الحب في زمن الكورونا (كارما)[مكتمله]

13

#الحب_في_زمن_الكورونا

#كارما

13
👑 اللهم صل وسلم وبارك علي نبينا محمد 👑

  بدأ الجميع في العوده الي عملهم مره اخري  .

  كانت كارما  علي متن الطائره تقوم بعملها كمضيفه جويه .  لتتفاجا بيامن علي متن الطائره

كارما باندهاش : يامن
ابتسم :  كارما . اخبارك ايه

كارما : الحمد لله .  انت مقولتش ليه انك هتسافر
يامن : جت صدفه.  عدي هو اللي رتب السفريه واصر اني اسافر علشان اغير جو .

كارما : لو كان قالي كنت جبتلك تخفيض
يامن  ضحك :  ايوه صح احنا خلاص بقينا لينا واسطه في شركات الطيران

اعدلت ملابسها بغرور : اومال انت فاكر ايه
ضحك مره ثانيه.  كارما: ايوه كده اضحك  ياراجل

تنهد بحزن وابتسم لها .

  كارما : بما اننا رايحين لبنان.  فانت تسيب نفسك ليا . وانا هظبطك.

يامن ؛ لا ده انتي خلاص بقيتي دايسه في كل البلاد
كارما : جيت هنا قبل كده مع جان في رحله ..وانت عارف هو من لبنان

يامن بابتسامه ؛  حلو انك تحققي حلمك .
كارما :  فعلا

  سمعت الجرس الكابينه :   انه نداء العمل .  هرجعلك تاني

يامن ؛ ماشي. 

............................ 

   عدي اتصل علي لي :شكرا يا لي.  تعبتك معايا
لي : مفيش تعب.  وكارما كمان صحبتي

عدي :  انتي ساعدتيني علشان احجز ليامن علي نفس الرحله اللي فيها كارما

لي : بس يا عدي .  انا عارفه ان يامن  حزين من اللي حصل . وعارفه كمان ان الوحيده اللي هتعرف تخرجه من اللي هو فيه هي كارما

عدي : علشان بتحبه
لي : عرفت ازاي

عدي :  كان باين عليها . يوم اما حصلت مشكله بينهم
لي : اخوك غبي زيك

عدي : ما بلاش طول لسان
لي: هي دي الحقيقه . اكدب يعني

عدي: لا متكدبيش بس مش لازم ترمي الدبش في وشي. 
لي : اشتم من وراك يعني

عدي : اه يا لي. 
ضحكت : طيب . قول كده من الاول

ضحك هو ؛ انتي فين حاليا
لي : انا في تايلاند.  وعندي رحله بليل

عدي :  انتي لسه واصله امبارح
لي :  هو الشغل كده

عدي : ده متعب اوي . انتي بتنامي ازاي .
لي :   بقضيها.