عشك ابن لانبار لبنت بغداد

البارت العاشر 🙈

مرحبا

ام عمر : منو هاي الي احسن من اسماء حاطهة ابالك

عمر : خلي اسؤلفلكم بسفره من سفراتي البغداد رحت الصديقي مصطفئ الي عندة محل بمول وهناك شفتهة للبنت وكلش عجبتني اخلاق وجمال وبنت عائلة مثقفة وتدرس صف سادس علمي واليوم شفت  نتيجتهة ومعدلهة ٩٦

ابو عمر + اخوه + زوجت اخوه : ما شاء الله ربي يوفقهة

عمر : واني يا بوية البنت رايدهة وهية الوحيدة عند اهلهة

ام عمر : واني ما قابلة ما اريد بعد غريبة تدخل للبيت اريد وحدة من بنات اخوي لو خواتي جنة الهذه البيت واني اشوف اسماء زينة ورايدتهة الك

عمر : بس يمة اني هاويهة لعشق واسماء مثل اختي

ام عمر : لا مثل اختك ولا معرف شنو اني كلت الي عندي تريد تروح اجيبلنة حية من بغداد

عمر : يمة لتحجين هيج ع البنت

ام عمر : تصيح عليه ولك وبعدهة ما جاية لو تجي اطكني

ابو عمر : هدي ام عمر شبيج خلي الولد ياخذ الي يريدهة

ام عمر : لا ابني واعرف مصلحتة ما ياخذ غير اسماء
وذا يريد هذيج بنت بغداد خلي ينساني وينسة عندة ام اغضب عليه اليوم الدين

ابو عمر : انتي تخبلتي شنو تغضبين عليه هذه ابنج يا مرة

ام عمر : لابن الي ما يسمع مصلحتي الة ما اريدة لو يريد يصير مثل اخوه عشكلة وحدة وهم جاباهة

زوجت تخوي راحت صعدت الغرفتهة

اخوي : شبيج يمة شنو هذه الحجي كافي ترة صارنة ٤ سنين مزوجين مو زغار احنة كل يوم عايدة هاي الحجاية

ام عمر : امشي امشي اصعد وراهة الله ليبارك بيكم من ولد

عمر : هاي انتي يمة هيج تحجين علينة
ها هية اني تاركلج البيت وطالع وصدكي اخوي هم مستحيل يبقئ عايش بنعيمج هذه

صعدت فوك اميت اغراضي وملابسي وطلعت الصديقي عندة شقة هوة من اهل الناصرية بس كعد يدرس وتوضف بالانبار ومكدر يرجع بعد للناصرية عندة شقة قريبة ع معرضي

عمر : الله يساعدك خوية

جمال : هلا والله بعموري حبيبي الغالي شونك مشتاقين

عمر : حبيبي خيي والله شنسوي امور الدنية ومشاغلهة

جمال : الله يساعدك خيي انتة اخ صاحب غيره ونخوة ونعم منك

عمر : سؤلفتلة ع السالفة كلهة لاني حيل احبة واثق بيه

جمال : الله يساعدك ويعينك يا اخوي والله شكلك اول الذقة شقتك وانتة الداخل واني الطالع والله وثاني شي مدام انتة رايدهة للبنت اتوكل ع الله وحاول تقنع الوالدة