لكي لايهجر😊
لايلاف قريش💞إلافهم رحلة الشتاء والصيف💞فليعبدوا رب هذا البيت💞الذي أطعمهم من جوع واءمنهم من خوف💞
محاولة للتأقلم💞
شعور بالالفة يعتريني💞 منذ ان عدت الي ارض الوطن 💞حتي اني تآلفت مع اشياء علي ارضها لم افكر بفعلها يوما وانا في غربتي😍 فقط اعلم مادمت اقف علي تراب وطني 💞بدات بفعل الصواب هذا هو شعوري الان❤️
#
هي اول ماشافتني اتهجمت 😳😱قالت لي انتي انسة قمحي😍❤️ مديرة المجموعة دي اصلو مابصدق 😳😍عرفتوها ايوا دي انفال ديك الانقذتني من الشرطة في امريكا 😅قام هاشم باستغراب قال بتعرفو بعض😕 قالت ليهو كيف مابعرفا دي ريان آسر سيدة الاعمال المشهورة في امريكا انتي متذكراني لكن 😀قلت ليها ايوا😊 عملت حركة درامية ختت يدها في راسها قالت قلبي الصغير لايتحمل ذلك ريان آسر بتذكرني😌 كلهم ضحكو 😂قالت لي المهم اتشرفنا شديد😍😂 قلت ليها Thanks😊قاليها ارح نوريك محل الشغل طبعا يااستاذة ريان انفال دي من اقاربي وشاطرة عشان كدا جبتها 😌❤️قلت ليها مابتهمني اذا بتقربك ولا لا بهمني مستواها اوك 😊هو تقريبا اتحرج من ردي😁 هي قامت قالت لي ماتخافي تب انا قدرها😌😊 قلت ليها ودا المطلوب😊 ومشيت عفاف لحقتني قالت لي ريان انتي شريرة😂 قلت ليها شكرا 😁قالت لي ماحتساليني لي 😒قلت ليها بصراحة وجهة نظرة الناس لي مابتهمني كتير اوك المهم انا مرتاحة ومامجبورة اتكلف😊 قالت لي انحنا ناس واضحين وبنحب الوضوح 😉قلت ليها بالظبط كدا😏 قالت لي وانا كمان عايزة اشتغل معاك لو ماف مانع😢 قلتليها تمام مجالك شنو 😊قالت لي محاسبة قلتليها يعني مااشتغلتي قبل كدا صاح 😊قالت لي اتخرجت وكنت بفتش وجيتي انتي قلت ليها تمام ارح مكتبي😊 مشت معاي بقت تتصور وتتعولق في مكتبي قالت لي رهيب وربي 😍بعد شوية كدا راجعت ملفات وهي بتتصور وضربت لي موظفة الاستقبال قلتليها رسلي لي مدير قسم الحسابات فؤاد😊 قالت لي تمام 😊قلتليها عفاف اذا استمريتي كدا حااصادر تلفونك دا واسي الحاتشتغلي في قسمو حايجي وحاعمل ليك مكتبك فوق هنا بس اثبتي نفسك😊 قالت لي ماحاتندمي يابت عمي قلتليها تمام نشوف 😒وقام جا اتكلمت معاهو بخصوص عفاف انو يوريها طريقة الشغل ومشت معاهو نزلت تحت لقيت الشركات خلاص ماشة وكمان عيلتي😅 سلمت وقلت لي حبوبة حاجي متاخرة وعفاف كلمتهم ومشو😉💋 طلعت فوق والضيوف كلهم مرقو والاوضاع استقرت😊 قعدت اشتغل في مكتبي وانظم في السيستم حق الشركة والتعينات وكل حاجة ظابطة 😍جا هاشم داخل قلت ليه عايزة القائمة بتاعات الشركات العايزة تشاركنا😊 قالي تمام قلت ليه ورسلي معاك انفال قالي تمام😌 المهم اشتغلنا وانفال بالجد طلعت شاطرة وكمان عفاف واتصاحبو طوالي 😂المهم مرقت مطعم وجيت لقيت هاشم وعفاف وانفال بتونسو وبضحكو بااعلي اصواتهم وكمان هاشم البضحك فيهم 😒جيت اديتهم نظرة واحدة اي واحد قام شاف شغلو😂💔 واتضايقت صراحة بس اتمالكت نفسي بعد انتهينا سقت عفاف ورجعنا بليل
بعد مرور شهر اي شهر مالكم😂
انا شبه اتاقلمت مع الوضع الجديد بالنسبة لي عائلتي😊 يعني بقيت بجامل شوية ماذي ماكنت وفهد كل يوم بزيد عباطة ولواقة ورفع كثافتي😒 بالنسبة لي عفاف وانفال بقو صحباتي شديد لانو بنكون مع بعض طوالي وبالذات عفاف كنت عادية معاهم 😊❤️وبعد عفاف في العائلة افنان اما ثلاثي لظا ابوي ومرتو وآهلة ياهم في تصرفاتهم 😒عدي بقا صحبي وبالنسبة لي ناس الشركة رسمية معاهم بس بقيت بعرفهم كلهم اما هاشم كمان بقا صديقي بس طوالي بلمح لي بانو معجب بي في شكل هظار يعني بااختصار دا الحصل😊❤️ المهم قمت الصباح عفاف بقت طبيعي صاباها معاي 😂بنصحا بدري هي بتصلي وانا بقعد اعاين واقرا يعني ماقاعدة اصلي باختصار امكن انا الوضوء مابعرف اتوضأ 😊وفي صغري لمن كان عمري 14كنت عايزة اصلي وسالت واحدة من بنات الساكنات مع حبوبة بقت بتضحك فيني وتقولي انتي كبيرة كدا مابتعرفي وانتي كافرة وبتضحك قدام الناس😒 وقتها حسيت بالاحراج وتاني مافكرت اسال زول اصلا😡
