعبانة اوي
سنام : تعالي منروحش دلوقتي يلا نعد نشرب حاجه

في الكافيتريا

عمر : مناااااا انا نجحت وجبت درجات حلوا انا فرحات اوي انتي السبب فده على فكرا انتي الي كنتي بتخليني اذاكر اصلا طمنيني عملتي ايه
منة بابتسامة خفيفة : مبروك ياحبيبي انا نجحت انا كمان
عمر : فيه ايه مالك
منة : لا مفيش بس دُخت شويه
سنام : طب انا حروح اشوف حاجه يامنة
منة : لا خليكي قاعده معايا
عمر بابتسامه : لا سبيها اكيد حتشوف حاجه مهمة
منة : لا تبقى تشوفها بعدين
عمر باستغراب : منة انتي كويسة بجد
منة : اه ياعمر فيه ايه منا قولت كويسه
عمر : طيب
منة : يلا انا مروحه بقا اطمن ماما
عمر : ماشي يلا عشان اوصلك
منة : لا عشان سنام حتيجي معايا
عمر : ماشي فيها ايه
منة : ياعمر متروح انت بقا انا رايحة اطمن ماما مش عايزه اتعبك بقا يلا سلام وخد بالك من نفسك

                            ______________    

سنام : ايه يامنة ليه كدا
منة بعياط : مش قادره ياسنام مش قادره اعامله كدا انا بحبه اوي ومش قادره استحمل كدا
سنام : طب متسبيه علي طول ليه بتعامليه كدا
منة : لا لو قولتله نسيب بعض حيعرف أن فيه حاجه غلط وحتى لو كدا حيعد يفكر فيا ويفتكر أنه زعلني وانا مش عايزه كدا انا حخليه يكرهني حخليه يحسب أن انا الي وحشة عشان ميفكرش فيا تاني ويركز بطريقه ويروح يشتغل مع أبوه
سنام : بس يامنة...
منة وهي بتمسح دموعها : كدا احسن

                             ______________
أسامة : ايه ياحبيبتي عاملة ايه
آية : الحمدلله واه شكرا عشان الي عملته
أسامة : انا اعملك الي انتي عايزاه ايه حنحدد معاد الفرح امتى بقا
آية : ايه اه ماشي ماشي حنشوف الموضوع ده بعدين
أسامة : طيب يا حبيبتي

                            _________________
فبيت منة

الام : ايه يامنة طمنيني عملتي ايه
منة جرت علي مامتها وحضنتها جامد
الام : اهدي بس فيه ايه قلقتيني تعالي تعالي نعد وفهميني
منة حكتلها علي كل الي حصل
منة : اعمل ايه دلوقتي يماما اعمل ايه
الام : قولي لعمر علي كل حاجه هو لازم يعرف
منة : لا طبعا يماما اقولوا ازاي يماما وبعدين افرض مفهمنيش وافرض لو دخل نفسه فمشاكل وافرض....
الام : منة متفكريش فحجات دلوقتي بس هو من حقه يعرف مينفعش تعملي الي بتفكريه فيه ده خديها نصيحه منر قوليله يامنة قوليلوا
منة بصتلها : حشوف يماما

                         _________________

عمر : الو ايوا يامنة عايز اقابلك
منة : ماشي نتقابل امتى
عمر : بكرا الصبح حعدي عليكي
منة : ماشي ياعمر سلام
عمر : من...
عمر : هو مالها بجد فيها ايه بس انا  اشوفها حعرف
اكيد
 
                   ____________________
أسامة : بص بقا ياعم انت حتروح عند منة وتقولها .....
الشخص : تمام سلام
أسامة : انا حكرهك فحياتك ياعمر حخليك تمشى من هنا اصلا
                               ____________
الصبح

عمر : منة ينفع تقوليلي كان مالك بجد
منة : مفيش عادي
عمر : تعالي نعد طيب فحتة
منة : طيب
عمر : ايه بقا عملتي ايه لما روحتي
منة : مفيش عادي يعني احنا حنروح امتى بقا
عمر بصلها كدا : يلا دلوقتي
فبيتها
عمر : ابقي سلميلي علي مامتك
منة : ماشي سلام
عمر : سلام
منة عمال تفكر فكلام مامتها : عمر استنى عايزه اقولك حاجه
عمر : قولي
منة : امبارح...
واحد غريب : لو سمحتى حضرتك منة
منة : اه انت تعرفنى
الشخص : عايز اقولك حاجه
منة : قول
الشخص : لا مش هنا تعالي بس نقف بعيد شويه حقولك حاجه وبعدين حمشي
عمر : فيه ايه ياعم متقول هنا
منة : خلاص ياعمر مش مهم انا حشوفه عايز ايه حقف هنا بس متقلقش
عمر : طيب
الشخص : انتي كنتى عارفة أن عمر ........

                                     يتبع