قصه حب

ام ملاك : خوش ولد وحباب وهواية واكفلنة وحاسبته ابني بس اكول صفاء اشوفه يمي ومطالع منه شي غلط
ام عشق : مدام هيج تمدحين بيه يعني صدك خوش ولد ليش متنطيه ملاك؟
ملاك : ياعزا خالة والله اخوية كلش يا زواج يا بطيخ
ام ملاك : لا والله ام عشق مثل ابني الولد ومااعتقد اكو حب بينهم ياريت الكه مثله لملاك وعود ننطي عشق لصفاء
عشق : جنت دااشرب مي وغصيت
ام عشق : ها ماما شبيج اسم الله
عشق : تنطون منو لهذا ابو كفشة الشايف نفسه؟
ملاك : انتي 😂
عشق : خالة تعرفتي ع بشار؟
ام ملاك : لا والله بس صفاوي يكول خوش ولد وصديقه
ام عشق : اذا مثل صفاء عود ننطيه ملاك 😂
ملاك : اي خالة انتي وزعي بينا لصفاء واصدقائه 😒
عشق : عيني مو تكولين بشار حباب
ملاك : اي مو تنطوني اله
ام ملاك : ديلا هسة الي يسمعنة يكول جايين وكاتلين نفسهم عليكم 😂
ام عشق : اي والله 😂
عشق : ليش شنو ناقصنااا
ملاك :اي والله جمال واخلاق وتعليم شنو بقى؟
ام ملاك : باع الثقة مالتهم
صفاء : كعدت الظهر متكسر مدري ليش تعبان ولكيت بشار مسوي اكل ومنتظرني
بشار : صح النوم كابتن
صفاء : لكك احس متكسر
بشار : خاف مريض؟
صفاء : والله ماادري
بشار : هسة تعال اكل وبعدين نشوف

صفاء : اكلنا وكملنا وبعدين رجعت نمت لان بعدني تعبان
بشار : صفاء صفاء
صفاء : بشار عوفني تعبان
بشار : امشي اتحرك شي خلي تصير شوية طاقة عندك
صفاء : اكله مبية حيل يكلي طاقة
بشار : دكوم اني وياك
صفاء : كمت كمت
ملاك : كملنا اكل وبقينة نسولف صارت بال5 تقريباً نزلنا اني وعشق نتمشى شوية شوية وشفنا بشار وصفاء شكله اصفر
عشق : لجج دتشوفين وجه صفاء مو مبين اصفر؟
ملاك : اييي امشي
بشار : شفنا البنات اجوا علينة
عشق : شبيك صفاء؟
صفاء : شبية؟
عشق : شنو شبيك دشوف وجهك اصفر
وانت بشار متشوف وجهه اصفر متاخذه للدكتور؟
ملاك : شبيج تهجمتي ع الولد يجوز جان ماخذه واحنة مندري
بشار : مدري كال تعبان وكتله خلي نتمشى شوية تصير بيك طاقة لان خلصها نوم وكوة اكل
عشق : ديلا امشوا ناخذه
ملاك : كلنة نروح؟
عشق : اي بشار غير ولد وياه واني اروح قابل تبقين وحدج؟؟
بشار : كلام عشق صحيح يلا امشوا بس انطوا خبر لاهلكم
ملاك : اتصلت ع ماما وكلتلها صفاء شوية تعبان حناخذه للدكتور وكالت اوك
رحنة للدكتور وراح كال افحصه ومااعرف شنو

الدكتور : مبيه شي بس دمه نازل شوية تعبان ويمكن مياكل زين بس خلي يدير باله ع نفسه وليتعب هواية
بشار : الحمدلله زين هم ناخذ ادوية شي؟
الدكتور : اي كتبت اخذوا الورقة واخذوهن من صيدلية المستشفى جوة
بشار : تسلم تعبناك
الدكتور : هذا واجبي
عشق : شفت صفاء وجهه اصفر فلت وجهي ومدري ليش توترت وبقيت اصيح بوجه بشار بعدين اخذناه للدكتور وكال ماكو شي
ملاك : حسيت بـ عشق بدت تحب صفاء ماادري ليش لان انفعلت وتصيح بوجه بشار من شافته تعبان وكالت اروح للدكتور وياه ماادري والله الايام تبين ان شاء الله
بشار : خفت ع صديقي خاف بيه شي بس بنفس الوقت انتبهت ع ملاك متعرف شنو تسوي وساكتة وخايفة صديقها مريض وصديقتها متوترة ومبينة معجبة بصفاء وعافت همها وركزت بـ هم صفاء

بعدين رحت اشوف صفاء
بشار : ها اخوية شلونك
صفاء : والله مبية شي شبيكم خبصتوني
بشار : مشفت وجهك انت هسة نروح وناخذ ادويتك
صفاء : وين عشق؟
بشار : لك شسوت بينة بس تصيح عبالك زوجها وتمرض
صفاء : 😂
بشار : اعتقد تحبك
صفاء : لا يابة شنو تحبني تكرهني اصلاً وتلكاها صاحت بوجهك ع سالفة الجهاز هسة طلعت ضوجتها
بشار : ماادري اني هيج شفت
صفاء : لا لتفكر هيج 😑

..........

تصويري