#منقوله
#حب_عمري
الحلقة الاولى
مها * انتي المفروض تكوني اسعد انسانه توا راااك عروسه راه افهممممي واايوم أحلى يوم في حياتك
سارة وهي تساوي في الطرحه بتاعها * مش عارفه يامها متوترة متوترة هلبا شعوري مخلط ارتباك علي خوف علي هلبة حاجات مش عارفه كيف نفسرها
مها * من شن خايفه تي طااالعه تهبلللي وحازم لما ينجلط فيك اليوم
سارة * اني خاايفه من حازم
......
(الرواية رومنسيه دراميه واقعيه جداا وفيها ألفاظ جريئة ومواقف سكس من يلي متعودين عليها معاي 😂 وكالعادة يلي مش عاجبه مايتبعهاش من البداية)
وهذا تعريف مبدئي للشخصيات 👇🏻
مها وسارة صاحبات هلبة وكيف متخرجات من كلية الاسنان مها مرت بهلبة علاقات فشلت وحاليا سنقل سارة بنت حلوة وهي وحازم يحبو بعضهم هلبة واليوم عرسهم
سالم وحنان متزوجين من سبعه سنين وعندهم زوز ولاد وبنت سالم يكلم في بنات ويخون فيها
حنان مراه عاقله وقايمه حوشها وصغارها ومصاحبه نهى متزوجه حتي هي
رغد بنت صغيره مواليد 2003 متعرفه علي سالم من النت وضاحك عليها ان يحبها
علي صاحب حازم المقرب
الشخصيات بتطور مع الاحدات وتزيد والاسماء هادم كبداية بس باش ماتتلخبطوش 😂 واحفظو الاسماء كويس باش اتابعو الاحدات
هي تعالو نرجعو لمها وسارة نشوفهم شن يهدرزو في دار العروسه😉 👇🏻
مها *هذا حازم يلي تحبيه وتراجي في عرسك معاه ليك سنين علاش خايفه منه والا قصدك خايفه من الدار النوم هههههه
سارة* وووه هداكا موضوع بروحه لما نتفكره نقعد نرعش مع بعضي 😭
مها * اسمعي ساره ماتحرقليش دمي شن السلبيه يلي انتي فيها هادي بدل ماتفرحي تقوليلي خايفه
سارة *طبعا فرحانه ومش فرحانه بس بنطييير لكن قتلك شعور ملخبط وواااك ياربي قوليلي الروج مساوي نحس فيه ملبز
مها* اي مساوي ولونه يقتتتل تعرفي يلي طلعاتك هادي مبدعه بمعنى الكلمه من بكري واني مش قادرة نقيم عيوني علي مكياجك
سارة *اي حتي اني عجبني هلبة الحمد لله طلعت زي مانبي وحتي انتي طالعه تهبلي 😚 جيبيلي الشنطة بنطلع منها الصنه
نعيمه (ام سارة )* هيا يابنات راهو الصالة تعبت امتي بتخشي ياسارة واتيه ولا ؟
سارة *اي ياماما واتيه لكن نرعش متوترة هلبة
نعيمه* لا متوترة لا سو اهو مشاء الله عليك جيبي يامها البخور نبخرها قبل ماتطلع الله يبارك رووووووووررررري
طلعت سارة في احلى زفة زفوها للكوشه وكانت تبتسم للناس صح قلبها يدق بسرعه وخايفه لكن ماكانش باين عليها فرحتها مغطيه علي كل التوتر يلي هي فيه كانت تمشي وتفكر في حازم ومش مصدقه انها اليوم عروسته تحس كانه كل شي حلم .
تليفون سارة كان عند مها وصلت رسالة لتلفون سارة مشت مها تجري لسارة
مها *حازم باعتلك رسالة😍
سارة* شن كتب ترا هاتي
💭حازم # امتي نخش نبي نشوف احلى عروسة في الكون متشوووق ؟❤
🗯سارة# ربع ساعه تانيه حبي ونتصل بيك تخش
