Yes, boss...!

episode-1

- Unicode -

ကောင်းကင် ပြင်တွင် တိမ်မည်းများက နေရာယူကာ မိုးစက်များအား မြေပြင်ပေါ်သို့ ဖြန့်ကျဲ ရန် အသင့်ပြင်နေသည်။ ပတ်ဝန်းကျင် တစ်ခုလုံး မှိုင့်ညို့နေ ြပီး အနီးအနားရှိ လူများမှာလည်း ယောက်ယက်ခတ် လို့ ပြေးလွှားနေကြသည်။

ထိုလူအများကြားထဲတွင် အရပ် ၆ ပေ ကျော်လောက် ရှိသောသူသည် ညစ်ထေးပြီး ရိရွဲ နေသော အဝတ်အစားကို ဝတ်ဆင်ထားသည်။ ပုခုံးကျော်ခန့်မျှ ဆံပင်ရှည်တောင့်တောင့်တို့ က မျက်နှာရှေ့သို့ ကျနေသေးသည်။ မုတ်ဆိတ် မွှေးများဖြင့််လည်း ညှင်းသိုးသိုး နိုင်လှ၏ ။ အသားအရည်သည်လည်း ဖုန်များ ၊ သဲများ ဖြင့် ညစ်ထေး နေပြီး ဂျီးများမှာလည်း အကြောင်းလိုက် ရှိနေသည်။ ဂျပန် ဖိနပ် အပြာဆိုသည်မှာ အရောင် မထွက်တော့ဘဲ ပါးနေကာ ခြေဖနောင့် နေရာတွင် ပေါက်နေ‌ေသးသည်။ ထိုသူကတော့ တခြားလူများလို ပြေးလွှား မနေဘဲ အေးဆေး နိုင်လွန်းလှသည်။

မကြာမီ အချိန်တွင် အချက်ပေးသံ တဝေါဝေါ နှင့်အတူ မိုးစက်များဟာ မြေပြင်ပေါ်သို့ အရှိန်ပြင်းစွာ သက်ဆင်းခဲ့တော့သည်။ မိုးသံများအပြင် အကဲပိုသော မိန်းမငယ်တို့ အသံဖြင့်လည်း စီစီညံ နေသည်။

မည်သို့ပင် ဖြစ်စေ ပတ်ဝန်းကျင် တစ်ခုလုံးအား လျစ်လျူရှု ထားဟန် ဖြင့် ထိုလူသည် လမ်းလျှောက်နေရင်းပင် လက်များ ၊ မျက်နှာ များကို ပွတ်သတ်နေတော့သည်။ မကြာခင်က ဂျီးများဖြင့် ခပ်တောင့်တောင့် ဖြစ်နေသော ဆံပင်မှာ မိုးရေများကြောင့် အနည်းငယ် ပျော့ပျောင်းလာပြီး အရောင်တောက်လာသည်။ ခန္ဓာကိုယ်မှ ဂျီးများကို ပွတ်သတ် ဆေးကြောနေမှုကြောင့် မျက်နှာနှင့် ရိရွဲသော လက်ရှည် အကျႌအောက်မှ မြင်ရသော အသား တစွန်းတစ ဟာ အနည်းငယ် ဖြူဝင်းလာသည်။ မုတ်ဆိတ် များကြားမှ နှုတ်ခမ်းတစ်စုံဟာလည်း ကိုယ့်လုပ်ရပ်ကို သဘောကျသလို ကော့ တက်လာ‌ေချ၏ ။

လူတစ်ချို့ကတော့ ထိုလူ့ကို မသိမသာရော ၊ ပေါ်တင်ရော ပါ အထူးအဆန်း သဖွယ် ကြည့်နေကြသည်။ ထိုအရာက အထူးအဆန်း မဟုတ်တော့သလို သူက ဂရုမစိုက်စွာပင် ဆက်လျှောက်နေလေသည်။