أحبني رغم العمى تأليف(Asoo❤️)

#البارت الحادي عشر(11)

ايوب:الموضوع انه انا تعرفت علي  بنت ليا فترة وعجبتني وهيا مشاء الله عليها كامله مكمله جمال وأدب واخلاق وأسلوب ❤️
وبنت ناس مشاء الله عليهم تسكن في طرابلس 
لكن الموضوع انه في الفتره الأخيرة البنت دارت حادث وانعمت لكن انا مارضيتش نسيبها وقلت نوقف جنبها ونساعدها ومانتهلش عليها ونكون ولد ناس
وتعرفت علي هلها ومشيت طرابلس الأسبوع لفات خطبتها يعني عطيت فيها كلمه وقلتلهم الاسبوع هدا نبي نجيب هلي و نقرأ الفاتحه بأذن الله 🌸

حنان:كيف هكي تخطب وتبي تقرأ فاتحة تقرر بروحك واهلك ماعندهمش علم بأي شي نحن ملناش قيمه عندك ،لا وأخرى بنت عميه إختيار حلو والله😡مدام قررت كل شي بروحك من البداية ليش جاي تحكيلنا توا نحن مش مهم رأينا اصلا تبينا نمشو نقروا فاتحه تحلم والله ماني ماشيه معاك 😤🤬🤬🤬

ايوب :صح انا غلطت انه مقلتش من الأول لكن كل شي صار بسرعه وخفت نقول تسكروها في وجهي من الأول، وهيا بنت محترمة وأهلها محترمين وشكلها حلو وبعدين انا لما عرفتها قبل الحادث كانت مشاء الله عليها مش ناقصها شي ووعدتها نجوزها اول ماتكمل قرايه لكن هذا قضاء ربي وقدره وعيب انه انا نسيبها بعد ماصار الحادث وانعمت لأن الأمر هدا مش في يدها وكان انا سيبتها نقعد عيل ومش راجل لأنه الراجل مايخلفش الوعد ووعد الحر دين

عمران:أيوب معاه حق كان  من الأول كانت عميه كنت وقفت ضده لكن هوا كان يعرفها قبلها وعطاها كلمه راجل والراجل كلمته وحده ووعد الحر دين ومش  كان صار معاها الحادث يسيبها يقعد مش راجل ومش قد كلمته لكن انته غلطان انك ماجيتش وقلتلنا من الأول ولا أقل شي قلتلي انا انت عارف انه انا نوقف معاك ومانسيبكش ومعاك الحق انك ماقلتش لامك لأنه عارفها نكديه وهتصكر امها 😒

اسماء:صح ياماما أيوب معاه حق ونا وقفت معاه اول ماحكالي القصه ومشيت معاه للناس ولقيتهم عائلة مثقفة ومشاء الله عليها والبنت حلوه وراقية ونا لقلته ماتقولش لامك توا لأن كنت خايفة انك تخربي عليه كل شي لأن الناس حبيتهم اول ماشفتهم خشو قلبي ❤و انشاء الله  يعجبوك اول ماتشوفيهم

ادهم:انا مشفتهمش ولا نعرفهم لكن الله غالب عليا كان مساعدتش يقعد ساكنلي حتى نوم ما يخليني نرقد 🙂

ايوب:اسكت انت خير😒

حنان:انا مش موافقه ومستحيل نوافق ع الجواز هدا😒كم ليا نراجي فيه يكبر ويجوز و نشوف أولاده بعدين يجيني بوحدة عميه 😏

ايوب:انتي علي الحاجه هذي بس هيا توا انا لازم نقرا الفاتحه الاسبوع هدا لأن الاسبوع لبعده عندنا مشية أوكرانيا تبي تدير عمليه غادي والعملية هدي هيا لتقرر مصيرها لكن عمليه ناجحه ومجربه والدكتور قاللها نسبة النجاح40% يعني احتمال كبير أنها تنجح ونا متأكد أنها تنجح

حنان :وانت شن دخلك تمشي معاها ياخدوها أهلها

ادهم:لأنه ليساعدهم ع المشيه صاحبي غادي وهوا دار دعوة لايوب وهما ماشيين بمساعدة أيوب