زٍوِاٌيٌـاٌ اٌلِـحٍيٌـاٌةُ
اٌلِـحٍلِـقْةُ "54"
ڪْتْآبْآتْيْ : Raghad
و اول ما قرب منها بِ يسلم قلبت وجها و مابتش تشوفله
مالك رفع يدها و حبها : خير
سكت شويه و قال : كيف حالك ؟
ام مالك بصرامه : اطلع براا منبيش نشوفلك وجه !
مالك ضحك بهزوه و شاف لسارة الي مسكت يده بطريقه و كأنها تقوله اسكت
رد عيونه لامه و قعد يشوفلها نظره مليانه لوم و عتاب !
نظره كلا معانيها لبش الغنصريه الي عندك و ليش التفريق !
لبش واقفه مع ظالم ضد المظلوم !
لبشش بعد ما سمعتيه منه جيتيني و سمعتي مني !
و بعد الفتره الطويله من الهدوء كانت ساره تشوف لمالك بخوف من ان يتفوهه ب اي شيء
و مالك يشوف لامه بكسره
فك يده من يد ساره و التفتت طلع بهدوء كانن عكاكيزه مسنداته
شافت ساره لعمتهاا بلوم عليش ما حضنتيش و مسألتيش على روحه و على كرااعه ؟ عليش ما قلتيلش توجع فيك ولا اليوم انت احسن ولا ؟ عليش ما قلتيلش كلام يومها و دعوتي لك من برا قلبي !
انت اي ام ! الام تلم عيالها و لما تشوفهم بطريقه هذي تحنن قلوبهم على بعضهم !
مش تزيد البخت بختين
تعهدتت يومها انها ما تسيبش مالك ولو ليوم معاهم بعد الي شافاته منهم !
طلعت و لحقت مالك تحسابه طلع للجنان يشم هواء ..!
طلعت دوراته بعيونها مالقتش
خشت للحوش و هيا تتفقد فيه ما توقعتش ان يركب الدروج بروحه
و بعد مالقتش في الحوش كله ركبت لقاته كيف خش لحوشهم
صكرت الباب و قربت منه ببطئ حطت يده على كتفها بيش تسانده و تخششه لدار
رمى عكوزه و حضنها حط راسه على كتفها و قعد يبكي ..!
حست بدموعه على كتفها حضناته زين و قعدت تبكي هيا الاخرى ..
ما تبكيش يا مالك
كانت الكلمه الوحيده الي حاولت تواسيه بيها
رفعت راسه بيديها و قعدت تسوفله و تمسح في دموعه : خلاص يا مالك ، ما تبكيش حرام عليك توجعنا كلنا هكي راه !💔
ما عندنش غيرك مفيش حد بيشوفك بالكسره هذي منا !💔
انا ما نبيش و ما نتحملش نشوف دموعك هزبني عيط عليا كسر الدنيا فوق من روسنا كلنا موافقه بس دموعك لا !
حضناته من جديد قبل لا تشيله لدار و تحطه على سرير
ساره شافتله بحزن تنهدت و قالت : مالك نجيبلك حاجه ؟
مالك هز راسه بمعنى لا
قمعزت جنبه مالك ميل راسه و حط على كترها "حجرها"
قعدت تلعبله بشعرها : انت الي درته مش غلط راه !
سكتت شويه و قالت بتنهيده
بالعكس انت الي درته صح الصح حتى بينك و بين ربك درت الي عليك بغض النظر عن ردة الفعل الي صدرت من امك منبيكش تضايق ولا تعكر مزاجك تمام ؟
أنت تقرأ
#زوايا الحياة
Romantizmلم يعد يجدي الحب شيئاً يا ابي بعد ان وقفت في زوايا الحياة المظلمه وحدي بعد ان احتجت كتفاً استند عليه ولم اجد احد لم يعد الحب يجدي شيئاً بعد ان تنفست اليتم حتى تأذيت كثيراً .. كثيراً جداً 💔 .
