#احببت_ معلمي ❤️ منقوله{مكتمله}

الحلقه 14

هي يابنات بديت نكتب في الحلقه طوول بعد مانزلتلكم وتو كملتها وانشاءالله نحاول نبدا في الجايه وكان لحقت وكملتها اليوم انزلها طول ♥️🔥
احببت معلمي الحلقه{14}🎀

نصدمو هنا الاثنين لما لقو نسرين ودمعتها ع خدها
مؤيد:نسرين
نسرين مابتش تعدل عليه وفتحت الباب تبي تمشي
مؤيد:وين ماشيه
نسرين:مؤيد حول نبي نروح
مؤيد:بعصبيه. كيف تروحي وعليش
نسرين:مؤيد انا شفتك بعيني وانت قاعد معاها وماسك يدها وكلام رومنسي
مؤيد:لاكن انا نحكي عادي
طبعا زينه مصبيه وتبحت فيهم والعبرن خنقتها
نسرين:هضا بالنسبه ليك عادي وانا عندي احساس لا مش عندي احساس متاكده اخري ان بينكم حاجه
زينه:هي انتي لو سمحتي تكلمي كويس انا من بدري مخليتك تحكي الي في خاطرك لاكن تقولي بينتنا حاجه ف هذي مانسمحلكش بيها شن تحسابيني انا طلبت منه حجات يجيبهم ليا من الدكان لان مافيش حد يمشي واسامه خو جنات مش قاعد عشان انقوله لذالك قلتله هوا وكان عشان وصيته يجيب حجات وجعاتك ف انا اسفه وخشت وسيبتهم
نسرين نحرجت من زينه ومؤيد
مؤيد:ع فكره انتي مريضه وتفكيرك مريض وعدا وسيبها وخبط الباب بكراعه وطلع بره
هيا مابتش تخش كلمت باتها وجاته لين جا وروحت
زينه في المطبخ تبكي
خشت عليها دانيه
دانيه:زينه حبيبتي كنك تبكي
زينه اصبتها وقعدت تبكي
دانيه:ابكي ياروحي ابكي عشان تريحي
زينه:عندك حق يادانيه مستحيل يحبني
دانيه خلتها لين تريحت وحكتلها زينه...
وبعده طلعو الزريعه و الشوكلاطات وقعمزو هما والبنات
جوري:وين نسرين
ملاك:مش عارف
جنات:زينه شفتي نسرين
زينه:....... سارحه
جنات بصوت عالي:زييييينه
زينه:ها شن فيه
جنات:شفتي نسرين
زينه:لالا
جوري:وين عدت هذي
رنت عليها
جوري:وينك يافرخه
نسرين:روحت
جوري:تحكي من جدك
نسرين :اها
جوري:هكي من غير ماتقولي ولا تسلمي
نسرين:راسي يوجع فيا
جوري:باهي ع الاقل كان قلتي
نسرين:المره الجايا
جوري:عليك برود كلا انتي هي وجك
جنات:كنها
جوري:هالالا قالتلي مريضه وروحت
جنات:معقوله باهي الف لاباس عليها
وقعدو البنات يهدرزو وبعدها كل وحده رن عليها خوها وطلعت
جنات:هيا سلام حبي
زينه:سلام ياروحي
دانيه:باي حبي
زينه:حتي انتي خزي عليكم
دانيه:خلاص ياحنه نحن قريب نستقرو عندك
وطلعو البنات كلهم
جنات طلعت لقت اياد يهدرز
جوري طلعت لقت اسامه
ماهو مؤيد واياد واسامه كينين يهدرزو
البنات ركبو السيارات
جنات ف سياره تبحت في اياد
دانيه:حي عليكي راهي يشوفك اسامه
وجوري كذالك
......
.........
ف الليل
كل واحد راقد يفكر في حاله
جنات تفكر في اياد وكيف طيب معاها وحنون وتتمني من ان يخليهم لبعض❤️
اياد يفكر ف جنات ويتمني انها تكون من نصيبه
دانهي تفكر في محمد كيف خانها😔وكيف هانت عليه العشره وباعها برخيص وتفكر ف طارق الي كلمها وخفف عليها حزنها بأسلوبه وقلبه الطيب
