#حب_عمري
الحلقة التالتة
تاني يوم الصبح ناض سالم لقي هلبة مكالمات من حنان اتصل بيها
سالم* ايواه
حنان*صباح الخير
سالم* صباح النور
حنان *شنو رقدت بكري امس
سالم *ايه تفرجت علي التلفزيون معاش نندري علي روحي لين رقدت
حنان* ايه اتصلت بيك هلبة نبي نقولك جنات مريضه راه لازم نرفعو نعاينوها
سالم *علاش خيرها
حنان *مش عارفه كحاحه وترجيع وبطنها توجع فيها حاله موليه
سالم* باهي باهي وتيها تو بعد الظهر نجيكم
حنان* تمام ان شاء الله
سالم *وتي حتي باقي الصغار بنروح بيكم
حنان* ان شاء الله
.........
مها اليوم يلي قبله مارقدتش وهي تفكر في سارة وشن صار معاها بالها مشغول عليها وتخمم علاش مااتصلتش بيها لان موصيتها بعد مايتم الموضوع اديرلها رنة لكن سارة مادارتش رنة ومها ماقدرتش تتصل تحشمت قعدت تفكر وتستنا وخلاص
.....
سارة ناضت لقت حازم راقد في سابع حلمه في جنبها لاول وهلة حست ان في شي غلط كيف حازم راقد ؟!وجنبي؟ بعدها طول حست بوخز بسيط من لوطه وادكرت كل شي يلي من الفرحه مش قادرة تصدقه
شافت لحازم يلي وجهة يوضح انه في نومه عميقة ومرتاحه هي ابتسمت وقالت الحمد لله يارب واخيرا وليت مرته 😍😍
ناضت بالشوية باش ماتنوضاش خدت روب خفيف حراريري وشنطة المكياج وخشت للحمام دوشت وهي في الدوش ادكرت ان مها موصيتها اديرلها رنة اول مايتم الموضوع وهي نست ورقدت
بعد الدوش لبست الروب جففت شعرها بالاستشوار يلي في الحمام ودارت مكياج خفيف وطلعت
اول مافتحت الباب لقت حازم قدامها لين نخلعت
سارة*هاا خلعتني😨
حازم* علاش شفتي جن يلي قدامك عريس وحلو راه😂
سارة* احلى عريس في الدنيا 😍 صباح الخير حبيبي😘
وباساته علي خده
قامها في غمره ورفعها للمطبخ لقاته موتي سفرة الفطور
سارة *ها هذا امتي درته اللطف😳 واني خليتك راقد
حازم* اول مافتحتي الاستشوار اني نضت طول علي صوته😂
سارة *ههههههه حي نسيت صوت الاستشوار علي اساس نضت بالشوية مانبيش انوضك😂
حازم* اني معاش نبي نرقد بكل مدامك مرتي معاش نبي لحظة تفوت من غير مانشوفك فيها رااااني مش مصدق ياعمري
قعدو يفطرو ويهدرزو وبعدين حازم خش يدوش وهي اتصلت بمها
سارة *صباح الخير حبي
مها *خززززي هكي تخليني والله حرام عليك والله مارقدت ولا غمضة نراجي فيك خليتني نخمم فيك خزززي عليك باهي😭😭
سارة* غر بالشوية بالشوية خودي نفس😂😂 خيرك هجتي فيا راني عروسة ومش حمل حد يراعشني مرات يكون فيا بيبي ماتندريش😂
مها *معاناها صار امس؟؟😍😍
سارة* ايه صار😍
مها* احلفي الف الف مبروك روروروروررررري😍😍
سارة* الفال ليك ياقلبي
مها* خيرك مادرتيش رنة زي ماتفاهمنا😠
سارة *والله الا نسيت ولهينا في التهدريز ورقدنا
مها* تهدريز صار 😂😂 تعرفي بتحكيلي بالتفاصيل واليوم في الصالة
سارة *ماصح وجهك الناس جاية للمحظر واني نقعمز نحكيلك شن درت امس
مها* دخليش فيهم الناس بتحكيلي نقعمز جنبك وانتي بالصدرة تحكيلي😂😂
سارة *باهي صكري حازم طلع من الحمام وحقه اتصلي باامي قوليلها اني نتحشم🙈
مها* به حاضر 😘
طلع حازم بدل حوايجه وهي لبست لبسة قنينه وخفيفة ونزلو هما الزوز لوطه يسلمو علي اماليه وقعدو شوية وبعدين رفعها تغدو برا وحطها في المزين علي خاطر المحظر
..............
