ازاي تنضف قلبك ❤

ازاى نسامح١

هنتكلم انهاردة عن عبادة قلبية عظيمة جدا جدا لدرجة انها برضو صعبة جدا جدا 🙋 وفى نفس الوقت سهلة جدا 💃
هنتكلم عن العفو وديه عبادة مش كل الناس توفق ليها ولا الكل يعرف يعملها الا لو قلبه صافى 🤗 عشان كدة اجرها عظيييييم.

هنمهد للموضوع الاول ونعرف انه خطييير 🙂 قبل ما نقول هنطبقه ازاى.
وهنا ناخد لقطة مستقبلية من الاخرة 🤗

كلنا عارفين ان القيامة مراحل كتير وكل مرحلة هنعديها هندخل عاللى بعدها والعملة هتبقى بالحسنات مش بالمال 🙂 وفى ناس حسناتها هتخلص
تخيل معايا واحد اتحاسب وخلص وخلاص بقى هيدخل الجنة😍 فيجيله واحد يقوله تعالى لى يا حبيبي تعالى لى وهات حقى 😊 وديه اسمها القنطرة 😣 مكان تلاقى العباد وكل واحد ياخد حقه 🙄
اللى ظالم حد او اغتاب حد او اتنمر على حد او قل ادبه على حد رد المظالم بدا بقى واللى عنده حق بياخده بس التمن غالى اوى 😖

وديه للاسف انها ذنوب خاصة بالعباد يعنى عفوهم مش هيبقى زى عفو ربنا اطلاقا ❌ مش هيسيبوك يعنى 🤗 لانهم اصلا محتاجين الحسنات ديه حتى لو امك وابوك وابنك

وازاى نحاول على قد ما نقدر نتجنب الموقف ده ونخلص ذنوبنا اللى عند العباد ومنتحطش فى الموقف ده ومنحطش حد معانا فى الموقف ده؟ وده بقى اللى
هنوضحه المرات الجاية عشان ما اطولش عليكم 🙂