عيون الجليد

الحلقة3

..رجع دار..هبط الزجاج لي بينو و بين الشوفور..
هشام: اهبط
_حاضر
اول ما سمعت كلامو..قلبها نزل بين رجليها..مخها قاعد يدي فيها لبلايص بعاد..ضمت روحا كتر و لسقت فالباب..كون تصيب تدخل داخل بعضاها متقصرش..تلفتت ليها..حكات بصوت يادوب يتسمع..مخنوق..مقهور..
فيرا: خليني نروح تعيش
دار ليها كامل..مركز فعينيها..كل حرف منو يخرج بصوت ثااابت..عارف واش راهو يهدر..
هشام: اسمعي انا مراح نفرض عليك والو
اول ما سمعت كلامو عينيها لمعو..رفدت يدها تسمح فدموعها بكف يدها..كيما دراري صغار..و هو مركز معاها..تمس و تحكي بلهفة..
فيرا: يعني راح تخليني نروح
ضحك على جنب بخبث..كمل يحكي..
هشام: يعني انا راح نعطيك خيارين و نتي خيري بينهم..
طلعت راصها لسماء و رجعت هبطاتو بالزربة..بحركة تقول فيها ايه..التبسيمة مرسومة على وجها..كمل يحكي..
هشام: حسب القانون نتي راح تخيري ! يا اما تخدمي معانا
زربت حركت راصها بمعنى لالا..عدا ابهامو على شفتو..كمل يحكي..
هشام: يعني راح تخيري الخيار الثاني
هزتلو براصها ايه..ضحك..شدلها يديها بيد وحدة..قرب لودنها..يتنفس بلعقل..نفسو باارد..خلى قبلها يرجف مالداخل..حكى فودنها بصوت هااادي..(الكاتبة:ريمة بن لدرع)
هشام: يعني تخيري تتحرقي حتى للموت ؟
عينيها وساعو..فمها تحل..ضحك على جنب..و جبد روحو..دموعها رجعو نزلو مرة وحدوخرا..مشي مصدقة لي تسمع فيه !! لكلام هربلها..
فيرا: ا انا...
هشام: مكاين لا نتي لا انا..كاين زوج خيارات خيري واحد فيهم..
هبطت راصها..عاضة شفتها..تعدات اكثر من خمس دقايق..و هي فهاديك الحالة..فكرة تروح فكرة تجي..
هشام: هاااااياااا معنديش ليل بطولو لييييك
تهزت و تنفظت على عياطو..طلعت راصها ليه تجري..عينيه ضايعين و الف سؤال و سؤال باين على وجها..فهمها..فهم قصدها و استفساراتها..عوج فمو..
هشام: مراحش تخدمي طول حياتك..حتى انا متساعدنيش..
طلعت حواجبها ببراءة..تستنى فيه يكمل..
هشام: بالكثير عام..عام و نص
بلعت ريقها..كمل يحكي..
هشام: خيرييي ### يااا تخدمي و تروحي يااا تموتي
بقات تشوف معا ثواني قليلة..هزتلو براصها ايه بالزربة..و غطات وجها بيديها..تبكي بالشهقة..تبسم على جنب..احسن شي انو خذا قرارو..يخدم معاها عام و يقتلها يتخلص منها..تبسم بخبث..
هشام: تبقاي هنا..راني جاي..متسييش تهربي خاطر تموتي قبل ما ديري خطوة
مردتلوش..فتح الباب نزل..خلاها غارقة فدموعها..غارقة فاحزانها..غارقة فصدمتها..مشي واجعتها الحالة لي واصلتلها كيما واجعتها حقيقة ياسين لي عرفتها..مشي واجعتها قضية خدمتها معا المافيا كيما وجعوها تصاور خيانتو و جرائمو..