عشك ضابط(قضية شرف )

part 2

Part 2

ريلام عمري ٢٠ سنه ابوي وامي متوفين عندي اخو جبير عمره (٢٥) سنة اسمه بسام عايشين بغداد اهل ابوي من أحد محافظات العراق الجنوبية  عدهم العادات والتقاليد فوك الكل والمراه عار بعد وفاة امي و ابوي بحادث مألم اصرو نعيش وياهم غسلوا دماغ اخوي بعاداتهم و تقاليدهم دراستي حرموني منها وجنت حيل متفوقه بس حكم القوي ع الضعيف بس اني ما اسكت الهم لمن يحجون عله ماما و خصوصاً ابوي متزوج امي غصباً عله ابوه ف هذا الشي يسبب مشاكل الي ويه جدي ابو بابا كلش ميحبني ما عرف شبيه من يشوفني وجه يكشر وما يحجي وياي تخيلوا لو كاعدين عله السفره واني موجوده ما ياكل اله اني اكوم ف اني اكسر الشر واكوم لان اني لسان عكس بناتهم

عمي سلام اخو ابوي زين وياي عنده ثنين بنات دارين و سميه امهم توفت بسب مرض وكله من وره جدي ما خلاها تسافر تسوي عمليه بالخارج توفت بحكم انوا المره تدخل بيت زوجها تطلع من بيت زوجها بس بتابوت عمي سلام ما يكدر لابو مرته تدري بيه و محللته دارين الجبيره عمرها ١٨ سميه عمرها ٥ سنوات كلش أحبها ناكعه بكَلبي

عمه ليالي كلش اضوج منها شايفه روحها ارمله زوجها شهيد عايشه وحدها بس بين كل فتره تجي مرات ابنها يجي اكبر من اخوي بسام ما احجي ويا و لا كلمه جدي ما يقبل واني مو خوفاً منه ما احجي لا لان اني ما ارتاحله

وبعد عندي ٣ عمام الي همه سلال وعنده ٣ ولد ثنين كبار واحد يوصل عمره ١٥ سنة والثنين الباقين عمرهم يوصل ٣٠ سنه

عمي جراح عنده اربع ولد

عمي سجادعنده ٦ ولد
ساكنين مو بيت بصف بيت نفس المنطقه بس تفصل بينه بساتين

ريلام . كاعده بالبستان وصافنه عله الجو كلش حلو جنه بنص شهر ال١٢ والجو بارد حلو تمطر خفيف والهوى البارد يرد الروح وكبالي البستان وريحت التراب المبلل كلش احب الجو الممطر والشته كاعده صافنه عله جمال سبحان الله وما هيس غير واحد كرص جتفي

دارين . شتسوين هنا

ريلام . اختنكت من جوه وخصوصاً هاي الحيه ليالي لسانه ينكط سم ما تسكت وكل كلما وكالت شكثر حاطه مكياج واني منيلي مكياج هيه الي حاطه طن و ممبين لان زركه واني اذا حطيت بس حنه جدي سبه الامه شلون تحطين تردين الشباب تركض وراج ويصير فرعون عليه

دارين . ولج عوفج من كل هذا ليالي امج ما نزلت من السانها كاعده وترفع وتضغط بيها كبال الخدامه

ريلام . كمت ركض . دخلت للبيت . البيت كلش جبير بيه هواي غرف رحت للمطبخ لان هيه دائماً تضل هناك وكاعده وتحجي ع اهلي يم خدامت البيت

ليالي . اصلاً هيه بت ليل وضحكت عله اخوي شافته ابن ناس وحسب وجاه ضلت دور عليه الى ان اخذها حته أخذها متعه والله اعلم منين خلفت كتله هاي بت عمنه تخبل شلونها بس هو اغبر واخذ بت ليل

ريلام . عيوني صارت براسي دخلت ضربت الميز الي هيه كاعده يمه . اخر مره اسمعج تحجين عله امي . امي لابت ليل ولا ملهه امي بت ناس نفس ما اخوج ابن ناس وحسب وجاه خاف جدي ما يحجي ويحجي وياج عله امي لا اني احجي واسكتكم بعد والي يجيب اسم امي الله من يمه غاضب عليه احفظي لسانج واحترمي نفسج عفتها وطلعت

ليالي . اني تحجين وياي هيج هين يابت ريهام يجي اخوج وجدج من الديوان واعلمج

ريلام . عفتها وطلعت رحت للغرفه دمي يفور اريد انزل اشرب من دمها اني امي بت ليل اااخ

دارين . كافي لا تسوين هيج عفيه رزلتيها خلي تولي عوفيها

ريلام . دارين نزلت جوه واني بالغرفه كاعده احب بوكت فراغي اقرا أو ارسم اضيع وقت باشياء احبهه اسمع صياح جوه خلصت سديت الكتاب الي كنت اقراه  ونزلت جوه

......يتبع

عشك ضابط(قضية شرف )