اسيره الادهم

البارت الثاني

اتصلت عشق بجويريه لتخبرها انها تنتظرها اسفل عماره منزلها

عشق بغضب : يا كلبه البحر يا جموسه مبترديش عليا ليه

جوري : اهدي عليا كده بس راحت عليا نومه و عقبال ما فطرت انا وبابا كان الوقت اتاخر

نزلت جوري وكانت ترتدي

عشق : طيب اتنيلي على عينك انزلي دلوقتي يلا يا زفته

جوري : حاضر اكتمي بقى نازله اهو

جوري : انا جيت و حشتيني يا شوشو

عشق : وانتي كمان يا قلبي يلا عشان اخرتينا على المقابله

( ملحوظه كلبوظه 😁) انا هعدل في أن جوري و عشق بيدرسوا هيبقوا اتخرجوا خلاص ورايحيين الشركه

جوري : انا اسفه يا ستي يلا بقى

وفي الطريق اصتدمت جوري بسياره و

الشاب : انا اسف جدا يا انسه

جوري بغضب والم : انت ايه اعمى مبتشفش

الشاب بصدمه : اعمى ؟ انتي متعرفيش انا مين

جوري بسخريه : لا والله محصليش القرف هتكون ايه غير واحد عمال يدوس في الناس

الشاب بغضب : على فكره انا اعتذرت يبقى ملوش لازمه كلامك ده

تدخلت عشق وقالت : خلاص يا جوري يلا هنتاخر

جوري : يلا يا بنتي انا عارفه ايه البلاوي دي

الشاب بصدمه : بلاوي طب غوري بقى

جوري بغضب : ايه غوري دي غور انت جاتك القرف في حلاوتك يلا يا عشق من هنا

الشاب بصدمه : هي زعقتلي ثم تابع بشرود اسمها جوري الله اسمها جميل اوي انت وقعت يا نادر ولا ايه ؟

(ايوه ايوه هو نادر ايه رايكو في الداخله😂😂)

و ذهب إلي الشركه

اما عند جوري وعشق

عشق : على فكره هو اعتذر مكنش ليه لازمه اللي عملتيه ده

جوري بغضب : ده واحد متخلف ماشي يدوس على الخلق

عشق بتنهيده : خلاص بقى ويلا عشان وصلنا تعالي نسأل على المكتب بتاع المدير

ودلفوا إلي الشركه

و ذهبوا الي الاستقبال

عشق : لو سمحتي احنا كنا مقدمين على و ظايف

الموظفه : ايوه اتفضلوا اطلعوا الدور السابع عند مكتب مستر ادهم

عشق بإيماء : ماشي شكرا

عشق :يلا يا جوري

و دلفوا الي المصعد و وصلوا الي الطابق السابع اتصدم كلا من جوري و عشق من هؤلاء البنات لا ينكرون انهن محجبات لكن منهم من تضع مكياج صارخ و منهم من ترتدى ملابس ضيقه تبين مفاتنها على عكس عشق و جوري ملابسهن واسعه ولا يضعون قطره مكياج