الحب في زمن الكورونا (كارما)[مكتمله]

٣

#كارما

٣
👑اللهم لك الحمد والشكر كما ينبغي لجلال وجههك وعظيم سلطانك 👑

قررت كارما ان تخبر يامن بما سمعته . ولكن عليها ان تجد الطريقه المناسبه لتفاتحه بالموضوع.

فهو لا يستحق واحده مثل هذه تخدعه وتضحك عليه.

كان اليوم مزدحم ولم تجد وقت مناسب لتتحدث معه

دخل عدي لها المطعم ليجدها تجلس شارده التفكير

عد ي: كااااارما

كارما بانتباه : نعم.
عدي : سرحانه كده ليه. في مشكله
كارما نظرت له بتوتر : ها. مش عارفه

عدي : ايه يا بنتي ما تتكلمي. حد عملك حاجه

كارما تنهدت : لا.

عدي : شكل الموضوع خطير. تعالي نقعد نتكلم مع بعض

كارما : انا فعلا محتاجه اتكلم مع حد.

جلسو في المكتب معا.

عدي : خير
كارما : احم . مش هقدر اقولك علي اسامي بس هقول المشكله تخص حد اعرفه.

عدي : تمام.
كارما : لو انت عرفت ان واحد بيحب واحده . الواحده دي مش كويسه واخلاقها وحشه . هتعمل ايه .هتقوله وله لا

عدي بتفكير : لو صاحبي وعشره قديمه هقوله طبعا.لانه هيصدقني ... لكن لو حد اعرفه جديد مش هينفع اقوله لانه احتمال مايصدقش .

كارما: طيب وتسكت وهو حد كويس ويستاهل احسن منها

عدي: هو مين ده اللي كويس. قوليلي

كارما: قولتلك مش هينفع اقول

عدي: بصي النوع ده من الستات بتكون خاينه واكيد هتبان علي حقيقتها وهيعرف. بس لو انتي مضايقه زحد يهمك قوليلو و تكوني عملتي اللي عليكي ومش مهم هو يصدقك او لا.

كارما:انت صعبت الموضوع اكتر . انا مفكرتش انه ممكن يكدبني . بس عندك حق. هو بيحبها واكيد هيصدقها هي

عدي بشك : هو حد هنا . اعرفه يعني

كارما : لا . من زمايلي في الشركه

عدي: اها . هتعملي ايه
كارما: هصبر كده يمكن هو ياخد باله . لو مخدش بقي هقوله. يصدق او لا. ضميري يرتاح

عدي: تمام .اللي يريحك اعمليه.

كارما : شكرا يا مستر عدي

عدي : احنا مش في الشغل دلوقتي . احنا هنا كصحاب.

كارما بهزار : هقوم انا اكمل الشغل . احسن الراجل المدير يشوفني وده راجل مفتري

عدي بضحك : اجري

كانت ستخرج ليوقفها صوته

عدي : كارما. نسيت اقولك ان في حفله يوم السبت . ولو عايزه تعزمي اصحابك اعزميهم