حب من نوع اخر " عندما يقع استاد في حب تلميدته " " ( باللهجة الجزائرية ) "

la partie Nmr " 6 "

النهار الثاني تاع الاختبارات
ناضت اّمينة كارهة حياتها لبست و مشات لليسي مع باها
" عند امين " لي فاق شابع نوم لبس تقهوا و ولا لاشومبغ تاعه يدي تيليفون
شاف ديك لاكارت ميموار رفدها و دارها في تيليفونه دار ليكيت و سلم على راس ماه
مشى مع الشوفور بحكم لوطوته لي كانت عند الميكانيسيان يديرلها Le Vidonge
ركب مع الشوفور و جبد تيليفون مشا نيشان يشوف الفيديو لي عطاتهوله هاجر
هو بدا يتفرج و تشوكا تشوكا تشوكا ندم على كل كلمة قالهالها و كل شوفة حقد شاف فيها
حتى الدمعة طاحتله بدا يخمم كيش يخلي امينة تسامحه بعد لي صرا مع انو عارف بلي مستحيل
و زاد تفكر الهدرة لي كان ماشي يقولها لباها حمد ربي و شكره لي عرف قبل ما يدير والو
حلف يندم اكرام و رضوان تاني وصله الchوفور نزل مشى عند هاجر
حكالها و قالها بلي يحب امينة و طلب تاني تعاونه باش تسامحه قبلت
" عند امينة " لي دخلت تفوت كارهة دخلت جثة بلا عقل حاولت تركز و لكن مقدرتش
شافت الساعة بلي فات نصف الوقت سلمت الورقة و خرجت كانت هي اللولة لي خرجت
مشات لوحد البلاصة جاية مور لبلوك نتاعهم جمعت تبكي و تتفكر هدرة امين
لي طاحت عليها كي الرعد من السما و kيفاش رمى عليها الباطل و هي لي بغاته
حبها اللول اول شخص زدم لقلبها و سكن مخها و تفكيرها و تاني التفكير فيه لي لاهاها على حفاضتها
و قضى على التركيز نتاعها " عند اّمين " كان يحرس في كلاصة لفوق
كان بجنب التاقة هو غير شاف امينة هودت هي اللولة و وجها المقلوب عيط لسوغفايون قالو قعد حرص في بلاصتي جاني ظرف طارئ
لمهم خرج شافها وين مشات هو غير وصل عندها صابها في ديك الحالة و mهبطة راسها مشى طلعلها راسها و الدموع تاني في عينيه
دموع الندامة تمنى لوكام مات و مسمعهاش ديك الهدرة هي غير شافته و راسها بين يديهم
جبدت روحها و قاتله سمحلي استاد راني ندرب على البكا و بدات تضحك بهستيريا امين ماصاب ما يهدر
قالها اكرام صحبتك واش علاقتك بيها لوكان تشوفي واش دارت قاتله واااش اكرام هههههه متلعبهاش متفهمش باينة صحبتي
ااااااه نونونو باينة كنت باغي تلعب معايا شوف يا استاد "امين *** " ولد "جلال *** "يااك هكا شوف و سمع انا الهدرة لي قلتهالي مازالها في مخي نتا جرحتني بزاف بصح انا نوكل عليك ربي و دوك يجي نهار لي ربي يحطك في نفس الموقف نتاعي و تحس بروحك مكتف و مقادر دير والو و عقل عليها
امين هنا شعل التيليفون و وراها الفيديو امينة زادت قوات في بكيتها
و مش مصدقة اكرام لي كانت غاديا تفتحلها قلبها و ديرها في بلاصة اكرام انتيمتها نخلعت
و تمنات افكارها تترتب لانو الشوك نتاع واش شافت و واش سمعت خلطلها كلش
تما امين قالها امينة بغيت نطلب منك السماح و تاني انا __ انا ___ قاتله نطق خليني نمشي نراجع عندي Examain
غمض عينيه و دا نفس طوييل شدها من كتافها و قالها امينة انا نحبك نحبك نحبك و نمووت علييك من اول يوم شفتك فيه و الله غالب العديان داروها بيناتنا و راني عارف بلي عندك مشاعر من جيهتي هادوك النظرات لي كنتي تشوفي بيهم فيا نتي اول وحدة حبيتها و نوعدك من خلي تا واحد يديك
امينة معرفت تفرح لي يبادلها نفس الاحساس و لا تحزن بسباب الاهانات لي قالهملها و رغبتو في تشويه صورتها قدام باها
شافت في عينيه و تشجعت قالت في قلبها امييييينة هاد الصوالح يعيشوك يوم في الاحلام و يمحيولك مستقبلك و يحرموك من قرايتك
تنهدت و ضحكت بابتسامة خفيفة و هو غااااس في ديك الضحكة لاول مرة يشوفها مع لا فوسات لي عندها في خدها الايسر
حتى فيقاته " شووف سي امين ااااه عفوا استاد امين اييه عندي مشاعر من جييهتك و انا نكرهك نكرهك و نموت الف مرة و منشوفش وجهك
نحات يديه من على كتفها و مشات " امين بقا مشوكي و ندماااان بزاف
تنهد و قال بين شفايفه صح دوك نشوفو الى ما رضيتكش تبغيني انا مانيش استاد امين بصح قبل خصني نتكلف بلالة اكرام
" امينة بعد ما مشات راجعت شوية نعلت الشيطان و دخلت تفوت المادة الثانية فوتت و خدمت بعدها خرجت
ركبت مع باها و روحت للدار كلات ريفيزات صوالحها و مور المغرب نعست
" عند امين " كي كمل الحراسة و خرجو الناس كامل غير اكرام هيا التالية تخرج تتعوج عيطلها لقاعة الاساتذة لكانت فارغة
هي فرحت امين ركب Datachow لي يعرض الفيديو نتاعها دخلت سلمت عليه باليد و هو بعد ما سلم عليها مسح يديه كي شغل مسخة (تعرفووو كامل هاد العفسة هههه خخخخ ) و شعل الداتاشو و بدا الفيديو هي تتفرج و امين يدور عليها كي كمل قاتله شوف ا _ ا _ ا -م _ي_ن هادا مخدوم مستحيل انا ندير هاك
شاف فيها باستحقار و عطاها بصفعة قالها اعتااارفي خيرلك هاكا راكي تزيدي تغرقي روحك المهم
اولا انا مانيش نلعب برا معاك باش تقوليلي امين انا استااااااذ
ثانيا انا ماشي حمار باش ما نفرقش بين فيديو مخدوم ولا لا
ثالثا غادي ندير فيك Rapport و طلب تغيير المؤسسة ليك
و رابعا خاصك تطلبي السماح من امينة
قاتله خلاص سمحلي و الله غي الشيطان لعبلي بعقلي و الغيرة عماتلي عينيا
نطق امين و هادا رضوان واش نديروله حتى هو فيه شحال من Rapport هادا نخلي حسابه شخصي
قالها ايا براا عليا خرجت اكرام و هي تبكي و ندمانة
"ديك السيمانة فاتت امينة فوتت ليكزاما لي بقاولها و امين شحال من مرة حاول يهضر معاها و هي معطاتهش فرصة و اكرام مكملتش اختباراتها مبغاتش تمشي لليسي حتى تبدل "

------يتبع

اطول بارت لحد الان و الله غير عييت و انا نكتب
كيما قتلكم من قبا البيسي و زيد عينيا وجعوني
نشاله منكونش نسمط الاحداث
و ادعموووني يا بني شبكستان ههههه
نحبكم بالحوت و العدس

Vote et Cmnt
Pliiiz