لم تكن سوا لي

السابع عشر

محمد ابو خالد كان واقف وسامع كلام خالد لوالدته ودخل لما هيا طلعت
محمد....مالك ياخالد
خالد.....انا كويس يابابا مفيش حاجه نزلت الشغل وان شالله هنتظمم وارجع زي الاول
محمد....انا مش بقول عشان الشغل انا خايف عليك ياحبيبي طيب انت مجربتش تكلم ريم
خالد.....لا مكلمتهاش
محمد....ليه هيا اكيد بعد الفتره دي هديت وتعرف منها السبب واكيد هتلاقو حل
خالد....تفتكر
محمد....اها كلمها طلما انت بتحبها وهيا اكيد بتحبك
خالد....هحاول واعمل كل اللي اقدر عليه
محمد.....ربنا يريح قلبك ياحبيبي قوم يلا تعالي نعد تحت
خالد نزل مع باباه تحت وكريم فرح انه شاف اخوه بدا يرجع زي الاول ولاحظ حزنه الدايم وسرحانه
ايه.....تعالي ياادم (ابنها)
كريم...هو فين ادم
ايه....بيلعب برا مش عارفه بنادي عليه
سلمي....وكارما معاه
ايه.....اكيد انا هطلع اشوفهم
وطلعت ولقت كارما بتعيط وادم واقف جمبها
ايه....بتعيطي ليه ياكارما
كارما بعياط.....ليم وحشتني وانا عاوزه اشوفها
ايه بابتسامه.....انتي بتعيطي عشان ريم وحشتك
كارما هزت دماغها باه وهيا بتدعك في عنيها
ايه....ريم قابلتني النهارده في النادي وقالتلي اسلم عليكي كتير والمره الجايه اما نروح النادي هخدك معايا
ادم....وانا ياماما
ايه.....وانت كمان بس الموضوع دا محدش يعرفه
كارما وادم.....حاضر
ودخلو وايه فضلت واقفه وكريم طلعلها
كريم....سرحانه في ايه
ايه....تخيل يا كريم كارما بتعيط عشان ريم وحشتها وعايزه تشوفها دا لو مامتها غابت شهر مش بتسال عليها
كريم.....الاطفال بيحسو بالحنيه وهيا لقت في ريم الحنيه وكل حاجه وانتي قولتلها اي انا شايفهم داخلين بيضحكو
ايه....قولتلهم هاخدكم معايا النادي ونتقابل كلنا وريم كمان
كريم....طيب كويس يلا ندخل جوا
ودخلو جوا لقو خالد واخد كارما علي رجله وسلمي بتضحك مع كارما وبيهزروا وادم قاعد مع جدو وقعدو واندمجو معاهم وهزروا وكارما نامت ع رجل خالد وطلع طلعها وسلمي كانت طلعت اوضتها
وخالد طلع كارما مش عارف اي اللي ودا رجله ع اوضة ريم مع ان كان وهو طالع قال هيخدها اوضة مامتها عشان تنام جمب مامتها بس خدها اوضة ريم ونام جمبها وفضل سرحان وباصص للسقف لفتره طويلة وسلمي دخلت عليه
سلمي....انت هتنام هنا ياخالد
خالد بكذب.....اها ياسلمي معلش معرفتش اجي عندك كارما عاوزه تنام هنا وانا هنام جمبها او هجبها واجي شويه كدا
سلمي.....براحتك ياخالد  وطلعت وهيا بتعيط وصعب عليها نفسها وخالد حس بوجعها بس مقدرش يقوم
وراها لانه هو وجعه اكبر منها
وشويه وكارما صحيت بتعيط
خالد....مالك ياكارما بتعيطي ايه
كارما.....انا ليم وحشتني اوي
خالد بابتسامه حزينه.....ووحشتني انا كمان
كارما....طيب ابقي تعالي معانا واحنا راحين نشوفها (قالتها بطفوله)
خالد بانتباه.....راحين لريم انتي ومين
كارما....انا كنت بعيط ف الجنينه وطنط ايه شافتني وقولتلها ريم وحشتني قالت انها شافت ريم ف النادي وهتاخدني معاها
(طيب ايه قالتلها متقوليش لحد بس الاطفال مبيعرفوش يخبو حاجه😹😹😹😹)
خالد بابتسامه.....ماشي ياحبيبتي نامي بقي
كارما....حاضر هنام اهو
خالد بهزار....لما انتي عارفه انك هتشوفي ريم صاحيه بتعيطي ليه
كارما....كنت بحسبها جت وبعيط عشان عاوزه انام جمبها عشان نا بخاف انام لوحدي
خالد....طيب مبتزعليش عشان ماما ليه لما بتسافر
كارما....بزعل بس لما ريم مشيت زعلت اكتر هيا كانت بتعلب معايا وبنام جمبها ومكنتش بتخيليني اعيط ولا بتضربني
خالد......طيب معلشي ياحبيبتي هيا هترجع ان شاء الله
كارما...امته يابابا هو انتو اتصالحتو
