قلوب بالعشق عامرة ( الجزء التاني من سلسة حب بعد الحواز .ملاك الادهم٢ )

10

يسحبها رامي الي داخل الغرفة تحت انظار الجميع.
رامي بعصبية : مين دا
دينا بتوتر من شكل رامي: دا واحد جارناا دكتور
رامي: واللة ويتكلم معاكي بالطريقة دي لية .
دينا: يا رامي عمتو سهيلة كانت تعبانة ومكنش حد هناا خالص غيري روحت سالت عمو صبحي وقالي ع جارنا الجديد الدكتور مصطفي روحت لية البيت و
رامي' روحتي فين يا عنياا. .
دينا: روحت انادي علية .
رامي: دينا لو حصل واتكلمتي معاة تاني حتي لو رديتي السلام مش هيحصلك كويس فاااهمة
دينا: حاضر وبعدين انت بتغير منة والا اي
رامي' انا اغير من دا لية دا انا احسن منة بكتر
دينا: يمكن بس وسيم اوي
رامي بعصبية' دينااااا
تجري دينا الي الخارج. كانت تقف وتسمع كلامهم تبتسم بخبث وتذهب الي غرفتهاا.
ملك: الو يا ماما
صفاء. : اي يا ملك
ملك : عرفت هوقع رامي ف دينا ازاي واخلص الموضوع دا خالص ويطلق دينا .
صفاء: بجد ازاي
ملك: انا مش عارفة لسة بس سيبيني افكر وانا هعمل خطة قمر هتسمعي اخبار تفرح قريب اوي يا مامتي. 
..............................  ...... ....................
تستيقظ سالي وتسمع كلام تقي ل مروان . سالي بحزن: انا لازم امشي من هناا شكلي عملت مشكلة
تخرج سالي وهي تبتسم لهم : بشكركم جدا ع حسن استقبالكم لياا وهمشي دلوقتي .
مروان: بس طارق.
تقي: ايوة يا حبيبتي الضيف الخفيف رزق هههههه
سالي بحرج: عندك حق يا طنط .تمسك حقيبة ملابسها وتذهب .
مروان: حرام عليكي هنقول اي ل طارق دلوقتي.
تقي: اي مشت لوحدهاا احنا مالنا. 
.... ..................... ........ . ...... .....  .....
اتي والد منة ورجاء ومي . مي: شوفي يا ماما الفيلا وسعة ازاي هتعيش هنا بنت المحظوظة ياريت انا .
رجاء: ايوة يا ختي اومال البومة التانية فين
مي: تلقيها ف اوضة من دول فرحانة وبتلبس احسن حاجة وبتاكل احسن اكل
ف غرفة المكتب .
مالك: انا هعمل معااك اتفاق يا بابا
اكرم: اتفاق اي دا
مالك: انا همسك الشركات مليش دعوة بشغل السلاح ولا لياا علاقة بية
اكرم: بس مش دا الاتفاق يا مالك
مالك: انا موصلتش للمستوي الي انت فية انا مبتسمعش حالات القتل بسبب السلاح الي من غير ترخيص .
اكرم: مااشي يا مالك الي انت عاوزة انا هتخلي عن شركات الهندسة ليك انت حر فيها تقع تبقي احسن شركات دي حاجة تخصك بقاا انت الي اخترت .
كان قد اتي الماذون كانت تنزل السلم مع نعيمة وهي تشعر بخنقة شديدة فهي مجبرة ع هذا الزواج . كانت مثل القمر في هذا الفستان الذي كان يوجد بة زينة ع شكل نجوم صغيرة . ينظر اليها مالك وهو يبتسم ابتسامة عاشق فهو لم يحبها بل عشقهاا تنظر اليه نعيمة وتبتسم وتتحدث بهمس الي منة: شوفتي نظرة الحب دي دي مش نظرة حب دي نظرة عشق . تجري اليها رجاء وهي تمثل دور الام : حبيبتي يا بنتي مبروك فرحانة اوي النهاردة.
مي: قلبي مبروك اكيد هتديني الفستان دا عشان البسة ف فرحي كمان شهرين صح .
