تمت الخطوبه واي زول مشى بيتو وكلهم مبسوطين
قاعد في غرفتو وبتذكر في مرام وضحكتها وخجلها : ي الله م تعاقبني فيها م تعاقبني بيها في حاجات كنت بعملها زمان وبقى يدعي كتير وحتى قام وصلى ركعتين وبقى يدعي ويدعي لحدي م نام في المصلايه
___________________________
: وائل د اخبارو شنو
:والله وقف الكان بعملو وبقى يصلي
:كيف الكلام د😡
:والله العظيم
: الزول د نحن بنحتاج ليهو😡
:هو مستحيل يرجع للشغل د تاني😪
:م على كيفو ويرجع بالغصب
:كيف لاكن
:بلقى الحل😈 هسي خلينا من وائل شوف الزبون الاسمو عمار د عزوهو م تقصرو منو الزول د بدفع بالمليار وولد أكبر ممول للشركات في السودان
: اي م مقصرين منو
: انصرف وداك طلع
:قاعد بفكر تخلي الشغل ي وائل بعرف اجيبك كيف😈
____________________________
رجعنا انا وامي تعبانين (منه رجعت مع أهلها) طلعت غرفتي دايرة انوم كدا تلفوني ضرب لقيتو محمد ورديت
، الو، طمنيني وصلتي؟!، اي وصلت، الحمدلله وبقينا نتونس لحدي م قلت ليهو محمد انا نعسانه وماشه انوم، طيب تصبحي على خير وخلي بالك من نفسك، وانت كمان يلا مع السلامه، مع السلامه قفلت منو وبقيت بعاين للخاتم وم مصدقه لسه وضربت لي منه م ردت لي ضربت ليها كتير ردت لي وهي نعسانه، خير ي طير ضاربة لي مالك، ولا شي قلت اصحيك بس بعدين تلفونك مشغول كنتي بتخلطي مع منو😉، زيزو حبيب قلبي😉، احي انا م كنتي بتشاكلي معاهو بالأول وكنتي بتكرهي وهسي بتدلعي قدامي🌚، عايني م بخصك وشوفي ليك راجل يلمك م تضربي للناس انصاص الليالي ويلا اقطعي وشك وقفلت الخط فيني، كويس ي بت اللذينه بوريك ورقدت نمت
____________________________
قاعده في غرفتها وبتفكر فيهو وفرحانه إنها خطيبتو وقطع تفكيرها صوت التلفون جرت قلعتو من الشاحن قايلاهو حبيب القلب وطلعت عبق، شفق، اها في شنو ي بت، عبق، وااااااااي ي هناية انا مرة متزوجة م قادرة أصدق، م تصرخي والف مبروك بيت مال وعيال😂😂، عبق، امين وعقبالك كمان، شفق، امييين وهم بتكلمو دخل ليها عمر في المكالمه وقفلت في عبق وردت لي عمر، شفق، الو،....، شفق، الو عمر،.....، شفق، الوووووووووووو، عمر، خلاص م تصرخي ي بت😂😂، شفق، ثقيل د م بترد من البداية مالك😑،عمر، قلت اسمع صوتك😉، شفق، اممممم عمر، عمر، عيونو وقلبو وروحو، شفق سكتت🙈🙈🙈، عمر، انطقي😂😂 شفق، انت لي م اعترفت لي بي حبك من الاول ولي تجيب اهلي الصاله يمكن انا م موافقه😑عمر، طيب يا ستي أولا انا كنت مستني فرصه مناسبه عشان اعترف ليك وثانياً حنيت عليك قلت البايرة دي مافي زول بعرسها اخير اكسب أجر واعرسها 😂😂وثالثاً انا م داير اقضي بيك زمن ودايرك مرتي وقدام كل الناس فهمتيني ي قلبي😍♥️شفق، انا بايرة بايرة حبوبتك 🐸💔، عمر، هسي انتي خليتي الكلام كلو وركزتي في بايرة😂😂، شفق، امممم، عمر، شفق، نعم، عمر الله يخليك لي، شفق، ويخليك لي
- - - - - - - - - - - - - - - - - - - - - - -
كويس ي شفق تقفلي فيني الخط انا عشان حبيب القلب😑😑 تلفونها ضرب ردت على المكالمة من دون م تعاين لي الإسم، ي حيوانه خلاص انتهيتي من الخلط ضربتي لي م دايره اتكلم معاك، غسان😂😂😂، عبق، وبعلي غسان، غسان، ياهو زاتو اسمعيني عندي كلام مهم😑، عبق، اها قولو، غسان، انا تحت انزلي لي، عبق، انت جنيت الجابك شنو امشي من هنا😲، غسان، اسمعي حبيبتي انا جيت لي مرتي تنزلي لي ولا اطلع ليك؟!، عبق، غسان عليك الله امشي من هناانا م..، غسان، عندك 5 دقائق نزلتي نزلتي م نزلتي بضرب الباب وبصحي اهلك وبجيك فوق وقفل الخط، عبق، وااااااي انا اعمل شنو اعمل شنو ضربت لي شفق مشغول واااي الحيوانه لسه بتخلط اتوكلت على الله ونزلت وفتحت الباب، غسان، اووو مرتي الحلوة، عبق، عايز شنو أنجز😑، غسان، بايخة على فكرة انا ماشي، عبق، لا لا خلاص معليش بقو يتونسو عبق، انا نعست ماشه وقبلت دايرة تمشي غسان مسكها من يدها وجراها وباسها في رأسها، غسان، يلا في امان الله وركب عربتو ومشى وهي دخلت البيت تتبسم ونامت
