علا بابتسامه شر، حنقلب الترابيزه بس في الاول لازم نرجع اسكندريه
حازم ، رجلي علي رجلك مش حتخطي خطوه غير بيه
علا بهدوء، مش حينفع لان انت دلوقتي المفروض مسافر ولو الجماعه عرفوا أن انت هنا وجيت معايا اسكندريه العمليه حتنقلب عليك وانت فاهمني 😂😂😂😂😂😉😉 الواد مراته حتشلوحه .ثانيا بقي شريف دا كلب ولا يسوي واطمن حمزه حيبات في الصعيد النهارده
حازم، بجد ولا كلام
مصطفى بمرح، عيب عليك دا احنا وحوش الداخليه
حازم بمكر وخفوت ، وحوش الداخليه بس
مصطفى بغضب ، ينعل ابو شكلك والله لو مالميت لسانك لافضحك هنا واقول لغاده علي كل حاجه
حازم بمرح، خلاص يا اسطا خد راحتك
علا بهدوء ، يالا يا مصطفى غير هدومك علشان نمشي ويارضا لو تعرف حد يشوفلنا مكان علي الطياره علشان نوصل علي طول
فهد بهدوء، سيبي الموضوع دا عليا وتركهم وخرج
اقترب عبدالله من علا ، علا انتي كده حتتعبي
علا بهدوء، جدي دا ابن خالي واخويا ومقدرش اتخل عنه وهو ياما وقف معانا ومكنش بيتردد لحظه
محمود ، ربنا يجزيك علي قد نيتك يابتي
حازم بمرح، افرض نيتها كانت سوء حتعمل ايه
اكتف رضا بتوجيه له نظره ناريه وأما علا
علا بمرح ، بقا انا نيتي سوء ماشي ماشي النهارده غاده تيجي والمستخبي حيبان يابتاع ليا
حازم بصدمه ، يخربيتك عرفتي دا كله من فين
علا ، عيب عليك دا انا الوحش برضوا
حازم ، خلاص ياوحش اسفين
فهد بهدوء وهويدخل الحجره ، يالا ياعلا علشان باقي نص ساعه علي الطياره
علا ، اوك بس ثواني واتجهت الي الخزانه وأخرجت سلاحها وهي تبتسم ابتسامه شر وتوجهت إليهم
ولكن شهق البنات بخوف
ريم بخوف ، علا هو انتي بتعملي بيه ايه
علا بسخريه ، برش بيه مائه ترشي انتي كمان واكملت بغيظ غوري يابت منك ليها من هنا بنات تحرق الدم.
مصطفى بابتسامه مرح ، مين الي حرق دم الوحش
عمر ، البت ريم
مصطفى بابتسامه حب ، لا دي تاخد راحتها خالص
فهد بغيظ ، اتلم يالا دي اختي ويالا بينا من هنا علشان نلحق الطياره
مصطفى، هو انت جاي معانا
فهد، ايوه جاي معاكم كادت علا أن تعترض ولكن فهد اسكتها باشاره من يده ولا كلمه انا جاي يعني جاي
علا باستسلام ، يالا يا فهد واتجهت إلى رضا وحضنته وبعدها الي جدها وقبلت يداه وجبينه وفعلت المثل مع اعمامها وهدي
نوار بتناكه ، ايه يابت امنيه مش حتيجي تحبي علي يدي
كاد فهد أن يرد لكن قاطعه رضا باشاره من يده معناها اترك الأمر لعلا
علا بضحكه صفراء ، ازاي ياتيته اقصد يا طنط سوري بقي بغلط وبقولك تيته بس مش عارفه ايه السبب تفتكر يا مصطفى ايه السبب
مصطفى بخبث ، يمكن علشان هي كبيره وباين عليها الكبر وكمان دا بيتهيقلي عدت 70سنه
علا بضحك مكتوم ، تصدق صح كانت تايهه عني فين دي
نواره بغل ، حقول ايه ماانتي تربيه امنيه قليله الرقابه صوح
علا بجديه شديده، اولا يا عمتي لما تتكلمي عن امي تتكلمي باحترام ثانيا بقي امنيه ربتني احسن تربيه ربت أربع رجاله وعلمتهم احسن علام في الوقت الي كان والدي مشغول بشركاته واشغاله وانا مبقولش حاجه في حقه هو كمان مقصرش في حقنا وان كان علي اسم امنيه الي انتي عماله تقولي ولاد امنيه فدا شيء احنا بنعتز بيه عارفه ليه علشان يوم الحشر حيتنادا علينا ويقولوا علا بنت امنيه وانت كمان حيتنادا عليكي نواره بنت فاطمه واه قبل ما تتكلمي علينا روحي رجعي بنتك من البندر يا عمتي قالت اخر كلمتها بتهكم وسخريه
فهد ، يالا يا جماعه علشان منتاخرش
مصطفى ، اوك يالا يا علا سلام يا جماعه وغادروا من القصر متجهين الي المطار أما في القصر
هنا بخفوت لريم ، بت ياريم البت علا هي الي تنفع مع عمتك والله العظيم شوفي عملت فيها ايه وعمتك منطقتش بكلمه
ريم بخوف من نظرات نواره ، بس يابت الا تسمعك
هنابالامبالا ، يا اختي خاليها تسمع نفسي ادخل معاها في خناقه وان كنت عرفتها تتكلم كيف أكده علينا
عبدالله بحزم ، يالا يابنات علي المطبخ اعملوا وكل لرضا وحازم والجماعه الي جايين
هدي بسعاده، حاضر يابا الحاج حنعملوا احلي وكل دول الغاليين
وأخذت البنات وغادروا
عمر باستغراب، اومال عمي رفعت فين هو مش لواء
حازم ، رفعت مسافر
