حب_عمري
الحلقة 15
سارة شاده ايد حازم وتفيق فيه
سارة *نوض حبيبي نووض انت تحلم
حازم وهو يعيط باعلى صوته *حولي من عليا حولي معاااش نبيك حولي
سارة * حازم خييرك حبيبي 😰😭
الوقت هذا كان قبل الفجر بشوية والناس كلها راقده امالي حازم كانو في سابع نومه لما فاقو علي صوت عياط جاي من القراج
حازم *حووووولي معااااش نببيييك وطيحيه يلي في بطنك مانبيشي مانيييييشي
سارة *ياحازم فيق انت كنت تحلم فيييق فيييق 😭😭😭
حازم *بعدي من عليا قتتتلك
طلعو امالي حازم مخلوعين امه وبوه ووفاء يشوفو فيه في السيارة يعيط ويخبط علي الستيرسو وسارة في جنبه تبكي
ام حازم *اللطف ياربي شن جاكم😱
بو حازم* تحشم علي وجهك ياولد و نقص حسك واركب حل مشاكلك فوق في حوشك شن مقعمز هني و تفيقلي في الجيران
حازم وهو نازل من السيارة ويعيط معاش نبي نشوف وجها نزلوها قولولها ادرق وجها معاش نبيها يام معااااش نبيها معاش نببيييها يابوي معااااش نبي نتزوج بكل
ام حازم* خيركم اللطف شن جاكم 😱😱😰 فجر راهو والناس راقده خشو داخل خشو
نزلت سارة وهي تبكي وترعش خششتها ام حازم وحازم قعد برا مع بوه
...
ام حازم* خيرك شن درتيله شن صار بينكم يابنتي
سارة *والله مادرتله حاجه ياعمتي الله 😭😭
ام حازم* باهي شن مخليكم في السيارة لتوا شن جاي بيروح بيك لحوش اماليك
سارة *لالا هو مايبيش يركب للحوش كارها مش عارفه علاش
ام حازم *اكيد في سبب يابنتي وانتي لازم تحكيه باش نعرفو نحلو مشكلتكم
سارة *والله مافي مشكله بينا الله
ام حازم* حازم يعيط في الفجر ويقول معاش نبيك ويفيق في الناس وتقوليلي مافيش مشكلة
سارة* كان في سبب اني والله مانعرفه الله😭😭
....
بو حازم* اني مش موصيك وقايلك تصير مشكله بينك وبين مرتك ماتنحلش الا في دار نومك وماتسمع حد بيها تمشي نلقاك تتعارك انت وياها في نصاص اليالي وشن قاعدكم في السيارة الوقت هذا انتم ؟😠
حازم *مش عارف يابوي مش مدكر شي
بو حازم* تتسهوك عليا انت والا شنو
حازم* بالله عليك يابوي معاش نبيها اني بنطلقها خلاص حتي العيل يلي في بطنها قولولها تنزله مانبيشي
بو حازم* عييل ؟؟ قصدك مرتك في بطنها عيل؟ ومزال حتي بطلقها
حازم* اييه معاش نبيها لا هي لا يلي في بطنها
بو حازم* هادي البنت اختيارك انت ومافيش حد جبرك عليها بنات الناس مش لعبه تاخدهم وتلوحهم
.....
ام حازم * غر اشربي ميه واهدي شوية باش نفهم منك
سارة تشرب في الميه وايديها يرعشو
سارة* ياعمتي حازم متغير ليه هلبة معاي مبكري كان جونا تمام مع بعض فجأة نفرني وقعد يعيط ويقولي بعدي عليا ويقولي ريحتك مش قادر نتحملها
ام حازم *كيف يعيط
سارة* يعيط زي ماانتم شفتوه و اكتر والله رجليا معاد حاسه بيهم من الرعشه
ام حازم *اهدي وماترعشيش روحك انتي حامل
وفاء* مايكون الا دايريله خطين مخلينا يكرهك اني عمري ماشفت حازم يعيط هكي بالشكل هذا حازم واضح انه مش طبيعي
سارة* مبكري قعد يشوف فيا وجهي اسود ويشبحلي بخوف ويعيط
ام حازم* يا ساتر يارب كان صح هالكلام غر هي نطلعو نشوفوه بالك هدي
طلعو سارة ووفاء وام حازم للجنان وين ماواقفين حازم وبوه
حازم اول ماشاف سارة جايه من بعيد قعد يعيط
حازم* قولولها ماتجيش ماتقربش من علياااا وجه خروف هذا وجه خرووف
بو حازم* شنو😳
حازم* وجها وجه خروف يابوي بالله عليك يابوي شوفها ها وجها خروف قتلك معاش نبيها ووواك ياربي والله نركب نحدف روحي من فوق كان مااطلعوهاش من الحوش
سارة واقفه تبكي
وام حازم ووفاء مصدومين في شكل حازم وهو يعيط بهستيريا ومن الكلام يلي يقول فيه
بو حازم* بري خشي ياسارة ماتخليشي يشوفك
خشت سارة هي ووفاء وبو حازم شد ولده بيركبه فوق لحوشه
حازم *لالالا الحوش والله ماني خاشله الله بنطلع للشارع
ام حازم* هذا دايريله سحر في حوشه هذا مش كلام واحد طبيعي هذا مسحور سحر فراق
بو حازم* لا حول ولا قوة الا بالله تعالي اركب السيارة
