اشهر كاتبات ليبيا

❤الحلقة 4 وصال الحمحوم ❤



يسعد مسااااكم غوووالي في حلقة جديدة وكاتبة جديدة ....
اليوم كاتبتي رغم صغر سنها بس،قدرت توصل خيالها لروايتها ويلي نااالت اعجااااب ناااااس،وااااجد وصار عندها متابعين بسبب روايتها يلي كانت اول رواية ليها مش،حنحكي اكتر حنخليها هي تحكلكم اكتر عن حياتها ❤
.
.
.
لولي :نبذة مختصرة عليك يا سمحة ؟
وصال :اول شي مرحبتين بيكم ❤

نعرفكم بنفسي ، اسمي وصال الحمحوم من طرابلس ، من مواليد ٢٠٠١ ، حاليا نسكن في شرق البلاد ، نقرا في مجال هندسة الكمبيوتر ، نحب قراية الروايات والكتب في شتى المجالات وخصوصا علم الفلك ، طبيعتي هادية 💗

لولي :اكتر شخص يدعمك فيك تكملي بالكتابة؟
وصال :بصراحة عيلتي كلها بدون استثناء

لولي :في حد ما يعرفش انك كاتبة ؟
وصال :في يلي يعرفوا وفي يلي لا بحكم اني ماقلتلهمش.

لولي :روايتك من واقع ولا من خيال؟
وصال :لا الخيال لأني نحبه

لولي :تعتبري نفسك مشهوره   ؟
وصال :حاليا لا

لولي :افضل كاتبة ليبيه بالنسبة ليك  ؟
وصال :ما نكذبش عليك لتوا مافيش وحدة عجبتني لدرجة نقول افضل وحدة

لولي :گيف آگتشـفتي آنگ عندگ مـوهہبهہ في گتآبهہ ؟
وصال :خطرت عليا الكتابة في لحظة فراغ لما لقيت خيالي معبي بأفكار واني فاضية ، فا لجئت للكتابة

لولي :آگتر روآيهہ تعبتي فيهہآ 🔥؟
وصال :هي روايتي الوحيدة حاليا ، بس فعليا تعبتني في كتابتها.

لولي :اهم اعمالك ؟
وصال :سايمون

وصال : لو طـلبو مـنگ روآيهہ مـن روآيتگ تنعمـل مـسـلسـل شـن تختآري
وصال :سايمون

لولي:لو طلبو.منك عمل جماعي مع كاتبة من تختاري تكون معاك ؟
وصال :ممكن تكون جميلة جاسم ، مع انه لتوا ماقريتلهاش رواية كاملة ، بس الأكشن يلي تكتب فيه شبيه هلبا بيا 💗

لولي:في تواصل مع كاتبات ولا مفيش ؟
وصال :لالا مافيش لتوا

لولي:من الشخص القريب ليك وتحكيله كل اسرارك ؟
وصال :اكتر شخص ماما.

لولي:من الاكتر صديقه ليك سؤاء علي نت او الواقع؟
وصال :الصراحة علاقتي بالكل سطحية وبسيطة ف ماعنديش لا واقعيا او في النت

لولي:بتطبخي بالبيت؟وشن الاكتر اكله تحبي تعمليها؟
وصال:يا سلااام😂.نحب الحلو بصفة عامة واكتر شي نحب نبدع فية كيكة الكراميل ♡

لولي:افضل اكلة عند وصال؟
وصال : احلى اكلة عندي ونحبها البشاميل

لولي:هل سبق لكي وتعرضتي للخيانه سؤاء حبيب او صديق ؟لو اي اذا حابة تحكي طبعا.
وصال :الحمد لله لا

لولي:عمرك جربتي الحب ؟
وصال:بصراحة لا ، ماعمريش جربته

لولي :افضل فنانه وفنان ليك ؟
وصال:الاسود

لولي:افضل فنانه وفنان ليك ؟
وصال: فنانة شيرين ، وفي الفنانين حسين الجسمي.

لولي :عندك خوات وخوت وانتي في اي مرتبة بالعيلة؟
وصال:ايي عندي
اني الكبيرة 💗

لولي :افضل مادة بالنسبه ليك؟
وصال:كلهم عادي لكن اكتر مادة عندي فيها ميول هي الرياضيات

لولي :معدلك الدراسي ؟
وصال: معدلي بين الممتاز وجيد جدا ، بس عادة ممتاز

لولي :شن حابة تكوني بالمستقبل؟
وصال:حابة نكون من اشهر الكتاب ، وفي نفس الوقت نكون انسانة مؤثرة 💗

لولي :مبذرة ولا بخيلة؟
وصال:في الوسط ، بس في عندي التبذير

لولي :اكتر شي تخافي منه بالحياة ؟
وصال:نخاف ان يوم من الايام نلقي روحي مش دايرة بصمة حلوة في حياة حد قريب مني.

لولي :عمـرگ جربتي تربي حيوآنآت لو لآ شـن حيوآن يلي نفسـگ تربيهہ؟
وصال:لالا ماعمريش ربيت ، ونبي نربي قطوسة لكن ماما رافضة الموضوع قطعااا.

لولي :قدوتك في حياة؟
وصال:بابا ❤

لولي:اكتر تاريخ مستحيل تنسيه؟
وصال:١٢_١ يوم ميلادي 💗

لولي :رسالة توصليها للمتابعينك؟
وصال:نحبكم هلبااا ونحب كلامكم الايجابي يلي بدي من روتيني ومعش نقدر نستغنى عليه ❤❤

لولي :نصـيحة حآبة توجهہيهہآ للمـتآبعين ؟
وصال:نصيحة ليكم لما تقروا رواية معش تشوشوا الكاتب وتبدوا تسألوا فيه امتى بتم الرواية بشكل متكرر لأنكم ما تعرفوش كمية التوتر يلي تصير للكاتب وتخليه مرات يلف الرواية ويدخل الاحداث في بعض على خاطر تعليقك ، وفي الاخير يصير ندم للكاتب لأنه معطاش الرواية حقها وهدا كله بسبب تعليق زي هدا منك !

هادا هو ياريت معش تشوشوا، عارفة انتوا مش قاصدين توترونا ، بس ياريت توقفوها العادة هادي  ❤❤

لولي :گلمـة آخيرهہ وصال ❤️ قبل مـآ نختمـو حلقتنآ ♥️🔥

وصال:اخر شي ، شكرا لولي على استضافتك الحلوة واسألتك الخفيفة ❤

لولي :عفوا حبيبتي  ❤❤

ماتنسو تابعوها:
على الفيس
Wesal el hamhoum

على الانستا
Wesal_elhamhoum
وعلي واتباد
wesal1m

هكي نكون ختمنا حلقتنا نتلقو بكرا في كاتبة جديدة ابرار المطاطي ❤