بداخي اصبحت نبضي ..
دون ان يشعر قلبي ..
لصوتك عبق مختلف ..
ولعينيك لمعة القمر ..
ولشفتيك طعم آلذ ..
/////
( هيام )
ارتشفت من الموكا وانا اتلذذ بكل قطره منه ، رجعت الموكا لمكانه وناظرت لكتاب الرياضيات بملل ثم رفعت انظاري للمقهى الي جالس فيه باريحيه .
المقهى ذا هو المفضل لي لانه يمتلك ميزه احبها وهي الهدوء الي افتقده بالبيت، كل يوم بعد المغرب اجيه واشرب مشروبي المفضل واذاكر فيه واحل واجباتي المدرسيه مع اني احس بنظرات الناس المستنكره لوضعي بس ما اهتم الا لراحتي الشخصيه
طاحت عيني على احد النادلين الي مبتسم بتصنع لزباين ويقدم طلبهم تنهدت بهدوء وانا اتامل ملامحه الي تجذبني كثير وهذا الشي الثاني الي يخليني ابقاء بهالمقهى واحاول اكتشف وش نوع انجذابي له .
انا انسان ميولي مو طبيعي يعني تقدرو تقولو قاي ( مثلي ) بالحقيقه بالبدايه انا استنكرت هشي وحاولت اغيره واتعرف على بنات بس هشي مانفع لان بكل علاقه ببنت تنقطع بعد اسبوع اسبوعين ... عرفت اني انا السبب لاني ما انجذب للبنات ابدا ، اخفيت هشي عن الكل وعن اصحابي وكل الي حولي وكتمته بداخلي لحد ما بديت ازور هالمقهى وشفت هنادل الي صحى الي مخبيه بداخلي
تنهدت بصوت مو مسموع وبديت اشيل حوستي والبس الشنطه المدرسيه والتجهت للكاونتر وكان هالنادل الي جاذبني بجنبي ياخذ طلب احد الزباين : كـ كم الحساب لطاوله ١٠ ؟
عضيت شفايفي على توتري الواضح
ناظرني النادل الي ورا الكاونتر بنظرات مافهمتها : ١٧ ريال
فتحت جيب الشنطه اطلع فلوسي بينما استمع لحديث النادل الي جذبني والنادل الي يحاسبني
هزاع ( الي جاذبني ) : خلي فهد يخلص علي ابسلم اطلب وابروح
مازن ( الي يحاسب ) : اوك بس انتظر شوي مابقاء شي ونقفل ونروح مع بعض ( ناظرني بابتسامه تسليكيه ينتظرني )
طلعت الحساب وحطيته على الطاوله قلت بصوت يالله ينسمع : شكرا على الموكا
مازن اخذ الفلوس وحطها بصندوق وكان واضح ماسمعني
زميت شفايفي ولفيت ابطلع بس وقف بوجهي هزاع استغربت وارتبكت هذا بيجيب اجلي
هزاع بابتسامه عاديه بنسبه لغيري بس لي ابتسامه ترفرف بقلبي : العفو
ناظرته باحراج وابتسمت بخجل وطلعت بينما احس بنظراته لسا علي وهشي زاد ربكتي وماعرفت كيف امشي وصرت امشي بطريقه غريبه وهشي الي زاد احراجي احسني نسيت طريقه المشي بمجرد ابتسامه وكلمه ... اففف صدق اني خفيف !
طلعت اخيرا من المقهى وركبت دراجتي الهوائيه الي رابطها بعمود بديت اقودها وانا مبتعد عن المقهى ومتجه للبيت
بعد ربع ساعه وصلت للبيت ونزلت من الدراجه ادخلها للحوش وخدودي محمره من التعب
دخلت البيت وناظرت حولي ادور احد دخلت المجلس لما سمعت اصوات فيه وشفت اخوي انس الي عنده صاحبه ابراهيم قلت بتردد : سلام
ناظرني ابراهيم وابتسم : وعليكم السلام ياهلا والله بهيام
ابتسمت بشويه خجل : هلا فيك ... اممم انس
ناظرني انس الي كان على جواله : امر
قلت بحيره : ماشفت شاحني
هز راسه بلا : لا بس هيوم بليز جب جيك ماي واكواب
هزيت راسي : اوك
رحت للمطبخ بعد ماحذفت شنطتي بصاله اخذت جيك الماي ورحت اعطيته لانس وتركتهم براحتهم اصلا هم مو من جوي ابدا رحت لصاله واخذت شنطتي وطلعت لغرفتي واضح ان ماكو حد بالبيت لو فيه احد ماكان شفت ابراهيم هنا ... اخذت شور ولبست بجامه وجلست على سريري وقعدت اطقطق بجوالي الي شحنه بيخلص دخلت على رساله امي