خالد....انتي عندك كام سنه ياختي وعارفه منين ان احنا متخانقين
كارما.....انا كبرت يابابا وعارفه كل حاجه بس ماما قالتلي ريم معدتش هتيجي هنا تاني وقالتلي متساليش عليها تاني وزعقتلي
خالد بغضب....ليه هو انتي قولتليلها ايه
كارما....قولتلها هيا ريم فين وحشتني وعاوزها قالتلي مش هتيجي تاني وزعقتلي ولما عيط ضربتني
خالد شال كارما ووداها اوضة سلمي ولقها صاحيه وسرحانه واول ماشفته ابتسمت
خالد....انتي قولتي لكارما ايه لما قالتلك ريم فين وزعقتيلها ليه
سلمي.....واي يعني مهي مش هتيجي تاني
خالد قرب منها.....بس ريم مازالت مراتي وعلي زمتي وانا اللي احدد تيجي ولا لاء
سلمي بصدمة.....انت مش طلقتها
خالد....ميخصكيش
سلمي....ازاي
خالد.....يعني متدخليش وع العموم هيا مراتي ومازالت مراتي
سلمي....طيب وانا عمري مهاخد مكان في قلبك ولو نصها
خالد....كان ممكن من اول الجواز تنسيني ريم باهتمامك بيا بس انتي كنتي مهمله قولت يمكن حياه جديده عليها ومتعرفش خلفتي كارما وبقي اهمالك ليا ميجيش نص اهمال بنتك اللي متعرفيش حاجه عنها كنتي بتسيبها وتخرجي بالاسابيع ومتساليش عنها طيب هيا(شاور لكارما النائمه)زنبها اي زنبها اي تبقي انتي امها وبالاهمال دا كله
سلمي.....كل دا ف قلبك طيب انا ياخالد دلوقتي بقولك وغمضت عنيها طلقني
خالد بصلها بقوة......بكرا هيبقي عندك كل حاجه تخص طلائقك وتكتبي قدامها تنازل ليا علي حضانة كارما واظن هيا متفرقش بالنسبالك وكل حقوقك هتوصلك
سلمي....ماشي ياخالد
خالد بصلها ازاي دي ام ازاي كان اعمي عن كل حاجه وحشه فيها وطلع قبل مينفجر فيها ونزل تحت لقي باباه (نسينا نقول ان خالد قريب جدا جدا من باباه)
محمد....صوتك كان عالي ليه
خالد....مفيش حاجه
محمد....طيب تعالي ندخل المكتب نتكلم 
ودخلو وخالد حكاله كل اللي حصل مع سلمي و كارما
محمد....والله يابني معارف اقولك ايه طيب ليه مهديتش وبعد كدا اتفقتو ع الطلاق عشان بنتكو
خالد....بقولك دا انا بقولها اكتبي تنازل علي حضانة بنتك وخدي كل مستحقاتك قالتلي ماشي مش فارقه معاها
محمد...والله معارف اقول اي وقطعهم حد بيخبط علي الباب وكانت دادة سميحه (افتكروها)
دادة....معلش يا استاذ محمد مكنتش اعرف ان حضرتك هنا
محمد....مالك يا حاجة فيه حاجه
دادة بارتباك....لا اصل
خالد....طيب اعدي واحكي فيه اي محتاجه حاجه
الدادة....لا اصل كان فيه حاجه حصلت وانا لازم احكيها بس هيا  تحص حضرتك يا استاذ خالد
خالد....طيب احكي قولي في ايه
الدادة....الموضوع يخص مدام ريم
خالد بنتباه....طيب اتكلمي ساكته ليه
الدادة....انا كنت وقفه علي الباب وسمعت ستي سلمي وست ساميه بيتفقو علي ريم وبيقولو انهم هيقولو لريم علي ان استاذ خالد السبب في الحادثه واللي حصل لريم
محمد بص باستغراب لانه ميعرفش حكاية الحادثه وبص لخالد لقاه وشه احمر من الغضب وغمض عينه عشان يتحكم في افعاله
خالد...كملي يا حاجه
الدادة....والله يااستاذ خالد انا سمعت صدفه لا قصدي ان اتجسس علي حد ولما شوفت اللي حصل وعرفت ان مدام ريم اطلقت معرفتش اسكت وفي الاخر لما كانت ريم تعبانه قبل متمشي علي طول كنت داخله انادي لمدام ساميه سمعت جملة واحده احنا هنفذ خططتنا في اقرب وقت ف خفت علي ريم وبعد اللي حصل انا مقدرتش اسكت
خالد بغموض....يعني هما السبب في الحادثه بتاعت ريم
الدادة بصت في الارض.....للاسف ايوا 
والدادة طلعت برا وخالد حس بكل اللي ريم كانت فيه وحالتها النفسيه وعذرها وابوه واقف مش فاهم حاجه
محمد.....طيب فهمني يابني في ايه وحادثة اي
خالد....