وبعد العشق فراق (متوقفة)

البارت 6

اهيم بشمة من جيدك ..؛!
واجافي الورد والنعناع ❤

تصويتاتكم تهمني وتشجعني

الكاتبة:الحسناوية ❤

.....
سيف:انطيتهة الرقم ومخابرتني ابد واني ياهو الي يدك علية عبالي هية والله ضليت انتضررهة ماكو ابد اختفت ....ورة كم يوم وية وكت خروجهم من المدرسة اني طلعت من بيتنة دخلت بفرعهم مشفت احد كلت يمكن طلعو وصلت لنهاية الفرع جان تدخل هية وصديقتهة للفرع شفتهة ورحتلهة ..... مو انطيتج رقمي ليش مخابرتيني ترة ما اكل بشر

.......

هيم:فدوة الله يخليك روح ليشوفني احد والله مناقصة

نور:الله يخليك اخي خل نروح والله اذا شافنة واحد يحجون علينة

سيف:ورب لكون اليوم اذا مدكيتي عليى اجيج واطفر ع بيتكم ومخبل واسويهة

نور:اي اي تدك عليك بس خل نروح

هيم:😭

نور:امشي هيم

سيف:راح انتضرج

نور:يماااا امشي ولج

هيم:اووووف اني منين تجيني المصايب

نور:ولج ليش مكلتي منطيج رقمة ليش ضميتي علية هاي عود اني صديقتج

هيم:نور وبيت الله جنت مقررة اليوم احجيلج

نور:ههه وليش عوزج تجذبين ومتكولين يلا يلا ادخلي لبيتكم وراح انتضرج اليوم العصر احبج اممممح بيباي

هيم:بيباي حياتي لتخافين راح اجي ان شاء الله
...اووف منين طلعلي هذا راح اخابرة اليوم واخلي يلزم حدودة بس من اروح لنور وحتة ما اخابرة من رقمي اخلي رقمة بتلفون نور واحاجي وبعدين احضرة علمود اخلص منة ......صار العصر ولبست فستان اسود مال محجبات ومخليت شي لوجهي بس مرطب لشفتي ولبست حذاء شوي عالي اسود واني حجابي مو تام يعني مظبوطة بي لذالك لبستة بدون ما الفة بس شمرتة على راسي وخليتة ع جتفي لفة عادية وشعري كبستة طلعت حلوة رغم ممسوية شي بس الاسود يلوكلي (الاسود يليق بكِ)ههههه بالظبط ..
نزلت كتلهة ماما تكدرين تمشين نروح لبيت نور صديقتي هم تشوفين خالة وهم نحتفل بميلاد اخت نور خطية محد يمهم

ام هيم:لا يمة والله ما اكدر وين زيوني خل ياخذج

هيم:اوووف اوف يمة لو تدرين زيوني شمسوي بية ..لا ماما زيوني بالشغل كتلة كال ما اكدر اجي شلون هسة

ام هيم:ماما روحي وحدج ومن توصلين لبيت نور دكي علية طمنيني قابل انتي زغيرة وتخافين وبعدين هذا بيت نور فرعهم كدامنة

هيم:اوك ماما هذا هوة اني ما اتأخر ولتسوين شي اني اجيب اكل

ام هيم:يا منين تجيبين

هيم:ماما عندي فلوس وهذا الفرن الكدام منطقتنة اكو واحد يمهم مفتح مأكولات سريعة همبركر وبيتزا ولفات صاج وفلافل شتريدين اجيبلج