الموضوع : ❤الحب الحقيقي❤
للكاتبة : 🔥ولاء_الهتلرية🔥
~~~~~~~~~~~~~~~~~~~~~~~~~~~~~~~~
البنت:-
الحب الحقيقي هو انك تحبي الشخص الي قدامك كيف ماهوا يعني مش شرط يكون حلو او شخصية لا لا الحب الحقيقي تحبيه كيف ماهوا بشكله بشخصيته بلبسه بكل شي فيه وتفضليه علي الناس كللها حتى علي نفسك وتحبيه لقلبك مش لغيرك يعني متحبيهش باش تتجكتري بيه قدام صحباتك لا تحبيه لنفسك تحبيه لقلبك🙈 ...
كيف تعرفي انك تحبيه لما تحسي روحك كل ماتشوفيه تتلخبطي وقلبك يدق بسرعة وبطنك توجعك وتبدي تشبحي لعيونه بس تحسيه انه مفي حد زيه تحسيه انه هوا احلى واحد في العالم كله تشوفيه معاه حياتك في المستقبل تشوفي روحك كانك مرته وحلاله وتدعي ربي كللل يوم ان يجمعك بيه 🙊....
لما تحبيه بجديات مش تقولي لصحباتك اهوا عاجبني وبنطيحه وبنخليه يجيري وراي لالالالا لما تحبيه بجديات تبدي تغاري عليه من كلل شي تبدي متبيش تقولي عليه حتى لاختك تبي تصلي وتدعي ان ربي يجمعك بيه بالحلال وتفكري فيه قبل ماترقدي ❤
الحب الحقيقي مش انك تحبي راجل عشان فلوسه او عشان شكله او عشان لبسه وشخصيته لا انك تحبيه لانه راااجل ورزين وعاقل ويفهم ومعنداشي ي الدوا الفاضية لانك لما تحبي عيل ح يمشي يمشي ويديرك مضحكى ويهزى عليك ويفوتك لانهم زي بعض العواويل كللهم هكي يربطوك معاهم ويرخو بيك ويقولو لامهم بري اخطبيلي وحدة ع دوقك وانتي تخشي حالة نفسية وتكتابي وتبدي تسمعي في موجوع قلبي وخلاني وعدا و و و 💔
حبي رااجل يشريك ... مش عيل يشتهيك
وزي ماتقول بنوتة الشيخ ديما (الحب في كل مكان بس انتي دوري كويس)❤
~~~~~~~~~~~~~~~~~~~~~~~~~~~~~~~~
الولد:-
الحب الحقيقي هوا انك تحبها وتغار عليها وتبيها بالحلال ، هوا انك تتمناها تكون ليك انت وبس مترضاش فيها شي تحسها كانها مرتك بجديات 👌
لما تحب بجديات ويكون حب صادق متقولش علاها لصحبك متسالش علي ماضيها مترضاش في عرضها متكلمهاش وتفتح المايك جنب صحابك 😒
متقوللهاش شنو لابسة توا ، متقوللهاش سلمي علي ولاد خالك وولاد عمك باش ينقهرو مني متتقوللهاش تو تصلي غير هدرزي عليا قبل ابعتيلي صورك وانت كدا ابعتي صورك وانتي كدا وكاد لالالا هدا يتسمى لعب فروخ وحب شهوة 💔
لما تحبها بصدق قلها البسي خمار لما تطلعي متسلميش علي ولا ذكر بري صلي قبل ردي بالك علي روحك 👌
راهو اهم شي في الحب (الثقة،الاهتمام) وخليها تحس ان جنبها راااااجل مش عييل وراهو صدقني صدقني لما تشوفك راجل عمرها ما ح ترخي بيك البنت تحب الاهتمام البنت تحب الراجل 💪
وصدقني وصدقيني ان الي يحب بجديات يخطب طول مش علاقة لانه كللله دوا فاضية ☝..
مترخيش بالبنت الي تحبها لانه ح يجي يوم وربي يرده في اختك ولا بنتك👌
لما بتحبها متحبهاش علي خاطر شكلها وجسمها✋
ياحبها من قلبك ❤ ياخليها للتريس 😒💪
انشالله عجبكم الكلام واي بنت ننصحك مدوريهش جو العلاقات الهي ب قرايتك ومستقبلك وستني نصيبك لان نصيب حد ماياخده حد 😉
وربي يرزقكم بالي تبوه ❤
#الهتلرية🔥
#wala_kozgu_oglu
دعم باليز❤
