في احدى الحارات الشعبيه الفقيره القديمه ...
وفي بيت فقير جدا مايسكنه الا بنتين وأم..
بيتهم يتكون من غرفه وحده وحمام
المطبخ مشترك مع الغرفه يعني وياليت لو انهم يطبخوا اختهم الكبيره هي الي تعطيهم اكل من برا ....
الام: عمرها ٥٥ سنه مسكييييينه جدا جنسيتها
سعوديه بس امها الي توفت كانت فرنسيه
وابوها سعودي والي تزوجها سعودي ومحد يصرف عليها غير بنتها الكبيره زوجها مات من ١٠
سنين ..انسانه تحب بناتها وع نياتها وطيوبه
وعندها سر
البنت الكبيره : نوال عمرها ١٩سنه متوسطه الطول لا بيضا ولا سمرا بشرتها فاتحه
بس عليها جسم جنااان وشفايفها مرسومه ومنفوخه وعيونها عسلي وشخصيتها عصبيه بنفس الوقت
طيوبه وهي الي تصرف ع امها ....
البنت الثانيه: نوف عمرها ١٦ سنه فيها دفاااشه
مرررا ومرجوجه ومرح وتمووووت في شي اسمه
نوال وحبووووبه جداا وتمشي الي براسها وعنيده ماتسمع كلام احد الا نوال حتى امها ماتسمع قصيره وشعرها اسود لنص ضهرها ناعم وبشرتها مثل اختها فاتحه عيونها بنيه شفايفها منفوخه وعيونها وسيعه ونحيفه....
البارت الاول...))))
نوف بضجر : اففف وش ذا الحين وقته
نوال وهي داخله: السلام عليكم "وناضرت اختها"
شفيه الحلو زعلان
نوف وهي تناضر السقف:شوفي الحين بلله وقته يمطر
نوال: اي ولله
ام نوال: حسبي لله وش من بنات بدال ماتقولو
الحمد لله تتأففون انتو عارفين مايمطر
الا بسنه حسنه
نوف وهي مكشره: يايمه ناضري السقف قاعد يقطر اكيد بتأفف وبعدين يوم يمطر
كل شي يعفن
نوال: روحي جيبي صحون وحطيهم تحت السقف يلله عشان الفرش مايمتلون بعدين
نوف وهي تقوم وتسوي الصحون تحت السقف
مكان مايقطر : افف خلصت الحمدلله " وحطت يدها ع خصرها" : وش جبتي لنا اكل اليوم
نوال وهي تطلع الي بلكيس : زبادي وعيش
ام نوال وهي تبتسم والتجاعيد بوجهها
: الله يخليك لي يابنتي مالي غيرك من بعد لله
نوال قامت تبوس راس امها: الله لايحرمنا منك
نوف : ياهووه تراني اكره ذي الحركات
نوال تشمق وهي تقلدها: تراني اكره ذي الحركات
وفرشو السفره في الارض واكلوا ..
بعد ١٠د
الساعه ٦:٢٥م
نوف وهي تقوم: الحمدلله خلص المطر
ام نوال وهي تناضر بنتها وببتسامه: ها يابنتي
بشري لقيتي وضيفه ولا لا
نوف باستهبال: علامك يمه تسأليها الحين
كان سألتيها من اول
نوال: عيب عليك نوف انطمي " وناضرت امها"
اي لقيت شغل يايمه بس اكنس الارض حق المستشفى
ام نوال بفرح وهي ترفع يدينها : اللهم لك الحمد
نوال قربت من امها وحضنتها
نوف بتنهيده: يلله استأذنكم
نوال: ع وين
نوف: بطلع افرفر بالحاره طفشت من هنا
نوال : انتبهي ع نفسك ترا شويه ويأذن المغرب
نوف وهي طالعه : طيب طيب
نوال: تعالي نوف
نوف: همم شتبين خلاص
نوال: غطي ع وجهك ولاتطلعي شعرك
نوف : لا عاد وجهي عادي بس شعري مابطلعه
ام نوال: اسمعي كلام اختك
نوف: لا يمه ولله ماغطي وجهي " وطلعت"
أنت تقرأ
#قدر شعوري وإفهمني#
General Fictionروايهه جديدهه// نوعها / رومنسي/ اكشن / جريئه الروايه متوقفه حاليااا,🤗🤗
