🌸البارت 6🌸
" عشقي "
في صباح يوم جديد علي أبطالنا إستيقظت عشق مبكرا لكي تعطي والدتها العلاج وتحضر الافطار لامها واخوها لكي تذهب الي الجامعه......
عشق...: ماما.... حببتي قومي يلا عشان تاخدي العلاج
أمال...: صباح الخير ياحببتي
عشق...: صباح النور يانور عيني يلا بقي بلاش كسل قومي عشان تاخدي العلاج
أمال...: حاضر ياحببتي
اعطت والدتها العلاج ثم دلفت الي المطبخ وجهزت السفره ثم دلفت الي غرفه رائد لكي تيقظه
عشق..: حبيبي انت صحيت
رائد..: تعالي ياعشقي
عشق...: الجميل سرحان في ايه
رائد..: مش سرحان ياقلبي.... ماما صحيت
عشق...: اه صحيت وخدت العلاج و يلا عشان نفطر انا جهزت الفطار
رائد...: حاضر ياحببتي هاخد شاور وهاجي وراكي
عشق..: اوك انا كمان هدخل اخد شاور والبس عشان رايحه الجامعه
رائد..: ماشي ياحببتي
دلف إلي الحمام ثم اخد شاور وخرج ارتدي ملابسه المكونه من قميص ابيض وبنطلون زيتي وارتدي ساعته ووضع البرفن الخاص به الذي يجعله مميزا ثم خرج الي غرفه والدته لكي يطمئن عليها............
في الخارج...
رائد وهو يقبل جبين والدته..: صباح الجمال.... الجميل عامل ايه انهارده
أمال..: صباح النور ياحبيبي.... الحمد لله في فضل ونعمه
رائد..:فين عشق
عشق من خلفه..: انا اهو ياحبيبي..يلا عشان نفطر عشان عندي محاضره ومتاخرش علي رغد
رائد..:خلي بالك من نفسك يابنوتي
عشق..: حاضر ياقلب بنوتك
ثم جلسو علي السفره لكي يأكلو
أمال..: الحمد لله... يارب ديمها نعمه وإحفظها من الزوال
رائد وعشق...: اللهم أمين
قامت عشق لكي تفرغ السفره..: أمال..: روحي انتي ياحببتي وانا هعملها
عشق..: لا ياماما انا هعملها حضرتك تعبانه ومينفعش تعملي مجهود لازم ترتاحي
أمال..: انا كويسه ياحببتي امشي انتي علي الجامعه يلا عشان متتاخريش وسلميلي علي رغد
عشق..: لا يا امي ارتاحي وانا هعملها
رائد...: بس خلاص انا الي هعمل كل حاجه وكمان هعمل الاكل انهارده ده انا شيف شاطر
عشق..: طمنتني الله يطمن قلبك.. يبقي هنطلع علي المستشفي جماعه
أمال ورائد..: ههههه
رائد..: متخافيش يختي يلا اخلعي انتي عشان متتاخريش
عشق..: ماشي ياحب سلابرتقال
أمال بإبتسامه..: هو مره بالموز ومره بالبرتقال
رائد..:مين سلابرتقال دي ياماما
أمال..: ههه دي كلمه سلام بتاعه اختك بتحب تقولها كده
رائد..: ههه مجنونه وربنا
لا اله الا الله🌸
همس بوجع ودموع....: انا ياسيدي واحده امها سابتها وهي عندها 10سنين... كنت طفله ومحتاجه حد يبقي حنين عليا محتاجه ل أم تحتويني تعرفني ايه الصح وايه الغلط تحس بيا كنت محتاجه حنيتها وان لما حد يزعلني اروح اترمي في حضنها حتي بابا قولت انه هيعوضني عن الوجع الي انا عيشته هيبقي ليا أب وأم وأخ وصديق وحبيب بس شغله كان أولي بيه مني كنت هضعف بس قررت ان لا لازم ابقي قويه عشان نفسي قبل أي حد لازم أثبت نفسي وأحقق ذاتي وأكون لنفسي الام والأب والأخ والصديق قربت من مازن اخويا بقي هو كل حياتي زي ما انت شايف كده مقدرش استغني عنه الي يشوفنا يحس إننا توأم خدت عهد علي نفسي إني مخسرهوش مهما حصل وإن أكيد هو محتاج لأم زيي فقررت إني اكون كل حاجه ف حياته انا عارفه إنه زيي بيضحك من بره ويهزر عشان يهرب من كلمه مالك وعشان ميحسش إن حد بيشفق عليه بيداري وجعه بس أنا حاسه بيه لأني موجوعه زيه تعرف إن أنا كمان أمي وحشتني اوووي ونفسي اشوفها نفسي اقولها انتي ليه سبتيني ومشيتي أنا محتجالها اووووي محتجالها تكون معايا عارف يعني ايه إحساس إنك وحيد وان مفيش حد بيخاف علي زعلك ولا بيفرق معاه انا بجد تعبت تعبت بس لازم ابقي قويه عشان خاطر مازن مش لازم احسسه انه مقصر معايا لان هو عمره ما قصر معايا في حاجه ابدا
مالك...: ربنا يرحمها ياحببتي صدقيني جوه كل واحد فينا نفس الوجع بس ب قصص مختلفه
همس...:عندك حق... اسفه عشان شيلتك همي ولما تكون محتاج تتكلم انا موجوده أكيد مش معني اني بحكيلك عن وجعي انك متتكلمش معايا اتفقنا
مالك...: اتفقنا
همس بضحك...: اشطا... بقينا صحاب خلاص؟!
مالك..: بقينا صحاب
مازن بطريقه دراميه..: الله الله وده ايه ده بقي... انتي بتخونيني ياخاينه اه ياقلبي مكنتش متوقع منك انك تخونيني ومع مين أعز الناس علي قلبي روحي انتي طالق بالاربعه
مالك بضحك...: ههههههه
همس...: هههه اخونك ايه يا اهبل ده انت اخويا
مازن بتفكير..: اه صح تصدقي
همس..:مش بقولك اهبل
مالك بضحك..: وعبيط كمان ههه
مازن...: قول كده بقي اه ما عشان مبقتش تحبني اهئ اهئ اهئ انا زحلان منكو ثالحوني بقي
مالك..: نعم يا خويا
مازن..: ثالحوني مليش دعوه
همس بضحك...: سيبك منه ياعم.. يلا ندخل نشوف ابو حميد رجع من الشركه ولا لا
مازن ومالك..: يلا
وذهبو الي الداخل
أنت تقرأ
عشقي
Mystery / Thrillerيقال العشق شئ محبب ولكن هل مع العناد وقوه التصادم مع الاخر يدوم.... حزنا وفرحا لا نعرف ماهو؟؟ وما سر المغزي فيما بينهما..... خوف الاخ علي نقطه ضعفه وحبيبته... تري هل سوف تكشف الأسرار... سنري...