تهز راسها وهي تبكي وتتمني ان ترا سالي . ياتي اليها مالك ويمسك يديها يشعر بالقشعريرة الذي بيديها مالك وهو يهمس عند اذنها: متخافيش مبحبش نظرة الخوف دي وبعدين عاوز نظرة الشجاعة والتحدي الي كانت قبل كدا يا عشق المالك .
تنظر الية منة وتتنفس بعمق : مالك
وكان توقف العالم عندما سمع اسمة منهاا نظر اليهاا وابتسم. 
منة: عاوزة سالي
مالك: متخفيش سالي ف الحفظ والسون عند طارق
منة: انا عاوزاها تيجي تعيش معايا هناا. 
يهز راسة ويبتسم للموجودين . تم كتب الكتاب ف جو لا يخلوا من الخبث والكرة فكان ف كل دقيقة ينظر والد منة الي اثاث القصر والي منظرة ويفكر كيف يستفيد منة وايضاا اكرم الذي كان يفكر ف اي طريقة تجعل مالك ينضم الية ويمسك هو بالسلطة وينوي ع كل شر الية .
تنظر اليهم نعيمة ف فرح وسعادة وتاخذهم معاا بالحضن وهي تتضحك : مبروك يا حبايبي .
مالك وهو ينظر الي منة فكانت المسافة قليلة جدا بينهم بسبب حضن نعيمة ويبتسم .
........................................................
ف القسم .
معتز: اي يا اسماا فينك
اسما: معلش يا حبيبي كنت بذاكر
معتز: خلاص مااشي لما تخلصي مذاكرة هرن عليكي كمان سااعة . يغلق وينظر الي صديقة الذي ينظر الي عضلات يدة ويفكر ف صمت ههههه
صوت ضحك معتز .
معتز. بضحك: مالك يا رامي انت اتهبلت
رامي: اسكت يا عم انا مخنوق معتز احنا لازم نروح الجيم
معتز: لية يعني اي التغير دا
يحكي لة رامي موقف مصطفي: الواد يا عم رغم ان هو اكبر مني ومنك بس تحس انة اي جسمة قوي اوي عندة عضلات تخيل كان بيسبل ل دينا
معتز: عاادي يا عم هي بس شوية غيرة اشرب ماية وهتفوق هههههههه
رامي: انت بتهزر يا عم انت تصدق انا غلطان ان انا حكيت غبي
معتز: خلاص يا عم متخفش مش بتقول حلو
رامي: يعني بصراحة حلو بس انا احلي منة
معتز بضحك: يبقا هيوقع العمارة كلهاا ههههه
ينظر الية رامي نظرة غضب ويترك المكتب ويذهب
..........................................................
دينا: يعني بس كدا يا عمتو سهيلة هي دي المقادير يارب تعجبة
سهيلة: شكلك بتحبية جوي جوي يا بنت سامية
دينا بضحك: جوي جوي ههههههههه
عزيزة: لا بقاا دا انتو بقيتوا سمنة ع عسل اهووو
سهيلة: كنت بتصرف غلط يا عزيزة هي تستحق كل خير واحدة غيرها كانت سبتني اموت
دينا: بعد الشر عليكي يا عمتو
تاخذها سهيلة ف حضنها: ربنا يسعدك يا قلب عمتو تتدخل اليهم ملك وهي تنظر بحقد الي دينا . ملك: انا نازلة اجيب حاجة من تحت .
سهيلة: متتاخريش احنا هنسافر النهاردة
دينا: لية يا عمتو خليكي معانا
ملك: لا ما انا احتمال افضل يومين كمان
سهيلة: لا مفيش يومين كلنا هنمشي النهاردة .
ملك ف سرها: القدر وقف معاكي المرة دي بس صدقيني يومين وهجيب امي واجيلك
تفتح الباب ولكنها تتفاجا ب رامي امامها ' رايحة فين .
