عشك ابن لانبار لبنت بغداد

البارت الثاني عشر 😘

عمر : يمة 😳😳

ام عمر : يلا عيني مع السلامة

عمر : يمة وية منو دتحجين

ام عمر : شبيك يمة فززتني ويمة مرت خالك احجي
وكتلة راح نجيلكم اليوم علمود اسماء

عمر : وليش بهاي السرعة يمة

ام عمر : يمة اريد اشوف احفادي من عندك وافرح

عمر : اللهم طولج يا روح
خليت ورجعت لغرفتي بدلت وطلعت للمحل

ام عمر : 😒😒

عمر : حاولت الهي نفسي بالشغل كنت قبل بس اشرف هسة لا حتة انسة كمت اشتغل وبكل قوتي بس مستحيل النسيان

رجعت للبيت الظهر دخلت لكيتهم كاعد يصلون
صعدت الغرفتي اخذت شاور وصليت اندك الباب ودخل ابن اخوي

عمو بيبي ادؤل تعال طبيعنة عتة جمج

عمر : اي حبيبي جاي

مشطت شعري وونزلت لكيتهم فارشين السفرة وموزيعين لاكل وينتظروني

عمر : السلام عليكم

الكل : وعليكم السلام ورحمت الله وبركاته

بدينة ناكل واني مالي نفس بالاكل كلش

وامي فتحت الموضوع وكالت اليوم كلنة نروح البيت اخوي نخطب اسماء

وكان الصموت سيد الموقف

ابو عمر : بوية عمر انتة قابل

ام عمر : وليش ما يقبل شنو شعوزهة اسماء

ابو عمر : جاي احجي وية ابني مو وياج

عمر : مصار شي بابا اني موافق

ابو عمر : حسره براحتك وليدي

عمر : 😔

رحنة العصر لبيت خالي ودخلت اسماء هية شكلهة يعني مقبول بس احسهة ما بيهة اي أنوثة استغفر الله

فتح ابوي الموضوع وابوهة كال موافقين وما عدنة اي اعتراض وسئلهة كدامنة بسرعة هزت راسهة بأي تعجبت كلت هاي شبيهة ما مصدكة

ام عمر : مدام موافقين خلي نحدد المهر ويوم الحفلة

عمر : اني نار مشتعلة بية وامي تريد تحدد

ابو اسماء : هاي بنتكم وشكد متحددون براحتكم .

ام عمر : اذا هيج الحفلة يوم الخميس وباجر نجي نشتري الذهب

كضونة ع العشة كتلهم صديقي عازمني رجعنة للبيت بسرعة غيرت لبست ملابس النادي وطلعت لكيت الولد منتضريني سلمت عليهم ودخلت احس كطعت جسمي من الحديد ونوب لعبت ملاكمة

ادم صديق عمر : عمر شبيك اذيت نفسك كافي
عمر : سمعت ادم وزدت

موسئ صديق عمر : كافي دخيل محمد امشو نجيبة لا يموت نفسة صارلة ٣ ساعات