الحلقه2✨

4K 106 1

بواسطة LokaLolo6

بقلم LokaLolo6

#احببت_معلمي❤️ الحلقه2

اياد:مزال بدري
طبعا جنات تبحت فيه ومصدوووووومه من الطرف الي قدامها وكانت مافعه راسها عشان تشوفه لان هوا طوووويل وهيا قصيييييره
اياد:باستغراب... هي نحكي معاكي
جنات:ماردتش وقعدت تبحت فيه😧
البنات يقرصو فيها
زينه:اسفييييين استاذ
داينه:اخر مره سامحنا
اياد:وهوا يبحت في جنات ومستغرب... باهي خلاص خشو
خشو البنات
وشرح اياد الدرس. وملاك عيونها قلوب قلوب 😍
تلفتت جنات علي دانيه و زينه
جنات:ههههههههه توا عرفت عليش ملاك كانت ادير في ميك اب ومستعجله ع الحصه
البنات:ههههههههه
جنات ماحستش الا بيد خبطت ع درجها
جنات:😳
اياد:ع شنو تضحكي ضحكينا معاكي
جنات:لا اصلا انا اصلا كنت
اياد:كنتي شنو
جنات:|.... |.....|
ملاك: انا نقولك يا استاذ كانت تضحك مع البنات هضما من بدري وماخلونيش نركز😣
زينه وداينه:😦😦😠😠
جنات:في سرها:حقيره😠
اياد:انتي من سمحلك تحكي من غير ماتستاذني مني اصلا شنو قلة الذوق الي عندك هذي
ملاك ازلطت:بس يا استاذ......
اياد:خلاص اسكتي انتي وياها ولو عودتو التصرف هضا مره ثانيه معش تحضرولي حصه
جنات:صاح تهزبت هيا و البنات لاكن كانت فرحانه عشان زلط ملاك
جنات بحتت في ملاك:😜😂ههههههههه
وشرح اياد الدرس وكملت الحصه وروحو البنات
جنات طول خشت لي دارها غيرت دبشها وتوضت وصلت وبعدها طلعت تغدت وغسلت المواعيييييين وخشت رقدت بعدها ناضت ع ساعه 7
قعمزت تقرا و بعدها فتخت الفيس ادير في تشك ورقدت 💤💤💤
جا ثاني يوم
جنات مصبيه هيا وزينه وداينه
ابله اميره:جنات جنات
جنات:نعم يا ابله
ابله اميره:ممكن تخطيلي هضما في مكتب المعلميين
جنات:اها اكيييييد
خدت الكتابات وكانو وجدااااااات ومش عارفه تشيلهم📚
وصلت عند غرفت المعلميين وقعدت تخبط برجلها فتح اياد الباب وطاحو منها الكتابات كلهم
اياد:شنو الفوضه هذي الي درتيها هكي بالكتبات
جنات:بس انا ماكنش قصدي و ع الاقل مفروض اتقولي ولا يهمك هضا من باب الذوق
اياد:لالا انا مانقولش هيا لميهم وعدي
جنات دفتهم برجلها وعدة من غير ملتلمهم
اياد نصدم من حركتها و تعصب
جنات في عقلها:حقير ماعداش ذوق ولا احساس نحسلبه ع الاقل يقولي عادي او يساعدني لاكن طلع شخص عديم الذوق و الاحساس خشت جنات الفصل وخش وراها اياد وهو معصب من الحركه الي درتها وبدا يشرح في الدرس ومتعصب من جنات
يشرح ويبحت فيها
وهيا تبحتله وتكشخ
وبعدها سراج كتب رساله وحدفها ع درج جنات
جنات جت تبي تشوف شنو الورقه هذي
خداها منها اياد وفتحها لقاها مكتوب فيها
((ناعلي نا من السمح وهوا زعلان. غير قوليلنا منو زعلك بس))
اياد قطعها وعزقها ف الكناسه من غير مايخلي جنات تشوفها ومن دون مايقول اي حاجه
اياد:سراج اطلع برا
جنات:عليش استاذ
اياد بعصبيه وبصوت عالي😡:اسكتي انتي
الفصل كله:😨😨😨😨😨
جنات عيونها دمعو
اياد بعصبيه:قتلك اطلع برا
طلع سراج واياد سكر الباب بقوه فريب الباب نكسر وقعد يشرح وهوا متعصب وكل شويه يتلفت لي جنات
لقاها حاطه راسها ع درج وقاعده تكتب
قلبه وجعه عشانها لان هوا احرجها قدام الطلبه وهزبها من غير ماتعرف شن في
كملت الحصه الطلبه ذلعو واياد طلع وصبه عند باب الفصل ويسمع في زينه ودانيه وهما يهدو فيها وهيا تبكي
دانيه:خلاص ياروحي ماتزعليش روحك
زينه:جي جي جي خلاص
جنات وهيا تبكي:انا يحرجني هكي قدام الطلبه باهي ع الاقل كان قالي شن في
وحتي الصبح مشيت انشيل في كتابات ابله اميره طاخو مني قعد يقولي لميهم بسرعه شنو الفوضه هذي وماكلفش خاطره وجا تاسف بنادم غبي وقعدت تبكي
اياد مصبي ومتصنم من الي يسمع فيه
طبعا مشاها كلمة غبي لان هوا غلط في حقها وصرحتا لما حق تقول هكي وهانها في نفس الوقت قدام الي يسوا و الي ميسواش طبعا عرفتو منو الي مايسواش {ملاك😂}

