زٍوِاٌيٌـاٌ اٌلِـحٍيٌـاٌةُ
اٌلِـحٍلِـقْةُ "49"
ڪْتْآبْآتْيْ : Raghad
محمد : وينك ؟
سمعو : قاعد مسمعتش التلفون بس
محمد : اها باهي شن امورك ؟
سمعو : كويس
محمد : كنك انت ؟
سمعو : كني ؟
محمد : نسأل فيك انا انت متحسس من حاجه وانا مش عارفها شن فيه ؟
سمعو : مافي شي اموري تمام !
محمد مسك دخانه و قعد يدخن : اهااا باااين باهي شن داير ؟
سمعو : ماشيه
محمد : تم تمم المهم انا سألت و درت بأصلي و ماهنتش عليا السنين انت بتقعد هك و نندري عليك سامع حاجه ولا حد قايلك حاجه عليا ، بس لوزز هيا متوصي على شيء يا طيب ؟
سمعو : كنك انت منفصل متعارك مع حد و تفش في غلك فياا
محمد : لا اناا تمامم انت شوف لروحك
سمعو : مافيا شي يا حميده ،ماتبيش تكسد في القهوهه الي نمشولها ؟
محمد : لما تمشي دورني
سمعو : تم يا طيب هيا اوكي
صكر محمد بدون لايرد عليه
..
5.00 م
رن محمد على رحمه ع اساس يكر منها دوه و يعرفف هل سمعو متغير حتى في شعل او معاه بسس
بس جاوبت بمعنى ما تعرفش كنه وانا حتى في شغل متغير و بباهت مش سمعو الي زمان
تزرط في الهدرزهه معاهاا لدقائق و ساعات طوويله قبل لا يصكر منهاا و يتنهد بمللل
صبا لدار وين ما كانت سرور راقده بعمق تمدد جنبها و حط يده على خدودها و يحرك في صبعه على وجها بحنيه وقعد يشوفلهاا ، كان بينوضها بس بعد شافهاا متريحه في نومها ما هانتش عليه
وبعد دقائق فتحت سرور عيونها و شافت لمحمد ببتسامة
محمد ابتسم و قال بتنهيده : حبيبة بوها
سرور يا عمري احكي طمنيني عليك حتى بحرف
هيا يا بابا والله ما ناقصني وجع انا ما تزيديهش عليا
باس خدودها
محمد شاف لبنته و قعد يحكي بهدوء : ياريت مني معانا رايفتلها يا سرور ضحكتها في الحوش ريحتها وحشتني حتى بنة طبخها الي نشم فيها اول ما نروح
، صوتها الي يحتضن في الحوش وجودها الي كان منور زواياه ، ياريت ماما معانا راهي مخففه عليا و عليك ،
عيوني انا ممكن سبب من الاسباب الي انت فيه توا
بس انا مش قادر كل ما نشوفها نتذكر هذك اليوم
ماتعرفيش يا بابا انت شن الألم الي عقباته ليا امك نحس في روحي صغيررررر قدام هلي نحس في منظري مضحك و مغفلل بينهم
اماني الي ما نحلف الا براسهاا قدامهم و وراهم تخووني اتخيلي ! ، تكلم في غيري و مغفلتني تضحك معايا و تلعب من ورايا
مش هاينه عليا نفسيي قبل لا نفكر في موضوع شكلي قدام هلي وانا رادها لعصمتي
بس برضوا مش هاينه عليا انت و عيشتك في بيئه هكي انت ما تستاهليش و مالكش ذنب ف اي شي صار
و من ناحيه اخرى اماني مقطعه قلبي مش متحمل فكرة انا هيا تبكي و تنضرب و تتألم
عارفه مرات نحس في روحي حر بس مقيدد بسلاسلل ثقاال
هم كاتم على قلبي مش قادر نشيله كل ما نفكر فيكم
نبي نردكم لحضني انتوا الاثنين بس مستصعبها لان رحمه خشت في الحلقه " الدائره" و حتى هيا مش هاينه ولا رخيصه عندي ققديش ما نعزهاا و نحب اسلوبها و كلامهاا الايحابي الي يسحب فيا
شن ندير في حياتي سودهه هذي ؟
نهجح من هالبلاد و نسيبكم كلكم ؟
ولا شن الحل المناسب الي يمكن نتخذه ؟
أنت تقرأ
#زوايا الحياة
Lãng mạnلم يعد يجدي الحب شيئاً يا ابي بعد ان وقفت في زوايا الحياة المظلمه وحدي بعد ان احتجت كتفاً استند عليه ولم اجد احد لم يعد الحب يجدي شيئاً بعد ان تنفست اليتم حتى تأذيت كثيراً .. كثيراً جداً 💔 .
