يوم مر... يوم حلو

الفصل التاني:لقد تذكرتك

في مكان اخر

~كانت لجين جالسة فالزنزانة الخاصة بالنسا ومركزة الشوفة فواحد الشاب يكون عندو ديك 24عام ...مقابل معاها فالزنزانة الخاصة بالرجال ...وحتى هو كايبادلها نفس النضرات... اما اسيل جالسة كاتخمم فالغياكسيو ديال جواهر ملي تسيق الخبار~

نرجعو لعند جواهر

~منبعد مائدن ليهم الكوميسير بالدخول دخلو...لقاو الكوميسير جالس فالمكتب الخاص بيه...ومقابل معاه شاب عندو ديك 28عام وقف مصدوم من شوفت جواهر وزاد تصدم من تواجد اسد

...:اسد شكادير هنا؟

اسد:(ليكان حتا هو مصدوم)...انا جيت مع الانسة جواهر ولكن نتا لي شكادير هنا

~كان غايجاوبو ...مي الكوميسير قاطعو وخاطب جواهر...~

الكوميسير:واش نتي جواهر بن الطاهري

جواهر:اه هي انا ...ممكن تقوليا علاش حابسين خواتاتي

الكوميسير:(اشار ليهم باش يجلشو )...رتاحو بعدا(جلسو)...مهم انسة جواهر صراحة خواتاتك تعداو على الاخ تاع سي ياسر

فلاش باك

~كانو البنات جالسين...

اسيل:لجين نوضي نشطحو شوية

لجين:(فمها عامر بالماكلة) غانوضي انا باق ماساليت

اسيل:السلامة ياربي على بقرة ...شتي نتي اخرتك غاتموتي مكوفرة ف ثلاجة ...من نهار عرفتك وانت والماكلة بحال بحال واكون كانت كاتبان فيك واوالو

لجين:تفو على هدرة كيوجهك ...نوضي اختي غاخليني هاكا عاجبني الحال

اسيل:(قلبات عينيها بغير هتمام)اوك...

~ناضت لجيها لي فيها كايشطحو  الناس ...وبدات كاتشطح...وبينما هي كاتشطح كان مقابل معاها جوج دراري و واحد فيهم حاضيها بينما الثاني جالسة حداه وحدة مشغول معاها~

...1:شوفلك التوت كايشطح بوحديتو

...2:هي لانضتي ونستيها وخليني انا مع هاد البوكوصة(ضحكات هاديك لي حداه بصوت مق***ة

...1:هي لي ماتعاودش

~كانت اسيل كاتشطح تاحسات بشي جسم محاوطها و يديه فخصرها وكايشطح وكاتحس بديالو كايتحكك معاها ...دارت ليه بزربة ودفعاتو ~

اسيل:حيد عليا يديك الحمار...كيفاش تجراء وتقيسني المسخ

~ملي دفعاتو مارضاش...وزادت عليه ملي سباتو...يالله كان غايشدها من شعرها...حتاجات لجين لي كانت كاتاكل حتى قشعات شنو طاري...وناضت كاتجري جيهتهم وحبساتو قبل مايقيصها ...ودفعاتو تاهيا