والسلامممم عليكم ورحمة الله وبركاته شلونكم غوالي مشتاك بكد رحمه الله
البارت مالتنه اليوم يحجي على السادس تصادفنه مراح تطور من حياتنه الي هيه مرحلة الانقال للمتوسطه والختيار المصيري من مرحلة الثالث ونحتار وين نتوجه اذا كان معهد او اعداديه ادبي او علمي
بس مرحلة السادس المرحلة المصيريه الي تحدد واجهتنه للعمر كلة ❤ وراح تقرر اذا تصير دكتور مهندس محامي
بس يضل الاجتهاد
لتحقيق حلم بداخلك وبقلبك
حلم العمر تعب السنين
تعب ١٢ سنه ١٢ سنه برد وحر وصيف وشته ايام قهر وفرح وبجي وضحك متتعوض هل سنين
من تكعد الصبح تلطم وتكول هم صبحي شوكت تجي العطلة بس من تجي تحن للمدرسه لاصدقاءك للضحك والسوالف
هناك وكتها راح تندم بس الندم بحياته مراح يفيدك بشي
راح تصير مثل البذر المي مالته وهو بصحراء وراح تكول لو و لو
ماكو اكبر غبي بس من الي فكر يأجل هل سنه لان هل سنه كنز انشالت منكم افصل ومواد واكيد راح تجيكم اسئلة سهلة بحكم ضروفنه استغلوها اترك الموبايل روح شوف اصدقاءك شلون يهتمون بمصلحتهم ومهتمين بمستقبلهم وانت منتظر فرصه حتى تنهزم من دراستك
بس كولولي ليش تملون ترة اكو شي اسمه جدول قسم وقتك همة ٢٤ ساعه
اخذ ١٤ تسخت وبهل ١٤ عشرة نوم او تسعه والباقي ساعه موبايل و٣ صلاه و١٠ قرايه
وحسب استيعابك وشكد مخلص من المادة اقرا
كلشي ينتضر الموبايل التسخت اللعب الملل بس حلمك يابه وهل سنه الي لاتقدر بثمن وهواي ناس تحسدكم عليها الكل نجح ضليتو بس انتو حلمك بين اديك والخيار الك لو تضل نايم بالبرامج لو تكسر حاجز الشيطان الي صار عائق بينك وبين نجاحك كوم انهض واترك الكسل واكتب.... اله حلمي# اني كدها#
السادس لتخاف منه اعتبرة شخص اذا خفت منه راح يستحقرك ويدوس عليك ويتغلب عليك هل ايام انت محتاج برود اترك التوتر كل هل ايام راح تخلص والله وراح تصير سوالف وهيج وقت سنه الاخ انت بكليتك الي وصلتها بتعبك جاهد لان العلم جهاد في سبيل الله وسال نفسك سؤال كول العلماء والفقهاء بشنو احسن مني ترة احنه رب العالمين خلقنه باشكل وباعمار وبصفات تختلف بكلشي بس خلقنه العقل والقلب بنفس المستوى والحجم
وانت بكيفك تريد تخلي مثل الكمبيوتر يشتغل بفعاليه عاليه وتكدر ايفوت عمرك وانت كانك لم تخلق صير بشر لان انه رب العالمين حشاكم ميزنه عن الحيوان بس بالعقل
وانتو بعد بكيفكم لان احنه تعدينه هل مرحلة وهسة دوركم
وهاي تجارب اتمنى تفيدكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
