هيبة ظابطة

البارت السابع والعشرون

-----------------البارت السابع والعشرون-------------

شفت رجال وجان فاتح موبايله وكاعد يحجي ويه واحد بس من صدك انصدمت اني بيتي يعني صاير قريب كلش على الغابة يعني بين بيتي والغابة مسافة كلش قليلة واني بطبعي اطفي الاضواء مال البيت الي من برة يعني مال الحديقة والكراج علمود محد يتقرب للبيت ومحد يدري اني ساكنة هنا

فجاة دك موبايلي وما اوصف الكم الاجواء اشلون اني بسرعة طفيت الغسالة علمود ما تطلع صوت وكمت اعرك رحت للغرفة مالتي طلعت المسدس وقفلت الباب مو خوف من الرجال لا بس اريد اعرف شراح يسوي شفت الرقم طلع المجهول ما جاوبت فتحت الكامرات بغرفتي الي بالحديقة والكراج اني شادتهن

شفت الرجال كاعد يمشي بصف البيت ويباع للشبابيك كلت خل اخابر الشرطة احسن اخاف هاذا كاعد يراقبني

دكيت على الشرطة

ازل:الو

الشرطة:الو تفضلي ماذا يوجد

ازل :انا ضابطة في الشرطة واريد شرطة بسرعة هناك شخص يراقبني

الشرطة:تمام دقائق والشرطة بجانبكي

ازل:تمام سديتة ورجعت باوعت للكامرات شفت الرجال كاعد يباوع على شباك غرفتي اهنا من صدك ارتبكت ما اعرف شسوي ضل يباوع ورة ربع ساعة من القلق والخوف اجوي الشرطة وشفتهم بالكامرة اخذو اعتقلو

وخابرني الرقم المجهول

ازل:الوو

الشخص:ليش بلغتي الشرطة

ازل:انت منو وشتريد مني وليش كاعد تراقبني

الشخص:كلشي بوقته حلو

ازل:بس فهمني شتريد وليش كاعد تراقبني انت منوو

الشخص:الي جان يراقبج اني ما دزيتة بس واحد ثاني اني اعرفة جان يمشي بصف الغابة وشافه وكلي

ازل:انت عبالك اني زعطوطة تضحك علية يعني

الشخص:ليش شكو

ازل:اكو شخص عاقل يطلع الساعة 10:30 بليل للغابة يمشي وثاني شي يعني انت جنت تراقب بيتي

الشخص:اني ما عندي شي وياج ولا تخافين مني

ازل:وانت من كل عقلك اني اخاف منك ولك انت منو علمود اخاف منك

الشخص:انتضري المفاجأه باجر لعد

ازل:شراح تسوي من جديد

الشخص :باجر راح تعرفين

ازل:الله يلعنك (وسدتة)

ازل:(تحجي وية نفسها) هاذا شراح يسوي باجر اوووف بس اريد افتهم منو هاذا منووو

كمت من مكاني شغلت البلازمة (التلفزيون) وكمت ادور بالقنوات كلهن تركيات وماكو ترجمة اني اعرف اللغة التركي فا ماعندي مشكلة طلعت مسلسل احبها تابعتها ورحت نمت كعدت الساعة ب7:30 الصبح كمت بدلت ورحت للمركز كلش تعبت عندي هواي ملفات وكلهن خلصتهن بيوم واحد رجعت للبيت شفت اثار دم انصدمت وضليت امشي وما اعرف شنو الي صاير