____________________________
صحيت الصباح ومشيت الجامعه وقعدنا اتونسنا أهم حاجة مرام نقلت من جامعتها وجاتنا😉واي واحد مشى على محاضرتو انتهت المحاضرة وقعدنا في الكافتريا تلفون ترتيل ضرب ومرام خطفتو منها، عصام، الو حبيبتي مشتاق ليك تعالي جمب الشجرة خلينا نتونس م ممكن يوم كامل م اشوفك ، مرام، للأسف المدام دي مشغوله حالياً وبعدين م كنت قايلاك رومنسي كدا ي اخوي طلعت م هين 😉 وقفل في وشها الخط وبقينا نضحك بعد شويه جو الاولاد كلهم داخلين وبقينا نتونس
____________________________
:وائل مشى الجامعه مع اخوهو
:خليك لاحقو بس😈
:الخطة شنو ي معلم
: مافي خطة حالياً خليك لاحقو بس واديني آخر المستجدات من تحركاتو وبقابل منو وأهم شي تعرف لي إذا عندو بت في حياتو
:عُلم
:يلا
____________________________
دكينا باقي المحاضرات وطلعنا على توتي قاعدين كلنا في النجيله
مدثر :ورح نلعب صراحة وتحدي
محمد : وائل فتش لينا قارورة
وائل:شغال عندكم انا😑
محمد :امشي😂😂
وائل وقف وجا قال لي مرام ارح معاي
مرام : م ماشه رسلوك انت م انا😑
وائل جراها من يدها ومشو
انا ومحمد مشينا اشترينا مويه وجينا قعدنا كل م ارفع راسي القى محمد بعاين لي فتحت المويه وقعدت اشرب محمد غمز لي😉 لمن اتشرقت وبقيت بكحكح وهو مات ضحك وكلهم بضحكو جابو القارورة ولفوها وطلعت على عصام وشفق، عصام، صراحة ولا تحدي شفق، صراحة، عصام، عمر لو م اتقدم ليك واتقدمت ليك انا بتوافقي، شفق، لا، عصام، واشمعنا عمر وافقتي 😉، شفق، القلب وما يريد 😌والأولاد بقو يصفرو وعمر يغمز ليها ولفوها تاني وقعت منه وغسان، منه، صراحة ولا تحدي، غسان، تحدي، منه، شايف البت الهناك ديك.، غسان، اها، جيب رقمها وتعال، عبق اتلفتت على منه، عبق، هييي هييي انتي انحنا😂😂😂غسان، بحب غيرتو علي😂😉عبق، م تمشي😑، غسان، د تحدي ي قلبي وقام مشى وعبق تلبع في منه بعد شويه جا وشايل معاهو ورقه مكتوب عليها الرقم وعبق زعلت وربعت يدينها جا قعد قدامها وشرط الورقه ورماها، غسان، كلو ولا زعلك😉وبقينا نشاغلهم واللعبه استمرت لحدي م جعنا ورسلنا مرام ووائل ومنذر ومنه ونحن بقينا قاعدين
____________________________
:وائل اتحرك ومشى يشتري سندوتشات ومعاهو بتيين وولد
:اعرف لي ياتو وحدة خطيبتو
:القصيرة فيهم
:تمام م محتاج توصيه عارف شغلك 😈
:عُلم
____________________________
قاعدين ومستننهم وهم اتاأخرو شديد جاني اتصال من منذر، الو لي اتأخرتو، منذر، اسمعيني وائل د حصل معاهو حادث وهسي نحن في مستشفى (...)
، وبعلي حصل كدا كيف، منذر، تعالو بس وقفل الخط كلمتهم وكلنا جرينا ومحمد واضح على وشو الحزن وصلنا المستشفى ولقينا منه ومنذر بهزو في مرام وهي يدينها كلها دم وفي حاله صدمة هنا محمد حيلو مات وبقى ماشي براحة ونا بصبر فيهو لحدي م وصلنا وعصام وترتيل جرو ليهم وغسان وعمر مشو محل الاستقبال للأوراق وكدا وعبق وشفق مشو معاهم ومحمد قعد في الأرض وخاتي يدينو في راسو وانا قاعده جمبو وبتكلم معاهو ومرام ماسكة كلام واحد :انا السبب قال لي م ازح من جنبو انا السبب وبقت تكلم وتردد انا السبب إلا عصام أداها كف وانفقعت بكا
Flash back
وائل جاهو اتصال ورد على المكالمة
وائل وهو زهجان، انا مستحيل ارجع للشغل د تاني مستحيل 😠
:اتحمل العواقب وانتبه على خطيبتك دي 😈وقفل الخط ووائل مشى لي مرام قال ليها م تزح من جمبو وبقو واقفين مستنين السندوتشات ومرام لقت غزل البنات مشت تشتري وائل أتلفت لقاها واقفه مع الراجل الببيع غزل البنات وهي م منتبه وفي عربيه مسرعة تجاها إلا وائل جرا ولزاها وللأسف هو اطقش ونزف دم ومرام ماسكه وائل وبتصحي فيهو وجوهم منه ومنذر وودوهو المستشفى ودخلوا غرفه العمليات ومنذر ضرب لي
Back
قاعدين مستنين جانا الدكتور ووشو م مطمئن خالص وهو واقف بعاين لينا
الدكتور :للأسف..... ونسمع صوت كواريك وبكاء😭😭💔
.
.
.
.
.
#يتبع
