اسمي طيبة مثل ماتعرفون عمري 16 من عائلة ميسورة الحال الحمد لله ام واب يصلون ويصومون بس المشكلة احنة مو كلش نعرف ب امور الدين عادي اهلي محاولوا بيوم يحجون بأمور الدين ويعلمونه شنو احاديث واقوال النبي واهل البيت (عليهم السلام) همة يحجون بس قليل يعني اثناء حديث بين العائلة مو دائما بس لازم للانسان طريق هداية الله يخص بيه كل شخص بس اكو ميحاولون مع الأسف ميحاولون يتغلبون على الشيطان ويبقون غافلين رغم الله عز وجل ساعدهم بس همة محبوا يساعدوم نفسهم وبقوا بطريق الغلط. 🌴🌴🌴🌴🌴🌴🌴🌴🌴🌴🌴🌴🌴🌴 الحمدلله والشكر الله من عليه بالهداية واكتشفت الطريق الصحيح بفضل مولاتي فاطمة الزهراء (عليها السلام) بل بارت الجاي ان شاء الله اسولف الكم شلون ساعدتني هسة احب اذكر شلون بديت اصلي واتمنى ولو شخص واحد ويستفاد وينتبه مثا ما اني انتبهت من غفلتي. 🌠 طبعا امي جانت بين فترة وفترة ادكولي صلي او تسئل صليتي اني الصراحة جنت مرات اصلي وهم مو كل الصلاة لا نصهن ومرات لا اصلن ما اصلي واكذب عليها من تسئل صليتي طبعا جنت كلش اكتئب واضوج من اسمع صوت الاذان وجنت من انام انام مخنوگة بمرور الايام فكرت كلت شنو يمنعني من الصلاة والله عز وجل منعم عليه بكلشي صحة وعافية وخلقة سليمة وعائلة والحمد لله مناقصني شي كل هذا عندي واني ما اشكر النعم الي عندي على الاقل ما اصلي هنا الحمدلله انتبهت من غفلتي وبديت اصلي صح اتأخرت بس المهم انتبهت وصرت اصلي وما اعوف اي صلاة كل صلاة بوقته والحد هذا اليوم اني ملتزمة بكل صلاة وخصوصا صلاة الفجر والمغرب لان بيها شعور خيالي ما اكدر اوصف الراحة النفسية ولا شعوري يعني الإنسان الي يصلي ميحتاج دورات تنمية ولاكتب علمود يصير انسان ناجح هي الصلاة . تكفي عن كل شيء يصير انسان ناجح ومتصالح ويا نفسة وايجابي ومن يتعرض لمشاكل الحياة مينهز لان عندة ايمان برب العالمين وياه بكل خطوة يحس هذا الشي وقت صلاته وقت اللقاء بل محبوب. 🌷
لهنا اكتفي عن صلاتي راح اكمل الباقي ان شاء الله بغير يوم حتى محد يمل والاخص قصة حجابي وشلون الزهراء(عليها السلام) ساعدتني وانتم همين تساعدكم بس اطلبوا منهة وكولولهة: 💗مولاتي اغيثيني وساعديني 💗 بعدها راح تعرفون طريق الصواب.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
