#ذئاب_الجسد
التاسع
بقلمي فردوس عبد اللطيف
الظلم علامة واضحة من علامات الضعف البشري.
الظلم لا يعرف ديناً ولا ربًّا، ومن يتعدّى على حقوق الناس هو مغتصِب وينبغي التصدّي له.
~~~~~~
تينه
صحيت من البنج ماكدر اتحرك مخلين صوندات وحده بخشمي ووحده بطني ووحده للادرار
جسمي كوله ياذيني مدري من العمليه مدري من البنج مدري من الصوندات الي مخليهن
ماكدر اتحرك وامي كاعده تفرك بايدي وبابا يفرك برجلي
احسهم خايفين علي
بيني وبين نفسي تمنيت اموت واخلص من هالعذاب
ابوي موجود وهيج دا ياذوني لعد لو صار عليه شي شحايصير ؟
اخوي حسن ماعنده شخصيه يتحرض بسهوله
مرات اشوف حقد بنظراته ممعقوله هذا اخوي من دمي ولحمي ؟..... ليش هالحقد الي شايله علي
صح بعض الاوقات يسولف وياي ويتشاقى
انزرع بداخلي خوف منه شلون راح اكدر اعيش وياه
بيت واحد
يمكن علاقتنا كأخوة تختلف لان فترقنا بطفولتنا
هو تربي بيت اختي واني عشت فتره بيت اختي الثانيه
بعض الاحيان ماما دكول (رويسيه )
لان اني جيت وراه بسنتين
~~~~~
بقيت اون من الوجع واكولهم شيلو عني الصوندات اذوني
ماريدهم عفيه بابا وخرهم عني ياذوني
الاب بنتي مو بكيفنا نوخرهم حروح اشوف المضمده
الام بنتي تحملي انت سباعيه
بقيت يومين بهذا وظعي واني اتلوى واصرخ من الوجع
من جتي المضمده رفعتهم خُف الوجع
طلعت من المشفى للبيت ولازم اكل اكل خاص كوله شوربات وسوائل لان الأمعاء ماتتحمل
ولازم خضروات وفواكه
احتاج عنايه خاصه
ماما خلتني بغرفتها تداريني قريبه عليها
وبابا كلسع يجي يعصرلي برتقال ويشربني
تعبت من النوم بالفراش وقلة الحركه
الام بنتي تينه احنا رايحين للسوك اني وابوج من تكعدين
تريكي مو تبقين جوعانه ريوكج بالمطبخ
تينه طلعو ا من وكت كملت نومتي وكعدت متأخر
رحت للمطبخ شفت خواتي يتريكون
خلود كعدت المسعده ،،،،
جنه ههههه اليوم شفنا طولج
ماحجيت ولا كلمه سويتلي كوب حليب واخذته ورحت لغرفة ماما فتحت الباب وشفت احمد دايطلع من الغرفه وبيده كيس صغير ملفوف ويحاول يخلي داخل قميصه يم بطنه ماعرفت شنو بداخل الكيس
من شافني ارتبك وكالي صباح الجمال شلونج اليوم
بعدني ماجاوبته راح بسرعه
تعجبت هاي اول مره ميتحرش بي شبي مرتبك ؟
ماهتميت المهم انكلع وخلصت منه
سديت الباب علي ورجعت نمت
جتي ماما
كعدي بنتي ليش نايمه تريكتي ؟
تينه يي تريكت ورجعت نمت تعبانه وين اروح
الام دكومي خل اسبحج
تينه سبحتني لان ما اكدر بسبب العمليه
رجعت للغرفه دا امشط شعري دخل بابا فتح الكنتور
يريد يطلع فلوس للعمال حتى يحاسبهم
اشو انخبص طلع كل الاغراض شمرهن بالارض
وطلع الفلوس يحسب بيهن
اخذ منهم والباقي رجعهم بالكنتور وطلع ينطي للعمال فلوسهم
وره شويه دخل وصاح على ماما
سناء وينج ؟؟؟؟؟
صوته عالي ويرجف دخلو اثنينهم للغرفه
الاب تينه طلعي بره عندي كلام ويه ماما
طلعت بس كلبي يرجف اول مره اشوف بابا عصبي
ويختض جسمه كوله يرجف
اول مره صوتهم مينسمع بعدين ارتفع الصوت
صار عالي والي سمعته
( عدنان منو غيرج يعرف مكان الفلوس ؟)
الام اني مو حراميه حتى ابوكك بعدين شسوي باربع ملايين
عدنان ولج وين راحت اربع ملايين انت كولي لاتخليني انجلط ام حسن ترى اعصابي منهاره ومحد غيرج يعرف بمكان الفلوس
بقت امي تلطم وتبجي ودكوله بعد عشرة هالسنين
تبوكني وانت عشر سنوات كاعد بالبيت واني اخيط للناس
واصرف وهاي تاليتها
بعد يحرم علي اخذ فلس منك
الحمد لله عندي مصدر رزق والناس تحب خياطتي
أنت تقرأ
ذئاب الجسد
القصة القصيرةنولد في بيت وأسره لم نختارهم وانما وجدنا انفسنا بين ام واب واخوه وأخوات يجمعنا اسم واحد اسم الاب وبيت واحد وام وحده وكل وحده من هذه الأسرة تتزوج وتعيش حياتها ويبقى ولا ئها في اغلب الاوقات للزوج الحياة تغيرت والعلاقات الاسريه تغيرت خل ندخل بيت...
