هاي كيفكم 👋
وصلوني هلبا مواضيع وقصص واني ح نكتب بالجزئية كل مرة عنوان ح نكتب عليه بس لان الجزئية هادي عجبتني واثرت فيا القصة حبيت نكتب عليها وحنكتب ع الجنسين (ولد؛بنت) وانشالله تعجبكم متنسوش الدعم😊
💕نحبكم💕
___________________________
الموضوع : ❤سرك،لنفسك❤
للكاتبة : 🔥ولاء_الهتلرية🔥
....🔥كلمات_الهتلرية🔥....
……
سرك ، لنفسك )) ظاهرة الحسد والفتنة والسم كترت عندنا هلبا خصوصي في الفترة هادي 😷 بدت صاحبتك الانتيم اي اختك مش حتى صاحبتك بدت تحسدك علي ابسط شي حتى الدم الي يجري في وجهك بدو يسحدوك عليه وحسب مانقرو كلنا ان اغلبية الروايات علمتنا ان الحسد انتشر في حياتنا بسبب كل شي الخطبة اللبس الشخص الي تحبيه المال حتى ع الجمال حتى لما حد يشكرك نشوفو كيف الي حولك يشبحو شبحة سم ومرات الحسد يوصلك حتى للقتل وهادا كللله سببه انت\ي ايه سببه انت\ي لانك تحسابي النااس كلله تحبك وتتمنالك الخير تمشي حظرتك الي يجيك تحكيله سرك وتقوليله ابسط تفاصيل حياتك تحسابيهم بيقولو مشالله وربي يحفظك ويتمملك علي خير هههه لا ياقلبي هادو يبينولك انهم يحبوك ويشكروك بس داخلهم سممم وحسدد قلوبهم سوود زي القطران واحسن الرويات الي قريناها وعلمتنا ان الناس كلها تحسد ومتحبكش :
1-بنات ابليس😈 : هادي اكتر رواية قريناها تحكي ع الحسد شفتو اختها اختهااا قتلتها ع شان راجلها🔥
2-عاهرات الشيطان😈: وهادي اكتر رواية قريناها واثرت فينا وخلت بصمة في قلوبنا وشفتو اولها كيف خالتها امها التانية حاولت حتى تقتلها عشان كانت تبي بوها 🔥وصاحبتها حاولت تاخد حبيبها🔥
3-جرائم غامضة😈: وهادي الرواية الي خلتنا نخافو حتى من اقرب الناس لينا قتلت راجبها باش تاخد سلفها وخلت سلفها يشك في مرته🔥
4-ليلة اكتمال القمر😈: الرواية الي خلتنا نخافو علي صغارنا حتى من صاحباتهم هادي الرواية الي عمها باعها عشان الفلوس وباعها باشنع الطرق🔥
5-جريمة في الداخلي😈: الرواية الي خلتنا نخافو من اننا نبعدو علي اهلنا ونصاحبو ناس غربة هادي الرواية الي صاحبتها الانتيم قتلتها عشان هلبا حاجات وصاحبتها تانية حاولت تقتلها عشان حبيبها كانت تبيه🔥.......الخ
وهلبا غيرها من الروايات الي خلتنا نتعلمو ان سرك ماتعطيه لحد وخلتنا نفهمو ان الوحدة مش مرض نفسي الوحدة مرات تكون هيا الحاجة الوحيدة الي تحمينا من اقرب الناس لينا ومتسمعيش للناس الي تقول مسمومة متبيش تحكي سرها وكييف اني صاحبتك زي اختك سري هوا سرك لالالا ديما قولي معنديش اسرار وتعلمي وخودي عبرة من الروياات الي ينبهو فيكم علي ظاهرة الحسد والفتنة🔥
وايضا انتي ردي بالك تخوني ثقة شخص عطاك سره ولا تفتني بين زوز ولا توصل بيك لدرجة القتل عشان الحسد والسم خلي قلبك ديما طيب وحنين وخلي الناس تحكيلك وعطيها حلول عشان تحبك حلول ونصايح عشان مصلحتها مش نصايح عشان مصلحتك انتي😒
وربي يهدينا جميعا❤
متنسوش الدعم لانه يزيد من صراري في الكتابة الناس الي قالولي ع مواضيع تانية انشالله ح نكتب بدور ومش حننسى حد بس حيت نقوللكم علي ه الموضوع لانه منتشر بشكل كبييييييير وانشالله طريقة السرد تكون واضحة 😊
🔥كلمات_الهتلرية🔥
