ازاي تنضف قلبك ❤

الثالثة

#ازاي_تنضف_قلبك
#الثالثة
موضوعنا انهاردة مهم جدا وهو نوع من انواع الشرك ولعياذ بالله💔
هتكلم انهاردة عن الرياء 🤗☺مين فينا ممرش او وسوس من موضوع الرياء ده ؟!🤔 طب قبل ما ادخل في تفاصيل لازم انبه على حاجة مهمة قبل ما الك عشان الناس اللى بتكروت المنشورات وهي ان ترك العمل خوفا من الرياء رياء !
اتصدمت ؟! طب انا اسفة 😅
بصي يا سيتي اولا المفروض نتعامل مع الرياء ده كأنه حاجة انا خايفة تكون فيا وفى نفس الوقت ما احطهاش فى دماغي اصلا
اللي هو خوفى منها مش هيمنعنى اعمل الطاعة
طب الرياء ده ايه وازاي اعرف هو فيا ولا لا وازاى اشيله او احمي نفسي 🤔
الرياء ده يعنى بتعملى الحاجة عشان يتقال عنك البحتري في علمك او ابن القيم فى ايمانك !
اللي هو انا هحفظ القران عشان الناس تقول البت ديه موهوبة وعبقرية ودماغها فذ
اللى هو انا هصلي نوافل مثلا واعرف كل زمايلي اني بصلي نوافل عشان يقولوا البت ديه زاهدة عابدة
انا مش هحط خطورته كلها عشان ما اطولش المنشور ولكن الحديث ده يكفيكي ويكفيكي انك تعرفي ان اى عمل الرياء دخل فيه ربنا مبيقبلوش وان مش شرط تكونى عارفة انك معاكى المرض ده
ولازم تعرفى ان الرياء مرض قلبي عظييييم 🤗

عن أبي هريرة رضي الله عنه، قال: قال رسول الله صلى الله عليه وسلم: ((قال الله تبارك وتعالى: أنا أغنى الشركاء عن الشرك، من عمل عملًا أشرك فيه معي غيري تركتُه وشِركَه))[3].
يعنى ربنا مبيقبلش العمل اصلا ومش بس كدة بل هيعاقبك عليه يوم القيامة 💔
طب ترك العمل خوفا من الرياء رياء ازاي ؟! 🤔

ده بقى اللي هو انا بقرا قران فيخيل إلي اني مراءة فاروح موقفة قراية
طب انا وقفت ليه؟!
مش عشان انا حسيت انى برائي الناس !؟
طب ما كدة يبقى انا وقفت رياء برضو وبالتالى انا كدة حاطة الناس فى دماغي
امال المفروض اعمل ايه ؟! 🤔
المفروض تعاندى مع نفسك ومتحطيش الرياء فى دماغك اصلا وتكملى عبادة كأنهم مش موجودين 🤗❤ ونكمل الحلقة الجاية لسة الرياء مخلصش ❤
ربنا يبعده عننا واياكم يارب ويجعل كل اعمالنا خالصة لوجهه الكريم ❤