رحم من النار🔥

حلقة11والاخيره

#رحم_من_النار 11 والاخيره

قمر:تمسح ف دموعها بعد م حطت لكتاب في الشنطه
امير:ماسك اتنين قهوه...تفضلي حبيبي
قمر:خيرهم تأخرو مش ع اساس ساعه 11بتطلع
امير:رشف رشفه من القهوه مش عارف عليهم لكن عادي تصير في اي سفرة ممكن حد من الركاب عنده نواقص او شي
قمر:أمير
قمر:انعم عيوني
قمر:يعني احنا منفكروش نرجعو لي ليبيا ؟
امير:ميهمش المهم توا احنا مع بعض
قمر:بوجع...لكن انتا مش فاهمني؟
امير:في شي قمر لانه جوك مش عاجبني من لما طلعنا
قمر:بكسرة خاطر....كان في امل انه نشوف اخواتي بعد م وصل الضرف بس توا ونا نبعد حسيت كأنه تخليت عليهم
امير:بعد العمر هدا كله تخيلي انهم ح يرجعو وتشوفيهم
قمر:مكانش عندي امل من زمان خاصة انه ماما حاولت توصلهم بس بعد الضرف حسيت انه ف شخص عارف كل القصه وخاصة انه البريد قال لي مروة انه الشخص هدا رقمي وحايتواصل معاي
امير:احتمال يكون في شي صار معاه او حد يعرفك يبي يلعب بي اعصابك وحط يده ع كتفها لو في شي حايكلمو مروة
قمر:زعما شن يديرو توا؟ تزوجو؟ عايشين ف خير وله لا يفكرو فيا زا م نفكر فيهم ؟؟
امير:حضنها بيد وحده صدقيني الحياه متوقفش حتا لو احنا نتألمو من الداخل ممكن خواتك حاولو زا م حاولتي بس مافيش فايده وممكن عندهم ضروف جبرتهم انه معاش يفكرو ف الماضي
قمر:ممكن؟ بس اكيد ح يتجاوزو الضروف ويدورو عليا
امير:انشاءالله

_______________

معاد:خلاص امسحي دموعك الصغار يتفرجو عليك
مرام:قلبي 💔..يعني خلاص خواتي منحلمش اني نشوفهم كل الامال الي تأملتها طلعت كدبه
معاد:مرام احنا مش ح نستقرو برا مدة قصيره تتعالج فيها جوليا وراجعين
مرام:منهاره من لبكاء....مش متحمله هكي فجاءه ولعت نار في قلبي علاش فرقونا؟ وحرمونا من بعض؟
معاد:مسك يد مرام وخوفه زاد علاها....انتي قلتي انك حاولتي توصلي فيهم بس م فيش فايده
مرام:بصوت حزين...اي شبه فقدت الامل وخليتها ع ربي بس الضرف لخبطلي حياتي ومستحيل يكون صدفه
معاد:فاهم وعارف انه الضرف يدل ع انه اخواتك قعداات عايشات ويبحثو عليك وف وحده منهم تواجه في شي لأنه الضرف لما بعتوه كان قصدهم يوصلو فيك بس حسيت في الاخير صار انسحاب
مرام:بي خيبة ....يعني خلاص ممكن معاش نشوفهم
معاد:لا مدام انتم الثلاثه مش فاقديت الأمل عندي احساس كبير انه حاتشوفو بعض وقصة الضرف دليل كبير ع كلامي
مرام:تمسح ف دموعها ونا غبيه مفروض رفعت قضية وبحثت عليهم بأسم القانون
معاد:متنسيش انه حياتك وضروفك جبراتك تعيشي حياه وبدون م تفكري ف الماضي
مرام:اي جبرتني لكن مافيش ثانيه نسيتهم
معاد:ونا نوعدك اول م نرجعو لي ليبيا ح ندير جهدي بالكامل باش توصلي فيهم
مرام:شافتله بي امل....ورجعت شافت للكتاب شوف لكتاب هدا ههه م فيش ولا مره مفتحتاش وأذكرت

في الميتم في الماضي:-
مرام:😭 منبيش نمشي معاهم ي رانيا خوديني منهم
رانيا:متاخدوش خواتي خلوهم منقدروش نبعدو ع البعض 😭قمر:ي كلااااب سيبونا متبعدوناش ع بعض نبي خواتي
وداد:شن الضجه هادي الاهالي ختاروكم وبيبدو عندكم عيله جديده
رانيا:ضربت المديره برجلها ....ي عزوزه ي شريره انشاءالله صغارك ماتشوفيهم انشاءالله تتفارقي عليهم زا مافرقتينا
قمر:اني بنولي دكتوره ومش حنطلع صغارك من بطنك لن تموتي ي شريره
رانيا:انا بنكون محققه وحاناخد حق اخواتي منكم ي شياطين
مرام:تمسح ف دموعها.....ماسكه المذكره ح نكتب كل شي درتوه فينا وحاندعي عليك كل مانتفكرك
رانيا:مش راح نرحمك صدقيني لا انتي ولاهما
قمر:ي يهود 💔عمتي موده قالتلي قوانين الميتم الاخوات تتبناهم عيله وحده حرام يتفارقو وانت فرقتونا