رغد * دبري معاي في حال اني راسي دخن معاش عرفت كيف 😭
ابرار(صاحبة رغد)* شن تبي نديرلك انتي شن تقولي اصلا !! جديات تبي تطلعي مع واحد متزوج وعنده صغار😱
رغد* خلينا توا من انه متزوج المهم نحبه ويحبني ونبي نطلع ونتلاقو
ابرار* اما حب هذا يلي تحكي عليه من جدك انتي 😳 متزوج راه متزوووج امتي بتفيقي علي روحك
رغد *وكان متزوج عادي يجي يوم ونجيبه للطريق ونخليه يطلقها وياخدني😏
ابرار *ياخد امك مش ياخدك غر اعبي😒 هذا ياماما بيضحك عليك ويلوحك زي الكلبه
رغد* تعرفي نقولك حاجه والله الحق فيا يلي حكيتلك ونبيك تفكري معاي خلاص انسي اني حكيتلك🙄
ابرار *😑😑 خير فيتك توا اني نقولك في الكلام الجديات انتي ماتبيش تفهمي
رغد* توا انتي بتقوليلي علي حل نديره باش نطلع والا بتقعدي تفتفتي وخلاص؟
ابرار *ياودي ماعنديش ليك حل وماخاطريش نفكر اصلا😏
رغد* والنبي!😒
ابرار *عارفتيني لما نكون مش راضيه مانبيش الحاجه تصير
رغد* باهي تو نتفاهمو فيه موضوع انه متزوج المهم توا اعتبريه سنقل ونبي نطلع معاه 😂
ابرار* ااه كان سنقل في كلام تاني 😂 بري لحوش خالتك يلي جوها مليح باتي عندها والصبح بكري اطلعي تلاقي معاه
رغد *زعما نديرها 🤔
ابرار *نظمي امورك اني هذا اقتراحي ليك🙄
رغد *باهي باهي تو نشوف وكان صار منها تو نقولك
..........
حنان وسالم مشو عاينو بنتهم والدكتور كتبلها علي هلبا أدوية خدوها وروحو وهما في السيارة
حنان *شن تبي تتغدى اليوم
سالم *عادي اي حاجه
حنان *انت ماخاطركش في حاجة معينه؟
سالم *لالا عادي يلي تلقيه ساهل ديريه
حنان* باهي ان شاء الله
سالم* شن البنت رقدت؟
حنان *ايه ياناري تعبت اليوم من المعاينه
خلال تهديزهم تليفون سالم شرين هو شاف الرقم وداره صامت
حنان* رد خيرك؟
سالم* لالا هادم بتاع العمل فكيني منهم
حنان* مرات حاجه مهمه رد
سالم *لالا ماخاطريش نرد
حنان شكت في الموضوع لان ديما الحركه هادي تتكرر وعندها احساس قوي انها بنت
وطبعا هي فعلا بنت لكن مش رغد وحده تانية
اول ماوصل للحوش ونزلو حنان والصغار اتصل بيها طول
ايناس* خيرك حبي ماتردش
سالم قداش مره بنقول لزك امك معاش تتصلي لين نكلمك
ايناس * خيرك حبي تسب اني استاحشتك هذا علاش اتصلت
سالم * كانت المرا جنبي وقريب حرقتيني قدامها
ايناس* باهي عادي طز فيها خل تعررف بالك تحس علي دمها وتلم قشيشها وتروح حوش اماليها
سالم *علاش تبيها تروح
ايناس* طبعا باش نجيك اني ياحبي
سالم *صار هكي باهي باه 😂😂😂
ايناس *خيرك تضحك هازي قصدك😒
سالم* لالا غر صكري توا بعدين نكلمك
ايناس* به
.........
خشت حنان طول للمطبخ توتي في الغدي شوية وخش وراها سالم حط تليفونه ودخانه علي الطاولة وخش للحمام يدوش
حنان مشت تجري فتحت تليفونه لقت الرقم خدت سجلاته في تليفونها وقلبها يدق طول كتباته في ترو كولر
طلعلها ايناس لطفي قعدت ترعش مع بعضها شوية وسمعت صوت باب الحمام نفتح حطت تليفونه ودارت روحها تكمل في الغدي
سالم* شن درتي غدي
حنان* درت شربة واهو ندير في رز بلاو
سالم* الشربه مانحبهاش علي الغدي
حنان *اني سألتك وقتلي ديري اي حاجه جت شربة ورز في بالي
سالم* باهي به خيره وجهك احمر انتي
حنان* لالا شي نحس في روحي سخونه بس
.......
سارة كملت من المزين مشت للصالة وكان المحضر يجنن وطلعت عليها الجلوة والصدرة وكل شي كان يهبل عليها والناس كلها نعجبت بيها
خش حازم وصورو مع بعض وروحو رقدو في حضن بعض
....
حنان* واخيرا رديتي من بكري نتصل خيرك
نهى *كنت في الحمام ندوش للصغار خيره هكي صوتك يرعش
حنان *يلي كنت شاكه فيه طلع صح يانهى😭
يتبع .....
