قصه حب

صفاء : كعدت الصبح الساعة 8:00 عندي تمرين وية النادي بنفس المكان رحت سبحت ورحت للملعب
ملاك : كعدت الصبح ساعة 9:30
ملاك : هلاو ماما وين بابا؟
ام ملاك : راح للشغل تعالي تريكي
ملاك : وانتي متتريكين وياية؟
ام ملاك : لا تريكت وية ابوج
ملاك : ها تمام
ام ملاك : اني حروح للسوبر ماركت تجين؟
ملاك : اوك جاية
ام ملاك : والريوك؟
ملاك : من ارجع لو اكل برة
ام ملاك : تمام براحتج
ملاك : يلا امشي
عشق : كعدت الصبح كوة بس مجبورة ع مود اقرة
ام عشق : عشق حتكومين لو لا؟؟
عشق : اي هسة كايمة والله
ام عشق : يلا انتظر تعالي تريكي
عشق : اوك
عشق : نزلت تريكت وية ماما بعدين حجيت وية ملاك كالت اني بالسوبر ماركت وكلتلها من تكملين احجي وياية
بعدين رحت اقرة لان مبقى الا كم شهر ع الامتحانات
...............
بشار : بقيت افكر بعقد النادي وحسيت صفاء كلامه صح وقررت بس كلت انتظر فترة يلا اروح
صفاء : رجعت من التمرين للبيت وسبحت بعدين اتصلت ع بشار
بشار : هلا صفصف حبيبي شلونك؟؟
صفاء : حبيبي بشة اني بخير انت شلونك؟
بشار : الحمدلله
صفاء : شنو قررت؟؟
بشار : ع الاكثر اني موافق بس انتظر فترة يلا اجي
صفاء : عفية عليك اخوية
بشار : حبيبي صفصف
صفاء : اني اترخص هسة رجعت من التمرين
بشار : براحتك حبيبي
...............
صفاء : نمت وكعدت العصر بقيت اتمشى بصف الفندق
ملاك : رجعت من السوبر ماركت كلش تعبانة ونمت بعدين نزلت للحديقة لان مااعرف أماكن غيرها
صفاء : قررت اروح للحديقة يجوز اشوف ملاك
ملاك : كاعدة وشفت صفاء
صفاء : شعجب دائماً وحدج؟
ملاك : شلون يعني؟؟
صفاء : يعني معندج لا أصدقاء لا صديقات
ملاك : عندي صديقة وحدة بالعراق بس وكلش احبها معندي غيرها
صفاء : شعجب مجتي هنا؟
ملاك : هي سادس ودتقرة وماادري يعني
صفاء : ولهالدرجة تحبيها ومتريدين غيرها
ملاك : كلشش والله ماكو مثلها فطيرة وحبابة ولسانها فالت وبس تتعارك وبسرعة تبجي
صفاء : بقيت اتخيل شكل عشق ببالي وحسيتها طفلة واني مااعرفها
ملاك : اي بس
صفاء : ها ومتحجين وياها انتي هنا؟
ملاك : لا احجي وياها قبل شوية حجيت وياها جنت بالسوبر ماركت ومطولنة بالحجي
صفاء : هاا
كاعدين واتصلوا ع ملاك
ملاك : دنحجي بعشق واتصلت علية
ملاك : عزااا انتي شنو دتسمعيني
عشق : شبيج كبر
ملاك : دااحجي بيج واتصلتي
عشق : هاا لمنوو لابو كفشة
ملاك : عزا العزاج عشق
عشق : كاعد يمج وديسمع؟؟؟
عشق : دكولي اشاقة ملاك بربج
عشق : باع سكتت لج ملاك
ملاك : فلت وجهي كبال صفاء
صفاء : صوت المكالمة عالي وسمعت عشق تكلها تحجين وية هذا ابو كفشة وضحكت بس غلست
ملاك : دسكتي فضحتينا
عشق : المطي من يتصل غير ينطي انذار؟
ملاك : مو انتي اتصلتي 🌝
عشق : ها هم صح ديلا ولي وين انطي وجهي بعد
ملاك : ديلا باي
صفاء : ضحكت
ملاك : اسفة مو كتلك هي لسانها فالت
صفاء : لا عادي حسيتها مثل الطفلة هي
ملاك : اي كلش
صفاء : ملاك اني اخوج اي شي تحتاجيه كليلي موجود بصفج اني
ملاك : تسلم متقصر
صفاء : ان شاء الله اكدر اعوضج عن عشق وادري مااعوض
ملاك : هههههههههههه ان شاء الله
صفاء : رجعت للفندق واكول معقولة يصير شي وتجي عشق هنا
لا اني شعلية حتى البنية مااعرفها
بس صوتها جان كيوت وشلون استحت مني
اهوو شبيك صفاء؟

............
هلاوووو شلونكم