طارق يفكر في دانيه يفكر ف شكلها الطفولي وحركاتها وضحكتها ويتمني ان تحبه كيف ماهوا يحبها ❤️
زينه تفكر ف مؤيد الي عارفاته مش حيكون من نصيبها تفكر كيف تنساه😔😔😭
مؤيد:يفكر في زينه الي نحرجت اليوم بسببه يفكر كيف حطها في موقف شين😔
........
جاثاني يوم
البنات في المدرسه
زينه:اليوم جو ملل عشان معش قعدنا نمشو مع بعضنا
جنات:بابا امس قالي نبي نشتركلك ف باص اشتركو معايا
دانيه مسكته العبره
فطنولها البنات
جنات:حبيبتي لازم تنسي هضا واحد حقير حرام حتي انك تفكري فيه
بعدها جاهم طارق
طارق:خير يابنات
جنات وزينه:خير استاذ طارق
طارق:خير يادانيه
دانيه عدت وسيباته
انصدم هوا والبنات من حركتها
وخشت للحمام تبكي
جنات:اسفين استاذ انت فاهم ان هيا الايام هذس جوها مش تمام
طارق:اها فاهم مافيش مشكله وعدا
البنات عدولها
جنات:من جدك الي درتي والله عيب عليكي الراجل لعند امس كان يكلم فيكي
زينه:وبعدين حتي كان مضايقه هوا شن ذنبه الراجل دانيه حست بالذنب
دانيه:خلاص توا نمشيله
راجت الحصه تكمل وبعدها طلعت لقت ابله اريج
طبعا اريج هذي تموت ف حاجه اسمها طارق ودير ل المستحيل عشان تكوو عروسته المستقبليه
{ههههههه حلم ابليس بالجنه}😂
دانيه:ابله اريج شفتي استاذ طارق
اريج:وعليش شن تبي فيه
دانيه:كيف شن نبي فيه نبيه
اريج:شن تبي تقوليله وان توا نقوله
دانيه:لالا سوري موضوع خاص
اريج:خاص ها تالقي ف غرفة المعلمين الي فوق
دانيه:اها منوره
اريج نقهرت
.......
ركبت دانيه و صلت عند الباب وقلبها يدق
بعدها خبطت الباب لقت مافيش حد يرد فتحت الباب لقت طارق ع لابتوب
دانيه:ممكن نخش
طارق:اها اكيد تفضلي
دانيه جت قعمزت
دانيه:انا اسفه صدقني والله مانقصد لاكن
طارق:خلاص ولايهمك فوتي
داينه:يعني مش زعلان مني
طارق:اكيد مش زعلان منك في حد يزعل من العسل❤️
دانيه تحشمت😊
اريج لوطه شايطه فيها النار😂😂
#تستاهل السوسه 😂
.........
دانيه نزلت لقت اريج مصبيه تراجي
اريج:اسمعي يافرخه انتي طروح هضما ماديريهمش ليا
دانيه:تحكي معاي انتي
اريج:اها امالا نحكي مع من
دانيه:هههههه طروح شني
اريج:طروح متاعاتك الي ديري فيهم قدام طارق
دانيه:ههههههه تعرفي والله ضحكتيني انتي الي قريب تموتي عليه وهوا مش مبحت فيكي اصلا هيا باي
مان خاطري نهدرز معاكي اكثر من هكي لاكن عندي حصه
See you
اريج نقهرت من رد دانيه وشاطت فيها النار 😠🔥 🔥 🔥 🔥🔥🔥😡😡
بعدها دانيه عدت للبنات وقالتلهم ع اريج
جنات:هههههههه صح لسانك
زينه:ههههههه احسن مبردها تلقيها قريب تموت وبعدها البنات روحو
ع حوش جنات
غيرو دبشهم وقعدو يهدرزو
وبعدهز بات جنات جا
بات جنات:خير يابنات
دانيه وزينه:خير ياعمو
جنات:بابا شنو الكرت يلي معاك
بات جنات:اها هضا كرت متاع فرح محمد الي كان يوصل فيكم عزمني ع فرح
مشاءالله ربي يهنيه
جنات وزينه يبحتو في دانيه
....... يتبع