هيبة ظابطة

البارت السادس والعشرون

----------------البارت السادس والعشرون--------------

الشخص:اسف كعدتج من النوم

ازل:هاذا انت (عرفتة هاذا الي جان يحجي وياي واني ما اعرفة)

الشخص:اي اني

ازل:شوكت راح تكول الي انت منو

الشخص:لا ما راح اكول

ازل:تمام براحتك بس ترة اني راح اعرفك والله

الشخص:اي ليش لا اعرفيني عادي

ازل:تمام هسة ليش كعدتني من النوم

الشخص:ماكو شي بس حبيت اطمن عليج

ازل:ليش محسسني انو انت واحد من العائلة ولك بابا اني ما اعرفك

الشخص:بس اني اعرفج

ازل:تمام تممام اووف (سدتة بوجه)

ازل:رجعت نمت شفت حلم ما اتمنيت اشوفة شفت  نفس اللقطات بيوم الي اندعم ومات بثلاجة الموتى نفس اللقطات كعدت من النوم مرعوبة

شفت الساعة ب10:00 الصبح كمت سبحت وطلعت للغابة امشي رجعت الساعة 11:00 كملت رحت اكلت  سويت زلاطة واكلت نفسيتي مسدودة من الاكل

طلعت رحت للمقبرة (ملاحضة محسن مدفون بتركيا مو بالعراق) وصلت لقبر محسن لكيتة مغسول ونضيف صار عندي شك كلش قوي منو هاذا الي جاي غاسل القبر كعدت وكمت احجي وياه

ازل:محسن مشتاقتلك كلش المصايب كاعد تجي علية وحدة ورى وحدة حياتي صارت مثل المسلسلات الهندية ما اعرف شسوي هم مريضة وهم اكو واحد ما اعرفة كاعد يراقبني وهم مشتاقتلك (وجرت حسرة طويلة) محسن اني كلش تعبانة كلش بعد ما اتحمل والله كلش مختنكة نازلي خذلتني وابوك وامك هم كلش تعبانة ما اعرف شسوي كمت ما اريد اشوف اي شخص والله تعبت محسن ماكو واحد ضل وياي كلهم خذلوني وراحو بس انت جنت وياي وعفتني شسوي اني ما الي طاقة لكلشي محسن اني كلش احبك والله ومشتاقتلك كلش اتمنى احضنك لان مشتاقة لكل تفاصليك ولضحكتك ولشقاك ولمقالبك ولكلشي (دمعت ومسحت دمعتها)

ازل:خلصت وحطيت ورد للقبر ورجعت غسلته للقبر وقريت الفاتحة ورحت

وصلت للبيت مخنوكة وما اعرف شسوي رحت وتمددت على الفراش طبعا اني غرفتي كلها لون اسود الحايط والفراش والجرباية والكنتور كلشي اسود دك موبايلي

ازل:الو

الجدة:اهلا حفيدتي متى سوف تأتين

ازل:لم أتي

الجدة:ماذا لماذا

ازل:لاني لا اريد

الجدة:ولكن جهزنا غرفة لكي

ازل:اجمعي الكل سوف أتي حالأ اريد التكلم معكم

الجدة:تمام (بفرح)

ازل:كمت بدلت وحطيت مسدسي والصراحة كانت نيتي مو خير لان من صدك ضجت صعدت السيارة (جنت لابسة لون اسود) وسقت بسرعة جنونية وصلت للبيت لكيت السيارات مالتهم فتت وكلت

ازل:انسة صوفيا (جدتها)

الجدة:نعم لقد جمعت الكل

ازل:انتي ماذا تحاولين ان تفعلين

الجدة:لا افعل شي

ازل:ماااذاا تحاولين ان تفعلي

الجدة:ازل عزيزتي مالذي هناك

ازل:اني فقط اردت التأكد انني ابنة سيد مراد او لا لا اريد ان أتي كل يوم لرؤيتكم لاني لا اريدكم اساسا ولم أتي للعيش معكم ولا اقيم لثانية واحد هنا

الجدة:لماذا

ازل:لانني اكره الكل

ابو ازل:ازل اهدئي هاذا جدتك تكلمي باحترام

ازل:ومن انت حتى تفرض الاوامر منن

ابو ازل:اباكي

ازل:هههه ابي اين كنت منذ 24 سنة اين كنت عندما كنت انا بحاجتك اين كنت انت لا تملك اي حق بأن تأمرني

ام ازل:ولكني اريدك هنا بجانبي

ازل:ومن انتي حتى اطيعكي انا لا احب ان شخص ما تعرفت عليه منذ ليلى واحدة بأن يأمرني ويقول لي ما يجب ان افعلة انا كبيرة التي امامك ضاابطة ضابطة ليس طفلة بعمر 2 والان سوف اخرج من هاذا المنزل ولم اعود ولا تكررو الاتصال بي واذا حاول احد منكم مراقبتي او مضايقتي وجبري ان اسكن معكم فسوف اشتكي عليكم كلكم وتدخلون السجن مع السلامة

طلعت من البيت سقت وصلت لبحر كلش حلو بي نشرات واضوية يجنن كعدت ورجعلي الصداع

ازل:اووف باجر اروح للدكتور لان الموضوع زاد عن حده(بينها وبين نفسها) طبعا الساعة صارت 8:00 م ما ادري اشلون وشوكت اشو الوقت مشى بسرعة شفت مطعم حلو شكلة فتت بي

ازل: المعذرة اريد المنيو

الكارسون:تفضلتي انستي

ازل:شكرا

ازل:شفت الاكل اختاريت محاشي بتركي(بالعراقي دولمة) لان كلش اشتهيتها

اكلت خلصت وكمت رحت للبيت نمت لان جنت كلش تعبانة كعدت الساعة ب10:00 بليل كعدت فتحت عيني اخذت موبايلي فتحتة كلشي ماكو كمت شفت ملابسي وصخة صار هواي ما غاسلتهن رحت للغسالة حطيتهن بيها طبعا بصف الغسالة اكو شباك يطل منضرة على الغابة فتحت شوي منه

وانصدمت بالشفتة لان شفت ........

الكاتبة ؛ زهراء علي 💖
لهنا وخلص البارت