- Unicode -
အဖြူရောင် ...
လေးပင်နေတဲ့ မျက်ခွံတွေကို ကြိုးစားကာ ဖွင့်ကြည့်လိုက်တော့ အဖြူရောင် အလင်းလေးက စူးလွန်းနေသည်။ ပြီးတော့ နွေးထွေးသည်။
အင်း.....ဒီလို နွေးထွေးမှုမျိုး မခံစားရတာကြာပြီ။
" မင်း သတိရပြီလား ? "
မျက်နှာဝိုင်းဝိုင်း၊ မျက်လုံးပြူးပြူး၊ အနည်းထူသော ကကြီးပုံနှုတ်ခမ်း၊ ကတုံးဆံပင်ပေါက်ကေ နဲ့ လူတစ်ယောက်က ပြူးတူးပြာတာ မေးလာလေ ၏ ။
ကျွန်တော့်ရှေ့မှာရှိတဲ့ သူကဘယ်သူလဲ?
ကျွန်တော်ကရော ဘယ်ရောက်နေတာလဲ?
သိချင်စိတ်နဲ့ ဝေ့ဝဲကာ ကြည့်မိတော့ ခေါင်းက တစစ်စစ်ဖြင့် ထိုးကိုက်ကာ သွားရသည်။
' အာ...ငါမသေသေးဘူးပဲ။ '
စိတ်ထဲမှာ တွေးမိပြီး ကိုယ့်ကိုယ်ကို လည်း အံ့အားသင့်နေမိသည်။ အသုံးမကျတဲ့ ဒီဘဝမှာ သောက်ကျိုးနည်း စွာ အသက်ရှည်နေခြင်းက ကူညီရာရောက်တယ်လို့များ ထင်နေသလားဗျာ....။
" ဟေ့ကောင်.... အတိတ်မေ့သလို ရွှေပျောက်သလို လုပ်မနေနဲ့ မေးတာဖြေဦး။ "
အရှေ့ကလူရဲ့ မယုံမကြည် မျက်နှာထားဖြင့် အမေးစကားကြောင့် အတွေးများနေသော ဆုပိုင်၏ စိတ်တွေက လက်ရှိကာလသို့ ရောက်လာရသည်။ မရှိခိုးနိုး မလှစုန်းရိုး ဆိုတဲ့ လူ့သဘောသဘာဝ အတွေးအမြင်တွေ အရ ဆုပိုင်လို လူတစ်ယောက်အတွက် ဒီလို တုန့်ပြန်မှု တွေဟာ အဆန်းကြီးတော့ မဟုတ်ပါ။
" ဟုတ်ကဲ့ "
အားမရှိတာကြောင့် မထင်မှတ်စွာပဲ အသံက တိုးတိုးလေး ထွက်လာရသည်။ အားမလို အားမရ ဖြစ်ရခြင်းတွေ ပါပဲ။
" ရော့ ... ဒါက နစ်နာကြေး။ တကယ်ဆို ပေးစရာတောင် မလိုဘူး။ မင်းက ကား ရှေ့ဝင်လာတာ မဟုတ်ဘူးလား? "
လမ်းအကွေ့ စစ ြခင်းတွင် ြကိုကာဟွန်းမတီးပဲ လူ ြမင်မှ ဟွန်းတောက်သော အပြစ်ကို ထိမ်ချန်ကာ ဆုပိုင်အား ပြောဆိုနေသည်မှာ အပြစ်ကင်းမဲ့ဟန် ပင်။
" အားနာမနေနဲ့ ယူစမ်းပါ။ boss က ရှုပ်ရှုပ်ရှက်ရှက် မကြိုက်ဘူး။ အခုထဲက ဇယား ရှင်းထားမှရမှာ။ "
YOU ARE READING
Yes, boss...!
Romance" ဆုပိုင္ " " Yes, boss! " " ငါ က မင္းရဲ႕ ဘာလဲ ? " " ထာဝရ အတြက္ ကြၽန္ေတာ့္ရဲ႕ boss ေလး " #owncreation #bl
