في الصعيد كعاده كل يوم
علا بضيقه ، مصطفي قوم والا حعمل زي كل مره
مصطفى ، خلاص صحيت اهو صباح الخير يا قلبي
علا ، صباح الورد والياسمين ياروح قلبي يالا علشان نصلي
مصطفى ، حاضر وتركها وذهب إلى الحمام ليغتسل وبعد فتره خرج مصطفى من الحمام
مصطفى ، يالا يا قلبي ولكن قاطعهم صوت خبط علي الباب فتوجهت علا لكي تفتحه فوجدت هنا
هنا بمرح ، صبح صبح ياعم الحاج
علا ، صباحك مندي يا اسطا
مصطفى بمرح ، صباحك فل يا كبير
هنا ، العب هو انتم منهم هييييه اخيرا لقيت حد اهبل زي
مصطفى بغضب مصطنع ، انا اهبل يا هنا
هنا ، مين قال كده علي الوحش مش انا خالص
علا ، هههههه يخربيتك ضحكتني بس ايه الي مصحيكي بدري كده
هنا ، اوبس يالهوي نسيت جدي بيقولك يا مصطفى يالا علشان تصلوا في الجامع ولا انت مبتصليش
مصطفى ، مين يابت الي مبيصليش ليه شايفاني ايه
هنا ، العفو يا اسطا بس يالا إلا جدي يولع فينا وانتي ياعلا تعالي صلي معانا جماعه بدل متصلي لوحدك
علا بابتسامه ، ماشي يا هنون يالا يا درش
مصطفى ، يالا يا قلبي ونزلوا إلي الأسفل وجدوا الكل متجمع في الصاله ولكنهم صدموا من شكل الحجاب علي علا
عبدالله ، بسم الله ماشاء الله عليكي يا بتي انتي كيف الجمر في الحجاب
علا بخجل، شكرا يا جدي دا من زوقك بس انا عادي يعني
محمود ، لا يابنتي انتي شكلك حلو جوي في الحجاب ياريت تلبسيه علي طول
حسين ، طيب يالا علشان الصلاه متفوتناش وغادر الرجال الي الجامع أما النساء صلوا في المنزل وبعد الانتهاء من الصلاة
علا ، ريم ممكن لو سمحتي تجبيلي مصحف
ريم بابتسامه، حاضر ثواني وبعد فتره أتت لها بالمصحف الشريف
ريم، اتفضلي يا ستي
علا ، شكرا يا قمر وأخذت المصحف وذهبت الي الكرسي وأخذت تتلو القران الكريم بصوت عذب وجميل جدا وكان الجميع يستمعون لها
$$$$$$$$$$$$$$$$$$$$$$$$$$$$$$
أما في الخارج
خالد ، ايه الصوت دا مش صوت حد من البنات
عمر ، ايوه وكمان مفيش حد بيقرا قراءن هنا بالتجويد غير ريم ودا مش صوتها
مصطفى بابتسامه، دا صوت علا
الكل استغرب
مصطفى بابتسامه، مالك مستغربين كده ليه علا حافظه القران الكريم كاملا بالتجويد كمان رضا كان بيحفظنا القراءن بالتجويد من واحنا صغيرين وأحمد كان بيسمعلنا وكمان علا كانت بتدخل في مسابقات قراءن في المدرسة وكانت بتطلع الاولى دائما
خالد ، وانت يا درش كنت بتعمل ايه
مصطفى بغيظ ، يا اخي سبحان الله كنا بنحفظ سوي وبنسمع سوي بس دايما كان بتطلع الاولى وانا التاني حتي في الثانويه كانت جايبه98%وانا كنت بذاكر اكتر منها جبت 96% وبرضوا في الكليه علي طول كانت متفوقه عني
عمر باستغراب ، طيب انتوا درجاتكم كانت حلوه جدا مدخلتوش كليه قمه ليه
