unicode
ရှောင်းကျန့် စာအုပ်ကို ရိပေါ်နှေးကွေးစွာ ဖတ်ရင်း မျက်ရည်ကျလိုက်။ ပြုံးလိုက်နဲ့ အရူးတစ်ယောက်လို ဖြစ်နေခဲ့သည်။ ဖုန်းအသစ်နဲ့ တပ်ဆင်ထားခြင်းမရှိသော ဖုန်းနံပါတ်တစ်ခုကို အကြိမ်ကြိမ်ခေါ်ရင်း ရှောင်းကျန့်နဲ့ တွေ့ချင်သော သူ့မျှော်လင့်ချက်ဟာ အခါခါ သေဆုံးသည်။
ဒီလိုနဲ့ နန်ကျင်းမှ ပေကျင်းကို ပြန်ရောက်ခဲ့တာ လေးဆယ့်ရှစ်နာရီ ပြည့်သွားလေပြီ။ ဘယ်မှလည်း မသွားဖြစ်ဘဲ မှောင်ကျုံ့ကျုံ့အခန်းထဲမှာ စာအုပ်လေးတစ်အုပ်နဲ့ အဖော်ပြုနေထိုင်ရင်း သူ့ဘဝကို ဝမ်းနည်းခြင်းထဲမှာ နစ်မွန်းထားမိသည်။
စာများအကုန်ဖတ်ပြီး သွားမှာစိုးသဖြင့် နှေးကွေးစွာ ဖတ်နေသော စာအုပ်လေးကို သူအသာ လှန်လေဖတ်ရှူမိပြန်သည်။
ပထမစာမျက်နှာက စကားလုံးများကိုမြင်တိုင်း ရိပေါ်ထပ်ငိုချင်မိပြန်သည်။
# ရိပေါ် ဆရာဝန်က ဒီနေ့ပြောတယ် ငါ့ကိုပျော်သလိုပဲ နေတော့တဲ့။ နားထောင်ကောင်းသလိုနဲ့ အရမ်းဆိုးဝါးတဲ့ စကား။ ငါ ဘာကိုဝမ်းနည်းမိလဲ သိလား။ မင်းကို မစောင့်နိူင်တော့ဘူးလို့ သိလိုက်ရတာပဲ။ မစောင့်နိူင်ခဲ့တဲ့အတွက် တောင်းပန်ပါတယ် ရိပေါ် #
ထိုစာရွက်ကို ပြန်လှန်လိုက်ပြီး မဖတ်ရသေးသော စာမျက်နှာဆီသို့ သွားလိုက်သည်။
# 10.7.1999 နေ့မှာ ငါစာမေးပွဲပြီးခဲ့တယ်။ မင်းနဲ့ ပိုအချိန်ပေးနိုင်တော့မှာ ဆိုပြီး အိမ်ပြန်တဲ့ ငါ့ခြေလှမ်းတွေက တက်ကြွခဲ့တယ်။ အိမ်မရောက်ခင် မိုးရွာခဲ့ပြီး ငါ့ဟန်းဆက်က မိုးရေစက်တွေကြောင့် ပျက်စီးခဲ့တယ်။
မင်းနဲ့အဆက်အသွယ် ပြတ်သွားတဲ့ အဲဒီနေ့မှာ ငါ့ရဲ့ဘဝက အမှောင်တခြမ်း လွှမ်းမိုးသွားသလို ခံစားရတယ်။မင်းပေးခဲ့တဲ့ ကနေဒါလိပ်စာအတိုင်း မင်းကို လိုက်ရှာရုံကလွဲပြီး အခြားနည်းလမ်း စဉ်းစားမရခဲ့ဘူး။ ဒါပေမယ့် ငါ့ရဲ့အချိန်တွေက ငါ့ကိုကန့်သတ်လိုက်ပြီ။ လာမရှာနိုင်ခဲ့တာ တောင်းပန်ပါတယ် ရိပေါ်။ #
10.7.1999 မှာ ရှောင်းကျန့် ဟန်းဆက်ပျက်စီးသွားသဖြင့် သူနဲ့ အဆက်အသွယ် ပြတ်သွားခဲ့ရတယ် ဆိုပါလား။
VOUS LISEZ
Finding our someday ( completed )
Fanfictionunicode + zawgyi Xiao Zhan × Wang Yibo A special thanks to Vitadrawing for story cover !