بين عثرات السنين
زينب الشمري
....................
لمن تبقى بنص متاهة جبيرة كولش أكبر من ما أنت تتوقع؛ والمشكلة أن أنت تروح برجليك بكل سرور نحو التهلكة ؛ تتندم بعدين تتمنى لو ترجع بوقتك للفترة إلي قبل هاي المتاهة ؛ ولو رجعت لهاي الفترة ماجنت راح تختار هذا القرار ؛ أو امكن راح يزينلك الشيطان هذا القرار بأجمل زينة مثل مالعب بعقلك قبل ؛ او امكن هذا القرار هوة قدرك إلي مكتوب من رب العالمين ، واكيد مثل مازرعت راح تحصد....
خطواتي تمشي بهدوء تعزف رنات القبقاب لازمة الكتب بيدي دخلت للفرع وعيوني تتنقل على الأطفال الي تلعب بلشارع صوت محلات الحدادة لحد مابدت تتخلل لأذني صوت الأغنية الي يومية اسمعها لو بهذا المحل لو بلجامعة جمال صوت أنوار عبد الوهاب بأحساسها اليدخل للكلب
دنكت راسي بأسى على الحال الي اوقعت نفسي بي وأوقعته بي
عد واني أعد ونشوف
ياهو اكثر هموم
من عمري سبع سنين
وكليبي مهموم
راحو ويليي
راحو بعد ماردو أحباب
رجعت شعري المجعد ورة أذني وجريت نفس تأنيب الضمير ؛ الطرق الجميلة إلي أدتني إلى الهلاك ....
كملت طريقي بنص المحلة ووصلت لبيتنه فتحت الباب ؛ الدوام اليوم متعب وممل
طبيت للبيت بدلت ملابسي وطلعت من الغرفة بطني تزقزق من الجوع ويا طلعتي من الغرفة دك الأرضي رحت باتجاهة حتة اجاوب شلت التليفون وجاوبت علي
فاتن.... منو؟
ياسر..... ها حبيبي رجعتي من الجامعه
دنكت راسي بللت شفايفي
فاتن..... ها اي رجعت ليش مداومت اليوم انت
ياسر.....مريض مالي خلك
فاتن.... ها تمام عندك العافية
ياسر.... يلا راح انام هسة بعد شوية اجي عليج
فاتن..... انشالله منتضرتك عود
سديته منه ورحت لغرفة ماما
الام..... ها رجعتي
فاتن..... يي رجعت اكو غدة
الام..... ايي تغدينه وبقينالج روحي صبي
فاتن..... يلا راح اصب
طلعت من غرفة امي رحت للمطبخ حطيت تمن ومرك بماعون واخذته وطلعت للطرمة
كعدت على الكرسي بلحديقة واكل بلماعون ارفع راسي على اشكال الحمام التنرسم على السماء
زفرت نفس قوي ورجعت نزلت عيني على الماعون أكل أجت عيني على ايدي والأثر المحفور عليها غطيته بردان البدي وكامت تطك سنوني ورجع كلعادة علية اللوم عصرت الخاشوكة بيدي ليش ميرجع هذاك الوكت ليش ربطت اسمي بأسم غيرة ؟! وليش غرتني الدنيا وبعدتني عن حبي.....
قريبااااا.......
أهلاً أحبابي قصة جديدة انشرها بعد ماكملها بس مراح اتأخر عليكم إذا تحبون حجزوها بلمكتبة توصل أول ما انزلها
قصة حقيقية راح تعصف بينه لمنطقة من مناطق بغداد نعيش بأساهة وبفرحها نتونس بيها وناخذ منها العبرة كولش راح تعجبكم
مع تحياتي اختكم زينب الشمري........
أنت تقرأ
بين عثرات السنين
Romanceقصة حقيقية بين عثرات السنين أتخبط أصحو من واحدة لأقع في واحدة أخرى لم تحالف تلك الأيام حضي أبداً لا أعلم ما السبب؟! هل بسبب غبائي؟! هل بسبب تكبري؟! هل بسبب حبي للمضاهر؟! وحتما بعدما عصفت بي السنين أدركت أنها جميعها فانية والباقي هو حب القلب فقط ...