مصطفى، علشان طول عمري كنت بحلم ادخل شرطه أنا وعلا ورضا كان محببنا في الكليه احمد كان معترض علي دخول علا كليه الشرطه بس لما لاقاها حابه تدخلها معرضهاش ووافق أن يدخلها هو وبابا بابا كان دائما يقول أنا مخلف 4رجاله مش 3 الناس في البلد عندنا لما كانوا يشوفوا علا كانوا بيتكلموا علي طريقه لبسها وحياتها بس مكنش حد فينا بيديهم اهتمام ولما اتخرجنا من الكليه واشتغلنا كنا بنبذل مجهود جامد علشان نسبت نفسنا بعيد عن رفعت أو اي حد له علاقه بينا وكمان الكليات كلها قمه زي بعض لو كل واحد يجتهد في كليته ويتخرج ويشتغل بجد
عبدالله ، ربنا يقويكم يا ولدي يالا علشان ننام ودخلوا الي الثرايا ووجدوا البنات يلتفون حول علا يستمعون لها
ريم ، بجد يا علا انتي صوتك جميل جدا
نور بابتسامه، علا ممكن اطلب منك طلب
علا بابتسامه، اومري ياقلبي
نور ، عيزاكي تعلميني القراءن بالتجويد
هنا ، اه بالله عليكي وانا كمان علشان الواد فهد محفظ البت ريم بالتجويد وانا لا تقولشي انا مش أخته ولاقيني عند المعبد اليهودي
علا ، ههههههه حاضر ياسيتي انتي وهي من بكره انشاء الله يالا ننام وقاموا لكي يناموا لكن وجدت هنا من يمسكها من قفاها (مسكت الاخ الشهيره 😂😂)
فهد، انا يا جزمه مرضتش احفظك مش انتي الي كنتي مشغوله في النوم وهي كانت بتستناني كل اجازه وتجيلي اخر الليل احفظها
هنا بالم ، خلاص يا كبير اسفه والله بهزر ايه مبتهزرش يارمضان
فهد وهي يدفعها ، لا يا اختي بهزر قوم يابت روحي نامي
هنا ، من عونيا سلام يا افندم
الكل ، ههههههههه
مصطفى بضحك ، ايه يا بنتي دا
هنا ، ياعم اسكت دا ممكن يتحول دلوقت
فهد ، هنا
هنا ، مش هنا هنا نامت خلاص تصبحوا على خير وخرجت تجري الي غرفتها انا الجميع فأصبح يضحك عليها
عبدالله، يالا تصبحوا على خير
الكل وانت من أهله يا جدي وذهب الجميع الي الاوض وعند خروج علا امسكها فهد من يدها
فهد، استني يا علا عايز اتكلم معاكي في حياتنا الجديده
علا وهي تشد يدها من يده ، مفيش مابنا كلام والصبح حتعرف قراري وتركته وذهبت الي الغرفه وهي تبتسم بخبث
مصطفى بمرح، ربنا يستر من الابتسامه دي
علا ، درش يالا غير هدومك علشان نجري
مصطفى بغيظ ، حتي هنا مش رحماني بالله عليكي اعتقيني لوجه الله
علا ، مصطفى
مصطفى ، خلاص يا وحش
وبعد فتره كانت علا فيها ابدلت ثيابها الي ترنح رياضي اسود ومصطفى أبدل مابسه الي ترنح رياضي رصاصي وخرجوا من المنزل واصبحوا يتسابقون في الجري وبعد ساعتين وكانت الساعه وقتها السابعه فاتجهوا الي البيت وهم في طريقهم
مصطفى ، حتعملي ايه في المشكله دي
علا بهدوء ، مش حعمل حاجه خالص
مصطفى ، علي بابا يا لولو
علا بمكر ، حتعرف النهارده يالا بينا وجروا مره اخرى الي المنزل وبعد فتره كانوا وصلوا إلى المنزل
مصطفى وهو يدخل الي الصاله منك لله يا علا علي اليوم الي شوفتك فيه
علا ، بس يالا وانت بقيت زي حمزه كده مبيحبش الجري
اسماء بخبث ، ومين حمزه دي بقي
علا بابتسامه صفراء، اولا حمزه ابن رفعت أوك ثانيا بقي حمزه اخونا في الرضاعه
خالد ، كيف كده وحمزه اكبر منيكي بخمس سنين
مصطفى ؟؟؟؟؟؟؟؟؟