عدا اياد ركب سيارته وطول الطريق يفكر فيها
اما جنات وشلتها جا الباص خداهم وروحو
جنات طبعا هاشه الحوش وجها احمر
امها امينه:كنك يابنتي شن فيكي
جنات:كني يا ماما مافيا شي
امها امينه:باهي كنه وجهك هكي
جنات:شي مغير راسي يوجع فيا
امها امينه:باهي خشي ادوشي وصلي واطلعي تغدي
جنات:حاصر
خشت جنات ادوشت وغيرت وصلت وتغدت وبعدها خشت الدار تبي ترقد لاكن ماجهاش نوم من كثر متفكر في الموقف المحرج الي صرلها اليوم ومش طايقه اياد بكل
المهم قعدت تفكر لين هداها النوم، وناضت كالعاده قرت وكسدة ع الفيس ورقدت

ثاني يوم

امها امينه:جي جي نوضي يابنتي هيا ماتبيش تمشي مدرستك
جنات:نبي نرررقد
قربت منها امها تشوف فيها لقتها حرارتها مرتفه اتصلت بالباص وقالتله انها حتغيب اليوم
ودرتلها كمادات
البنات في الباص
زينه:محمد كنك مامشيت حوش جنات
محمد:امها اتصلت بيا قالتلي مريضه
زينه و دانيه:شنوووووو كنها😱😨
محمد:مش عارف قالتلي مريضه مش حتقدر تجي اليوم
البنات قررو انهم يكلمو هلهم ويروحو ع حوش جنات بعد مايكملو الدوام
المهم وصلو للمدرسه
خشو للفصل
ملاك:وين صاحبة العصابه المهزبه
زينه:احترمي روحك يا ملاك خيرلك راهو مش وقتك بكل
ملاك:مس محترمه روحي يامهزبات
زينه جت تبي تضرب ملاك مسكتها دانيه
دانيه:فوتيها هذي وحده حقيره
وعدو البنات درجهم
سراح:بنات وين جنات كنها غايبه

زينه:مريضه
سراج:باهي انتو مشيتولها
دانيه:لالا نبو نمشولها بعد الدوام
سراج:اها بايه تمام
خش اياد كل واحد قعمز في درجه
اياد يبحت يمين يسار يبي يشوفها لاكن مالقهاش قعد مش طايق الحصه ويبي يطلع
كملت الحصه وكانت ممله بكل بالنسبه ل اياد وزينه وداينه وسراج
طلع اياد اقا دانيه وزينه مقعمزات وزعلانات وكل شوبه يقول نسالهم ولا لا
اياد خش للحمام
شنو فيا نا عليش مهتم لهدرجه طالبه وغابت بس انا هنتها وممكن تكون غابت بسببي ولا انا ديرها حجه اه ياربي
لالا خلاص مش قادر انا حنمشي نسالهم عادي انا استاذعا وشي طبيعي ان استاذ يسال ع طالبته غسل اياد وجه وطلع
اياد:اهلا يابنات
زينه و دانيه:اهلا
اياد:اها ك ك كنت نبي بس نسالكم ع جنات كنها غايبه
دانيه بزعل:اصلا مريضه
اياد بفزع:كنها شن فيها
دانيه و زينه:والله مانندري نحنا نبو نمشولها
اياد:باهي شكرا
اياد:قعد يفكر فيها ويبي يطمن عليها وبعدها عدا من غير ماحد يفطنله للمكتب وطلع ملف جنات لقا مكتوب رقم باتها ورقمها خدا رقمها
روحو البنات ع حوش جنات
دانيه:حبي المدرسه من غيرك بععععععععععع لباس
زينه:اها والله كسدتينا الف لباس عليكي ياعمري
جنات:اكييد تبي تقعد شينه مدام انا مش فيها
زينه و دانيه:هههههههههه
وقعدو البنات عندها لعند ليل غيرولها جوها ضحك وهدرزه و قرمه وبعدها كل وحده جا باتها خداها
صبت جنات صلت وجت ترقد لقت تاليفونها يرن رقم غريب.....

..... يتبع