ملك: اصل احنا هنمشي النهاردة ف رايحة اجيب طلبات
رامي: اي هتمشوا النهاردة لية . يدخل اليهم رامي ويسمع كلامهم عن مصطفي . عزيزة : بس شوفتو رامي كان غيران ازاي عليكي يا دينا تضحك دينا بفرح من كلامهم . يدخل رامي وهو يغني وينظر الي دينا ( انا لما بحب بحن بجن بقدم بحر وبقلب جن ) سهيلة: مالك يا ولد حد يدخل اكدة يا ولد
رامي وهو يضع يدة ع كتف دينا: انا  وبعدين اتكلمي مصري يا سهيلة احنا ف القاهرة يا ختشي
عزيزة: ههههههههه يا خربيتك يا رامي وبعدين اي بحن اي دا مش فاهمة
رامي: بصراحة انا كمان مش فااهم لسة كنت بسمعها ف الرديو الي ف العربية عجبتني ههههه
سارة: اي الي جابك بدري يا رامي
رامي: امممم قطتي وحشتني اوي
دينا بحرج: واللة . تنظر الية وتلتفت الي الاكل
رامي: قطتي زعلانة بقاا .تخرج سهيلة هي والباقية. يبقي رامي يحبسها حول زراعية تلتفت الية . دينا: اوعي يا رامي عاوزة اخلص الاكل
رامي: انتي زعلانة بقاا
دينا: ايوة عشان افتكرت ان انا ممكن ابص ل راجل غيرك يا رامي انت حلمي الي بحمد ربنا كل يوم ان هو اتحقق . ياخذها رامي ف حضنة : اسف ابنك غلط ويقبلها من جبينها : اسف يا بنتي
ويقبلها من خدها : اسف يا قطتي . ينظر الي عيونها وكان سيقبلها . تتدخل سهيلة: الاكل هيتحرق يا خويا انت وهي هههههه
تنظر اليها دينا بحرج: اة الاكل
سهيلة. : واللة
رامي وهو ينظر الي الهاتف : ياااة الوقت اتاخر لازم  ادخل البلكونة حالا .
................................................
كانت تقف امام الاسانسير وهي تعلم بانة سياتي الان ويستخدمة . ياتي مصطفي وهو يبتسم اليها
مصطفي: مساء الخير
ملك: مساء النور
مصطفي: انا شوفتك قبل كدا باين صح
ملك: اة انا خالتي الي كانت تعبانة النهاردة
مصطفي: اة ف شقة الانسة اقصد المدام دينا
ملك: ايوة هي بصراحة دينا دي الكل فكرها ملاك انما هي اعوذ باللة تصور خدت مني خطيبي واتجوزتة الي هو رامي
مصطفي: بس هي شكلها انسانة محترمة ولطيفة جدا
ملك بغيرة: لا ما هي دي الشغلة بتاعتها ان هي توصل للكل ان هي ملاك بس لاسف شيطانة
مصطفي: بجد واللة
ملك: ايوة بجد بتتصاحب بسرعة بالذات مع الرجالة القمر والي زي حضرتك يعني لو لقت حد اغني من رامي هتسيب رامي وتروحلة.بس انا دا البيت سلام يا دكتور
مصطفي: اممم بقاا كدا ومالو . يضغط ع زر الطابق الاعلي .
..........................................................
ظلت تبحث كثيرا ع عمل ولكن لم تجد ظلت الي ان وجدت محل صغير يبيع الورد ذهبت الية كانت تجلس سيدة ف سن الثلاثين تنظر الي الاخبار وتبتسم . سالي: سلام عليكم
امل: وعليكم السلام
سالي: حضرتك طالبة بنت للشغل ف الاعلان برة
امل: ايوة فعلا
سالي: انا جاية عشان الوظيفة
امل: اممم طب اي الشنطة الي معاكي دي
سالي: اصل انا بدور ع سكن وشغل
امل: هو انتي هربانة من اهلك
سالي: لا واللة انا هحكيلك .حكت لها سالي الجزء الخاص ب عمتها وزوجها. 
امل : خلاص يا سالي اشتغلتي وكمان ممكن تنامي ف الاوضة الي ف الطابق الي فوق .
سالي بفرحة: اي بجد ربنا يخليكي يارب متتصوريش كمية المواقف الي شوفتها من الصبح. 
كان يبحث عنها ف كل مكان منذ ان علم من والدة انها ذهبت وهو يبحث عنها الي ان اتي المساء وهو يبحث وكانة طفل قد فقد والدتة .
يتبع . 
دنيا مختار
بعتذر ع التاخير . بس واللة يا بنات سبب التاخير عندي مشاكل ف اعصاب ايدي ف انا بكتب كل لما احس ان الوجع قل بعتذر مرة تانية وهحاول انزل حلقة بكرة 💖💜